Diuteronomi 11:25 - Edo Bible (E Baibol Ẹdo) Version 1996

²⁵ Ọmwa ọkpa ne ọ gha sẹtin gbe uwa odẹ, ẹ i rrọ. Ehe ne uwa arhirhi lao vbe otọe nii, e Nọyaẹnmwa gha ya emwa nii gha mu ohan uwa zẹ vbene irẹn khare.

Diuteronomi 11:25 ပူးပေါင်းရင်းမြစ်များ

Jọsua 1:5

Inu ẹghẹ ne u gha ya vbe agbọn ọmwa ọkpa ne ọ gha sẹtin khọn miẹn ruẹn otọ, ẹ i rrọọ. I gha mudia kuẹ zẹ vbene I mudia ke Mosis. I i ra suẹ rae.

Diuteronomi 7:24

“Ọ gha viọ avbe ọba iran yan ẹtin uwa obọ. Wa gha gbele iran an, iran ghi vbe khian ne a mianmian. Orhiọnkpa ne ọ gha sẹtin gba ye odẹ ya da uwa obọ yi ẹ i rrọọ, te uwa ra fuẹn iran hia a.

Ẹksọdọs 23:27

I gha gie afianma mwẹ gha fian iran ni mu aro igbinna da uwa, I ghi fian otighi fi emwa ne uwa gu gbinna egbe, I ghi vbe gie avbe eghian uwa fi iyeke werriẹ ne iran le hin odaro uwa rre.

Jọsua 5:1

Avbe ọba Amọri hia ni rre ọlarrie owẹn Jọdan kevbe avbe ọba Kenan ni lele ọkpẹn Okun Meditẹrrenian hia keghi họn wẹ te Nọyaẹnmwa si amẹ Jọdan ka ne ivbi Izrẹl la gberra. Ohan keghi mu iran, egbe na wọ iran rhunmwuda ivbi Izrẹl.

Diuteronomi 2:25

Ẹre na, I gha suẹn gha ya ohan uwa mu emwa vbe ehehia. A gha so eni uwa, emwa hia ghi gha guọ zẹzẹzẹ ba ẹmwẹ ohan.’

Jọsua 2:9

Ọ tama iran wẹẹ, “Mẹ rẹnrẹn wẹ e Nọyaẹnmwa mu otọe na ne uwa nẹ, ne I wa tama uwa nian wẹ ohan uwa wa mu emwa hia ni rre otọe na zẹzẹzẹ.

I Krọnikol 14:17

Ẹmwẹ e Devid keghi titi gba ehe hia, e Nọyaẹnmwa keghi gie ohan rẹn gha mu agbọn ẹvbo hia.