Diuteronomi 11:2 - Edo Bible (E Baibol Ẹdo) Version 1996

² Wa yerre nian emwi ne uwa he ruẹ vbe kpa e Nọyaẹnmwa vbene aro uwa ghi he vbe miẹn emwi sẹ vbe ehe ne ọ ye. Wa ọ re aro ẹre sẹ avbe emwi na i ghẹ ẹ i re avbe ivbi uwa. Wa miẹn ukpọlọmwẹ e Nọyaẹnmwa kevbe ẹtin kevbe iwegbe ẹre.

Diuteronomi 11:2 ပူးပေါင်းရင်းမြစ်များ

Psalm 136:12

Obọ ọre ne ọ wegbe kevbe ekuabọ ẹtin ẹnrẹn, etẹbitẹ ọ re ahoẹmwọmwa rẹn khin.

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Itan 22:19

I ho ne u mu ẹtin yan e Nọyaẹnmwa, ọnii ọ re ọ si ẹe ne I ra na ma ruẹn re nian.

Aizaia 53:5

Sokpan rhunmwuda orukhọ mwa ọ re a na fian ẹre ẹwẹn, a keghi gbe ẹe rhunmwuda emwi dan ne ima ru. Oya ne irẹn ree ọ re ọ mu ima egbe rran emwi ne a fi irẹn re ọ re ọ sinmwi mwa.

Iwinna 26:22

Sokpan Osanobua ọre ọ mudia mẹ do sẹ ẹdẹnẹrẹ na, ne I na ye zẹ ene unu mwẹ ma emwa hia, ọkpọlọ kevbe ọkanmwa. Emwi ne I tae ọrọre emwi ne avbe akhasẹ kevbe Mosis tae ighẹ ọ gha sunu.

Diuteronomi 29:10

“Ẹdẹnẹrẹ na nian, odaro e Nọyaẹnmwa Osanobua rua ọ re uwa mudia yi — wa hia fẹẹrẹ — avbe ọkaolotu kevbe ekhaẹmwẹ uwa, ikpia uwa.

Diuteronomi 3:24

‘E Nọyaẹnmwa ne Udazi, I rẹnrẹn wẹ omuhẹn emwi ọ yan unu uan nekhua ne u ra ru ọkpa ọ re u rhie maa mwẹ. Ẹbọ ọkpa i rre ẹrinmwi kevbe agbọn ne ọ gha sẹtin ru avbe emwi nekhua ne uwẹ ru!

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.

Diuteronomi 5:24

Iran keghi kha wẹẹ, ‘E Nọyaẹnmwa Osanobua ima rhie ukpọlọmwẹ ọnrẹn kevbe uyi ẹre ma mwa, ẹghẹ ne ima na họn vbe ọ guan ke uwu erhẹn nii rre! Ma miẹn ọẹn ẹrẹna nian wẹ ọmwa sẹtin ye gha rre agbọn vbe Osanobua gu ẹe guan nẹ.

Diuteronomi 7:19

Wa ye avbe egboghogbogho ne uwa ye aro uwa miẹn hia rre, avbe iwinna ama kevbe ọyunnuan kevbe ẹtin vbe iwegbe ne Nọyaẹnmwa Osanobua uwa ya fannọ uwa vbe irri. Ọ gha fuẹn avbe emwa na hia ne uwa mu ohan rẹn na, zẹ vbene ọ vbe fuẹn emwa Igipt.

Diuteronomi 8:19

Wa ghẹ ya mu aro da ẹbọ ọvbehe gha gho, ra ne uwa gha ga iran vbene uwa na mianmian e Nọyaẹnmwa Osanobua rua. Wa gha danmwẹ ọẹn, ne I tama uwa ẹrẹna wẹ ta a ra fuẹn uwa a.

Diuteronomi 9:26

I keghi na erhunmwu wẹẹ, ‘E Nọyaẹnmwa ne Udazi, lahọ ghẹ fuẹn emwa ruẹn uan, emwa ne u ya ẹtin kevbe iwegbe ruẹ fan vbe irri, u kevbe viọ iran ke otọ Igipt rre.

Jọsua 24:31

Ivbi Izrẹl keghi wa gha ga e Nọyaẹnmwa vbe ukpo hia ne Jọsua yae vbe agbọn, kevbe iyeke ọ vbe wu nẹ vbe iran ne avbe ọkaolotu ni rẹn emwi hia ne e Nọyaẹnmwa ru ne Izrẹl he ye rrọọ.