Diuteronomi 11:18 - Edo Bible (E Baibol Ẹdo) Version 1996

¹⁸ “Wa ye avbe uhi na vuọn ekhọe kevbe orhiọn uwa, wa de ẹre ye ekuabọ uwa, ne uwa vbe gbae ye uharo ne uwa ya gha ye rre.

Diuteronomi 11:18 ပူးပေါင်းရင်းမြစ်များ

Psalm 119:11

Mẹ rhie uhi ruẹ ye ekhọe mwẹ, ne I ghẹ miẹn ehe na rukhọ ghe ruẹ.

Ẹksọdọs 13:16

Iruẹmwi na ghi gha re ayere zẹ vbe ama vbe obọ ruẹ ra orhiema vbe uharo ruẹ rhunmwuda iwinna ẹtin nọkhua ọre Nọyaẹnmwa ya viọ ima ke otọ Igipt ladian.’ ”

Ẹksọdọs 13:9

Iruemwi na ghi yevbe ama ne u vin ye obọ ra emwi ayere vbe uharo ruẹ ne ọ gha ye ruẹ rre ne u miẹn ehe na gha ta ẹmwẹ uhi e Nọyaẹnmwa rhunmwuda ẹtin nọkhua ọre Nọyaẹnmwa ya rhie ruẹ hin otọ Igipt rre.

Itan 3:1

Ovbi mwẹ, ghẹ mianmian emwi ne I ma ruẹn re. Gha ye emwi ne I tama ruẹn ne u gha ru rre vbe ẹghẹ hia.

Itan 3:3

Ghẹ rhie obọ hin agba ẹko ọmwa kevbe ekhọe esi rre, viọ iran kinnọ urhu, gbẹnnẹ iran ye ekhọe ruẹ.

Jerimaia 32:39

I gha rhie emwi okpa kẹkan ne iran hia gha rhie aro yi vbe agbọn iran; ne iran gha ya ọghọ mẹ vbe ẹghẹ hia vbene agbọn gha na maa iran kevbe ivbi uniẹn iran.

Matiu 23:5

Iran ghi gha ru emwi hia ọghe ne emwa ba bẹghe mwẹ. Wa ma miẹn vbene ẹkpo ne a viọ uviẹn ebe na gbẹnnẹ kevbe Ebe ni re na a mu gba ye obọ kevbe uharo ọghe iran kọnkọn hẹẹ! Wa ma miẹn vbene ẹwu iran wa hiọrọ otọ hẹẹ!

Diuteronomi 32:46

Ọ keghi kha wẹẹ, “Wa ghẹ mwẹ wa ma ya uhi ne I ma uwa ẹre ẹrẹna ru emwi. Wa ta ẹe ma avbe ivbi uwa, ne iran miẹn ehe na gha ya ẹkoata rhie emwi ne Osanobua ma emwa ẹre mwẹ.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

Hibru 2:1

Ọnii ọ si ẹe ne ima gha na kakabọ ye obọ da ẹe yi sẹ ayọ, ighẹ ẹmwata ne ima họn nẹ ne a ghẹ ya ya ima de odẹ.

II Pita 1:12

Ọna ọre ọ si ẹe ne I gha na gha ye uwa avbe ẹmwẹ na rre ẹghẹ hia, a gha rhe miẹn ighẹ wa ka rẹn ọnrẹn nẹ, kevbe wẹ, a wa ziẹn ẹnrẹn ye uwu ẹmwata ne uwa rhan obọ miẹn nẹ.