Diuteronomi 11:13 - Edo Bible (E Baibol Ẹdo) Version 1996

¹³ “Rhunmwuda onii nian, wa ghi gha ya uhi ne I gbe ne uwa ẹrẹna gha ru emwi, onii nọ wẹ ne uwa gha ya ekhọe uwa hia ho ẹmwẹ Nọyaẹnmwa Osanobua rua kevbe ne uwa vbe ga ẹe vbe orhiọn ruan hia kevbe ẹko rua hia.

Diuteronomi 11:13 ပူးပေါင်းရင်းမြစ်များ

I Ọba 3:3

E Solomọn keghi ho ẹmwẹ e Nọyaẹnmwa ọ keghi vbe gha ru vbene Devid ne erha ẹe tama rẹn, sokpan ọ yevbe gbele aranmwẹ, ọ kevbe ye iran zọ ese vbe Ogiukpo ughughan.

Psalm 119:2

Afiangbe ọrọre ọghe iran ni lele iyi ẹre ni họn ẹmwẹ ne ẹẹn kekhọekekhọe.

Psalm 119:4

Nọyaẹnmwa, wẹ rhie uhi ruẹ ne ima nẹ, u na wẹ ne ima gha ya ẹe ru emwi ekhọe kekhọe.

Jerimaia 17:24

“Tama avbe emwa na ne iran gha ye uhi mwẹ hia ru emwi. Iran ghẹ mu ihẹikeihẹ la onurho ẹvbo nii la owa vbe Ẹdẹ Ikẹtin. Iran ghi gha ru Ẹdẹ Ikẹtin ẹdẹ nọhuanrẹn, iran ghẹ vbe winna iwinna rhọkpa hiehiere.

Ezikiẹl 34:26

I gha fiangbe iran, I ghi vbe gie iran gha rre ehe ne ọ lẹga oke mwẹ nọhuanrẹn. Evba nii ọ re I gha na gha ye amẹ ne ọ rhọ fiangbe iran vbe ẹghẹ ne iran ya gualọ ẹe.

Levitikọs 26:3

“Deghẹ wa rhie owẹ lele uhi mwẹ wa na vbe gha ya ilele mwẹ ru emwi.

Levitikọs 26:4

I gha gie amẹ gie uwa vbe ẹghẹ ne ọ khẹ ke, vbene otọ gha na gha ma emwiokọ, avbe erhan ghi vbe gha mọ ọmọ.

Diuteronomi 10:12

“Banbanna nian, wa ne ivbi Izrẹl wa danmwẹ ehọ emwi ne Osanobua nọ rẹn vbe obọ uwa. Wa gha ye ekhọe uwa kevbe orhiọn uwa hia ho ẹmwẹ ọnrẹn, ne uwa vbe ya ẹe ga ẹe.

Diuteronomi 11:1

“Wa ho ẹmwẹ Nọyaẹnmwa Osanobua rua, ne uwa vbe gha ya uhi ẹre hia ru emwi.

Diuteronomi 11:22

“Wa gha ya ekhọe hia ya iyi ne I yi ma uwa ru emwi. Wa gha ho ẹmwẹ Nọyaẹnmwa Osanobua rua, vbe emwi hia ne ọ khare, ne uwa gha re emwa ne ọ gba ẹko ẹre.

Diuteronomi 11:8

“Wa gha ya uhi hia ne I gbe ne uwa ẹrẹna ru emwi. Erriọ wa gha na sẹtin gberra ne uwa ya yin otọe nii ne uwa ghi ra lao na.

Diuteronomi 28:1

“A deghẹ wa gele họn ẹmwẹ ne Nọyaẹnmwa Osanobua rua, wa na ya ẹko ata rhie uhi ẹre ne imẹ rhie ne uwa ẹrẹna mwẹ, ọ gha ya uwa kpọlọ sẹẹ avbe okpẹvbo ọvbehe hia ni rre agbọn na.

Diuteronomi 4:29

Evba wa gha na gualọ Nọyaẹnmwa Osanobua uwa. A deghẹ wa ye ekhọe uwa hia kevbe iho uwa hia gualọ ẹe, wa gha miẹn ọẹn.

Diuteronomi 6:17

Gia miẹn wẹ wa ya uhi ne ọ viọ ne uwa ru emwi.

Diuteronomi 7:12

“Deghẹ wa gha rhie ehọ ye avbe uhi na, wa na gha ya iran ru emwi vbe ọghe ẹmwata, e Nọyaẹnmwa Osanobua gha mwẹ ahoẹmwọmwa ne ẹ i fafaa ghe uwa zẹ vbene ọ yan ma avbe erha uwa odede.