Diuteronomi 11:12 - Edo Bible (E Baibol Ẹdo) Version 1996

¹² E Nọyaẹnmwa Osanobua uwa ọ re ọ gbe aro ghe otọe na, ọ ghi vbe gha ba ẹe ne ukpo rhu.

Diuteronomi 11:12 ပူးပေါင်းရင်းမြစ်များ

I Ọba 9:3

E Nọyaẹnmwa keghi tama rẹn wẹẹ, “I họn erhunmwu ruẹn ne, I ya Ọgua Osa ne u bọ ẹe khian ne ọ huanrẹn zẹ vbe ehe ne a gha na gha ga mwẹ rhinrin ẹdẹ. I gha gbe aro ghe ẹre, I gha vbe degue ẹre rhinrin ẹdẹ.

II Ọba 18:32

ọ te do sẹ ẹghẹ ne Ọgbaisi gha na viọ uwa ne uwa ya yin ẹvbo ọvbehe ne ọ vbe yevbe ọghe uwa, ehe ne uwa gha na miẹn gha re wa ghi vbe miẹn gha da, otọe emwiokọ esiesi kevbe ọghe owọn ọre otọe nii khin. Deghẹ wa ru vbene ọ khare, wa ira wulo, wa gha miẹn uhunmwu. Wa ghẹ gie Hẹzekaia do uwa ọzuọ ne ọ tama uwa wẹ e Nọyaẹnmwa gha miẹn uwa fan.

Ẹzra 5:5

Sokpan, Osanobua keghi mudia ne iran ne avbe olotu e Ju, rhunmwuda ọnii avbe ivbi e Pẹsia ni rre asẹ nii keghi wẹ iran i ra ru emwi rhọkpa vbe ẹ i re te iran ka gbẹn ebe gie Dariọs ne ọgbaisi keghi ne ọ vbe rhie ewanniẹn gie iran nẹ.

Psalm 33:18

E Nọyaẹnmwa ọ re ọ gbearoghe iran ni ya ọghọ ne ẹẹn. Iran ni mu ẹtin yan ahoẹmwọmwa rẹn ne ẹi beghe.

Psalm 34:15

E Nọyaẹnmwa, ọ re ọ su e nọ ru emwi ẹse khian ọ vbe danmwehọ utumwẹ iran.

Psalm 65:11

U miẹn vbe emwiokọ ne iruẹmwi ẹse ruẹ rhie ne emwa bun hẹ! Ọkpọkua ghi gha rre ehe ne u la ẹe hia.

Aizaia 36:17

ọ te do sẹ ẹghẹ ne ọgbaisi gha ya gbe uwa ẹkun sotọ vbe ẹvbo ne ọ wa vbe ye vbe ọghe uwa, ehe ne uwa gha na gha miẹn ugbo azara ne a ya ru ayọn, kevbe ọka irhuarhua ne a ya ru ebrẹd.

Jerimaia 24:6

I gha gbearoghe iran, I ghi vbe viọ iran werriegbe gha die otọe na. I gha mu iran kpaegbe, I i ra vbe siẹn iran kua. I gha gbọ iran, I i ra vbe silo iran vbọlọ.