Diuteronomi 11:11 - Edo Bible (E Baibol Ẹdo) Version 1996

¹¹ Sokpan otọ ne uwa ra lao na, otọ oke vbe ugboghodo nọ, otọ ne amẹ wa rhọ guagua ẹsẹse.

Diuteronomi 11:11 ပူးပေါင်းရင်းမြစ်များ

Gẹnẹsis 27:28

Te Osanobua gha rhie evbu ẹrinmwi nuẹn, ne ọ ya ugbo ruẹ khian ne ọ ma emwiokọ! Te ọ gha rhie ọka kevbe ayọn nibun nuẹn!

Psalm 68:9

U gie amẹ kakabọ rhọ u keghi dọlọ otọe ruẹ ne ọ te fafaa yi.

Aizaia 28:1

Arriọba Izrẹl khian rhie nẹ! O Uyi ẹre hia fafaa zẹvbe ẹde obobo vbe uhunmwu avbe ọkaolotu ẹre ni da ayọn gbe egbe. A te wa ya ori ne ọ winhin wo iran uhunmwu, sokpan, ya ghe vbe ehia lovbiẹ lele otọ, ayọn gbele iran kua.

Jerimaia 2:7

I keghi viọ iran gha die otọ ne ọ maa emwiokọ. Ne iran do gha ya emwiokọ ni rrọ ru, deba emwi ni maa ni rrọọ hia. Sokpan, ne iran gha na te ru vberriọ, iran keghi mu otọe mwẹ rhia. Iran keghi ru ẹvbo ne I mu ne iran awua.

Ezikiẹl 36:4

Rhunmwuda ọnii, wa ne oke nekhua kevbe negiẹrẹ, wa danmwehọ ẹmwẹ ne imẹ ne Nọyaẹnmwa ne Udazi tama uwa, kevbe uwa ne ivbi ẹzẹ kevbe iya, kevbe uwa ne ehe ne a ya khian itowa hia, kevbe uwa ne ore ẹvbo ne a lẹẹ sẹrae, ne a fu ẹre emwi hẹ, avbe ẹvbo ni yin lẹga ẹre na vbe yae gha gbogiẹ.

Diuteronomi 11:10

Otọe ne uwa ra ya yin na, ẹi ye vbe otọ Igipt ne uwa ka gha ye yi. Vbe odọ nii, wa gha kọ ọka, wa ghi ya urriẹdẹ zẹlẹ uroramẹ lele ugbo nii.

Hibru 6:7

Te Osanobua fiangbe otọ ne ọ ya amẹ wọn vbe amẹ a rhọ yọ nẹ, ne ọ vbe zọ erhan ne a ya ru emwi kpataki ladian ne iran ni gbe ẹre ugbo.