Diuteronomi 10:9 - Edo Bible (E Baibol Ẹdo) Version 1996

⁹ Ọnii ọ siẹe ne a na ma gha otọ ne ẹwae Livai zẹ vbene ẹwae nekpa ye. Emwi ne ọ sẹ iran obọ ke gha re ukpo ohẹn zẹ vbene Nọyaẹnmwa Osanobua uwa yan rẹn.)

Diuteronomi 10:9 ပူးပေါင်းရင်းမြစ်များ

Ezikiẹl 44:28

“Emwi ne ọ sẹ avbe ohẹn obọ vbe emwi ne I viọ ne ivbi Izrẹl, ne ọ gha re emwi ne a ya ye emọ otọ, ke orre ọkpa ya sẹ ọvbehe ọrọre ukpo ohẹn. A i kue ne iran gha họn emwi vbe Izrẹl. Mẹ ọrọre emwi ne ọ kere ne iran gha mwẹ.

Nọmbas 26:62

Avbe Livai ne ikpia hia ni ghi rre ke ọmọ ukpo ọkpa gha khian kegha re arriaisẹn ehayan-ugie (23,000). A ma ka iran ba ivbi Izrẹl nekpa rhunmwuda a ma gha emwi ẹwae rhọkpa ne iran vbe Izrẹl.

Iwinna 8:21

Iwinna mwa ma kan ruẹn, u i vbe mwẹ oghae vbọ, rhunmwuda ekhọe ruẹ ma mudia ẹse vbẹ odaro Osanobua.

Diuteronomi 12:12

Ẹghẹ nii wa gha ghọghọ vbe odaro ẹre, kevbe ivbi uwa kevbe ọguọmwadia uwa kevbe avbe Livai ni rre ẹvbo uwa, (yerre wẹ avbe Livai i khian gha mwẹ otọ obọ iran.)

Diuteronomi 14:27

Sokpan, wa ghẹ mianmian ivbi e Livai ni rre ẹvbo rua. Iran imwẹ emwi obọ iran.

Diuteronomi 14:29

Evbare na. ọghe avbe Livai nọ vbe ne a na miẹn wẹ iran imwẹ emwi obọ iran, kevbe avbe orhunmwuyẹn, emọ ne ẹ i mwẹ erha, kevbe avbe ẹgbẹ ni rre ẹvbo uwa. Iran ghi rre do gha viọ emwi ne iran imwẹ hia. Wa ghi ru ọna, e Nọyaẹnmwa Osanobua rua gha vbe fiangbe uwa vbe emwi ne uwa ru hia.

Jọsua 14:3

E Mosis ka mu otọ eso ne ẹwae eva vbe ukhiọnmwẹ vbe odẹ ahọ ọghe Jọdan, sokpan ọ ma mu otọe ne avbe Livai. A keghi ghae uniẹn Josẹf ye ẹwae eva, ena ọre Manasẹ kevbe Ifreim. A ma mu ne avbe Livai vbe otọe nii, ye ihe ọnii, a keghi mu avbe okpẹvbo ne iran dia, oha kevbe gha rrọọ ne avbe ẹmila kevbe ohuan iran.