Diuteronomi 10:8 - Edo Bible (E Baibol Ẹdo) Version 1996

⁸ E Nọyaẹnmwa keghi zẹ emwa ẹwae Livai, vbe uhunmwu oke nii, ne iran gha gbe aro ghe Ẹkpẹti Ile, kevbe ne iran vbe ga irẹn zẹ vbe ohẹn, kevbe ne iran vbe gha ya eni irẹn fiangbe emwa. Iwinna iran ọ re avbe emwi na ye khin.

Diuteronomi 10:8 ပူးပေါင်းရင်းမြစ်များ

I Ọba 8:6

Avbe ohẹn keghi mu Ẹkpẹti Ile nii, iran na ya mu ẹẹn ye Ehe Ne ọ Huan Sẹẹ Ehia vbe Ọgua Osa, vbe ototọ ifuẹn avbe aranmwẹ ni zẹ ifuẹn.

I Krọnikol 15:2

Ẹre irẹn na kha wẹẹ, “Avbe Livai ọkpa ọ re ọ ra gha mu Ẹkpẹti Ile rhunmwuda, iran ọ re Nọyaẹnmwa zẹe ne ọ gha mu ẹẹn, ne iran vbe gha winna ne irẹn ẹdẹdẹmwẹdẹ.”

I Krọnikol 15:26

Iran keghi ye ẹmila ihinrọn kevbe ohuan ihinrọn zọ ese ne aro miẹn ehe na daa ẹe ighẹ Osanobua gha yi iran obọ ighẹ avbe Livai ni mu Ẹkpẹti nii.

I Krọnikol 23:13

Ovbi ẹre ne ọdiọn ighẹ Amram ọrọre erha Errọn kevbe Mosis. (A keghi viọ Errọn kevbe uniẹn ọnrẹn ye obọkpa ne iran gha gbearoghe avbe emwi ni huanrẹn ẹdẹdẹmwẹdẹ, ne iran gha giẹn eturari, vbe ugamwẹ e Nọyaẹnmwa, ne iran gha ga ẹe, kevbe ne iran vbe gha ya eni e Nọyaẹnmwa fiangbe emwa ni.

I Krọnikol 23:26

Rhunmwuda ọnii nian, a i ghi vbe wẹ ne avbe livai gha dada Ẹkpẹti Ile ne a ya rẹn ighẹ Nọyaẹnmwa rre evba, kevbe avbe emwi hia ne a lo vbe ugamwẹ.”

II Krọnikol 29:11

Ivbi mwẹ, wa ghẹ ya ẹe rhọ eghẹrẹ hiehiere. Wa ọrọre emwa ne Nọyaẹnmwa zẹe ne ọ gha giẹn eturari ghe irẹn kevbe ne ọ gha ya avbe emwa ni ru ugamwẹ irẹn.”

II Krọnikol 30:27

Avbe ohẹn kevbe avbe Livai keghi na erhunmwu afiangbe e Nọyaẹnmwa ne emwa nii. Osanobua keghi họn erhunmwu iran vbe owa ẹre vbe ẹrinmwi, ọ keghi rhan obọ miẹn rẹn.

Psalm 134:1

Wa larre, do rho e Nọyaẹnmwa wa ne eguọmwadia ẹre hia wa hia ni ga vbe Ọgua Osa ẹre vbe asọn.

Psalm 134:2

Wa viọ obọ da odukhunmwu na erhunmwu vbe Ọgua Osa, ne uwa rho e Nọyaẹnmwa.

Psalm 135:2

Ni mudia vbe owa e Nọyaẹnmwa, vbe Ọgua Osa ọghe Osanobua mwa.

Jerimaia 15:19

Ẹre Nọyaẹnmwa na rhie ewanniẹn ye ọna wẹẹ, “U gha dọlegbe rre, I gha dọlegbe rhan obọ miẹn ruẹn, u ghi dọlegbe gha re ọguọmwadia mwẹ. A deghẹ u mu etalọ oya fua, u na gha ta uhunmwu ne a gie ne ọ mwẹ esa, u gha dọlegbe gha re akhasẹ mwẹ. Emwa ni gha dọlegbe bu ruẹ rre, ẹghẹ i rrọ ne a gha ya miẹn wẹ wẹ ọ re ọ ghi bu iran gha khian.

Ezikiẹl 44:11

Iran sẹtin gha winna mẹ vbe uwu Ọgua Osa vbekpa ne iran gha na gha gbearoghe onurho, kevbe ne iran gha winna iwinna ni rre uwu Ọgua Osa. Iran sẹtin gha gbele avbe emwi ne avbe emwa ya zọ ese ne a gien uan kevbe ese kẹkan, iran ghi vbe gha rre do gha winna ne avbe emwa nii.

Ezikiẹl 44:15

E Nọyaẹnmwa ne Udazi khare wẹẹ, “Sokpan, avbe ohẹn ni re ivbi ẹwae e Livai, ni rre ivbi uniẹn e Zadọk, wa ye ekhọekekhọe gha ga mwẹ vbe Ọgua Osa, vbe avbe ivbi Izrẹl nekpa fi iyeke gbe mwẹ nẹ. Rhunmwuda ọnii nian, iran ọ re ọ ghi ra gha re emwa ni gha ga mwẹ, iran ọ re ọ ghi ra vbe gha sẹ ehe ne I ye ne iran do gha ya ẹvbi aranmwẹ kevbe esagiẹn emwi ne a ya zọọ ese, zẹ ọhẹ mẹ.

Levitikọs 8:9

Ọ keghi mu ukugba uhunmwu yọ ọre uhunmwu, ọ keghi vbe mu emwi itegbe igoru ne a gbẹnnẹ emwi yi ya fi ohan ne Nọyaẹnmwa, ye ọre odaro zẹ vbene Nọyaẹnmwa tama rẹn.

Levitikọs 9:22

Ugbẹn vbe Errọn ghi zọ ese na hia fo nẹ, ọ keghi tọn obọ ẹre mu yan emwa nii, ọ na fiangbe iran, ọ ke ghi tuorre.

Nọmbas 3:31

Iran ọre a mu iwinna ne ọ dekan Ẹkpẹti Ile na, kevbe eteburu, erhan ọmukpa, aka, kevbe avbe ọkpan ne avbe ohẹn ya ru emwi vbe Ehe Ne ọ huanrẹn, deba iwinna ni ghi rre avbe emwi na hia.

Nọmbas 3:6

“Viọ ivbi ẹwae Livai ladian ne u zẹ iran ni ga Errọn ne ohẹn.

Nọmbas 4:15

Ọ gha sẹ ẹghẹ ne a ya si kpao vbe agọ, ivbi e Kohat ghi do viọ avbe emwi nihuanrẹn nii, iyeke vbe avbe ivbi ẹre a ghi ya emwi gue ehia kevbe emwi ne a lo ba iran fo nẹ. Wẹ ne ivbi e Kohat ghẹ ye obọ kan emwi nihuanrẹn ni ne iran ghẹ wulo. “Iwinna ne ọ kan ivbi e Kohat vbe ẹghẹ ne a rhirhi ya si vbe agọ ọre ena khin.

Iyẹn ne ọ Maan Ọghe Jọn 15:16

Ẹ i re uwa ọre ọ hannọ mwẹ zẹ, mẹ ọre ọ hannọ uwa zẹ, I na vbe wẹ ne uwa ya kakabọ gha mọ, ọmọ ne ẹ i khuọn kua. Emwi ne uwa a rhirhi nọ Erha re vbe eni mwẹ, ọ gha rhie ẹre ne uwa.

Iwinna 13:2

Ugbẹn vbe iran ghi ga Nọyaẹnmwa, vbe iran vbe yo aguẹ, Orhiọn Ne Ọ Huanrẹn tama iran wẹẹ, “Wa viọ Banabas vbe Sọl ladian nẹ ne iran ya winna iwinna ne I tie iran baa.”

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

Ebe ne Pọl gbẹẹn gie emwa Rom 12:7

A deghẹ ne a gha ga emwa ọvbehe nọ, wa gie a gha ga emwa ọvbehe, deghẹ ne a gha ma emwa emwi nọ, gia gha ma emwa emwi.

II Kọrinti 6:17

Rhunmwuda ọnii, Nọyaẹnmwa keghi kha wẹ, “Wẹ kpao sẹ iran rae, Wa wannọ egbe hin uwu iran rre. Wa ghẹ mwẹ obọ vbe emwi ne ọ ma huan mẹ gha rhan obọ miẹn uwa.

Galatia 1:15

Sokpan vbe ekpa ẹsọhẹ ọre, uhin vbe a te biẹ mwẹ, Osanobua keghi tie mwẹ ne I do gha gae.

Diuteronomi 17:12

Ọmwa ne ohan gie ẹe fieghe uhunmwu ye ẹmwẹ ne ne ọ bu ohiẹn ra ohẹn ne iruemwi sẹ ọ re egbe ẹghẹ nii ta ẹe, a ghi gbe ẹe rua, odẹ vbe nian, u gha wabọ emwi dan vberriọ hin egbe ivbi Izrẹl rre.

Diuteronomi 18:5

Te Nọyaẹnmwa zẹ ẹwae Livai ladian vbe uwu uwa ne iran gha ga irẹn zẹ vbe ohẹn ẹdẹdẹmwẹdẹ.

Diuteronomi 21:3

Avbe ekaolotu avbe ẹvbo nii sikẹ ọ re sẹ ighẹ ehe ne a na miẹn ikun ọmwa nii, ghi hannọ ovbi ẹmila amwẹ ne a ma he ya winna ẹdẹ.

Diuteronomi 21:5

Avbe ohẹn Livai ghi vbe gha rre evba rhunmwuda iran ọ re ọ gha bu ohiẹn uhi ne o dekan uyinmwẹ ikẹtin hia. E Nọyaẹnmwa Osanobua ọ re ọ zẹ iran ne iran gha ga irẹn, kevbe ne iran vbe gha ya eni irẹn fiangbe ọmwa.

Diuteronomi 31:9

Ẹre Mosis na gbẹnnẹ avbe uhi Osanobua ye otọ, ọ na mu ne avbe ohẹn Livai ni siẹn ro Ẹkpẹti Ile ọghe Nọyaẹnmwa kevbe avbe ọkaolotu Izrẹl.