Diuteronomi 10:17 - Edo Bible (E Baibol Ẹdo) Version 1996

¹⁷ E Nọyaẹnmwa Osanobua uwa kpọlọ sẹ ẹbọ hia kevbe ẹtin hia. Ọmwa ne ọ kpọlọ ne ọ mwẹ ẹtin rẹn khin, ọmwa ne ọ kere ne a gha mu ohan ẹnrẹn ẹsẹse. Ẹ i gbe ghe obọ okpa, ẹ i miẹn igho iyeke.

Diuteronomi 10:17 ပူးပေါင်းရင်းမြစ်များ

II Krọnikol 19:7

Wa gha mu ohan e Nọyaẹnmwa ne uwa vbe gha ru emwi hẹnnẹhẹnnẹ, rhunmwuda, e Nọyaẹnmwa Osanobua mwa i zẹdẹ ho ne ọ họn ẹmwẹ ebikhuikhui, ra ohiẹn ikpanro ra igho odieke.”

Nehimaia 1:5

“E Nọyaẹnmwa, Osanobua ọghe Ẹrinmwi! Ọmwa nọkpọlọ ẹsẹse wẹ khin Ohan ruẹn vbe mu mwa. We i hiẹ ọmwa ne ọ ho ẹmwẹ ruẹn ọ na vbe gha ru vbene u khare.

Nehimaia 4:14

I ghi miẹn wẹ afianma fian iran, I keghi tama iran, kevbe avbe olotu iran ke emwa ni rre ukpo vbọ wẹẹ, “Wa ghẹ gie ohan avbe eghian ima mu uwa, wa yerre vbene Nọyaẹnmwa kpọlọ hẹ kevbe vbene ọ gbe orrirri hẹ ne uwa gbinna ne ivbi ẹvbo uwa kevbe avbe ivbi uwa, amwẹ uwa kevbe owa uwa.”

Nehimaia 9:32

“Osanobua, Osanobua mwa, a miẹn vbe u kpọlọ hẹ! ugborrirri ne ọ mwẹ ẹtin eyan ne u yan rẹn hia, u keghi ya ẹkoata mu ẹẹn sẹ ke ẹghẹ ne avbe ọba Asiria ya gha zẹ ima owẹ gha dee uhin do sẹ wanwanna, a miẹn oya ne ima he re. Avbe ọba mwa, avbe ọkaolotu, avbe ohẹn mwa kevbe avbe akhasẹ avbe erha mwa odede, kevbe emwa ima hia, ehia rri oya. Yerre vbene ima he rri oya sẹhẹ!

Job 34:19

Ẹ i ya egbe ba iran ne irriegie, ra ne ọ ye aro esi ghe iran ni fe sẹ ivbiogue, rhunmwuda rẹn ọ re ọ yi emwa hia.

Psalm 99:3

Emwa hia rho eni ẹnrẹn nọkhua, ne ọ vuọn ne orrirri ọba, Ne ọ huanrẹn ọ re eni ẹnrẹn khin.

Ẹksọdọs 23:8

Ghẹ miẹn oko iyeke, rhunmwuda te oko iyeke rhu emwa aro ne iran ghẹ dẹghe ẹmwata, ọ ghi gbe ẹki ẹmwẹ ye ne ọ ma ru khọ obọ.

Aizaia 37:16

“E Nọyaẹnmwa ne Oghodua, Osanobua Izrẹl, wẹ ne ọ tota ye odukhunmwu ehe ne avbe emwi ne a yi ni zẹ ifuẹn nii ye, wẹ okpa kẹkan ọrọre Osanobua, wẹ ọ re ọ vbe khaemwisẹ yan avbe otọe arriọba ni rre agbọn na hia, wẹ ọ re ọ yi otọe kevbe iso.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

Jerimaia 32:18

U rhie aho ẹmwẹ ọmwa ne ẹ i beghe ma arriaisẹn, erriọ vbe nọ, u vbe rri emwa eso oya ye orukhọ ne evbibiẹ iran ru. Osanobua nọkpọlọ kevbe ne ọ mwẹ ẹtin ọ re uwẹ khin. Wẹ ọrọre Nọyaẹnmwa ne Oghodua.

Daniẹl 11:36

Ọba e Siria ghi gha da gbe da mu, ọ ghi gha rhuọ we rẹn kpọlọ sẹẹ avbe ẹbọ, kevbe wẹ rẹn sẹ Osanobua ne ọ kpọlọ Sẹehia. Ọ gha sẹtin gha ru avbe emwi na ọ te do sẹ ẹghẹ ne Osanobua gha ya rria ẹre ikhi. Osanobua gha ru zẹ vbene ọ mwamwaẹn zẹẹ.

Daniẹl 2:45

Wẹ miẹn vbene okuta ọkpa kpẹngiẹn vbe uhunmwu oke ne ọ yo ọkpa hẹ vbene ọmwa rhọkpa ma na ya obọ kan rẹn, kevbe vbene ọ dekun ọmwa ne a ya ematọn oze, obuẹ, esiliva kevbe igoru ma nii. Te Osanobua Nọkhua tama ruẹ emwi ne ọ gha sunu ẹdẹ nakhuẹ, Umogun. I tama ruẹn nẹ nian, emwi ne u mina miẹn zẹẹ, I vbe ta emwi ne a gele yae kha ma ruẹn nẹ.”

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

Iyẹn ne ọ Maan Ọghe Mak 12:14

Iran keghi bu ẹre gha dee, iran tama rẹn wẹẹ, “Ọmamwaemwi, ọmwa ne ọ ta ẹmwata ma rẹn ruẹn yi, wẹ i lele ne agbọn khare, rhunmwuda osi ẹrrẹe i siọ, sokpan, ẹmwata ne ọ rre vbene Osanobua mu ẹmwẹ edẹ agbọn emwa yi ọre u ma emwa re. Tama ima, ọ kere vbe ọmwa a ha igho uhunmwu gie Ọgbaisi e Rom ra ọ ma ke? Ne ima ha ẹre ra ne a ghẹ hae?”

Iwinna 10:34

Pita keghi suẹn gha guan ọ wẹẹ, “Mẹ miẹn wẹ vbe ẹmwata, aro ọkpa ọre Osanobua ya ghe emwa hia.

Ebe ne Pọl gbẹẹn gie emwa Rom 2:11

Rhunmwuda, aro ọkpa ọre Osanobua ya ghe emwa hia.

Galatia 2:6

Sokpan iran ni ye vbe avbe olotu, I tae vberriọ, rhunmwuda, emwi ne iran khin, i mwẹ esa nọ khin ne imẹ, rhunmwuda Osanobua ighe ikpakpa ya bu ohiẹn. Vbene I kha re, avbe olotu ma vbe gun mwẹ zẹ iro emwi ọgbọn.

Ẹfisọs 6:9

Wa ne arowa, wa vbe gha yin ghe eviẹn uwa vberriọ, wa da obọ aro ne a zẹ mu iran yi. Wa yerre wẹ, ke uwa kevbe eviẹn uwa, arowa ọkpa ọre uwa mwẹ vbe ẹrinmwi, obọ ọkpa ọre irẹn ya mu emwa hia.

Diuteronomi 1:17

Wa ghẹ gbe ghe obọ ọkpa vbe uwa a bu ohiẹn hiehiere. Abọkpa nii wa ya gha bu ohiẹn hia, ọmwa ne ọ khọnrẹn wẹ ne ọ gha khin. Wa ghẹ mu ohan ọmwarhọkpa, rhunmwuda obọ Osanobua ọ re ohiẹn ne uwa bu ke rre. A deghẹ wa miẹn ohiẹn ne ọ wegbe sẹ uwa, wa ghi mu ẹẹn bu mwẹ gha dee ne I bu ẹre.’

Diuteronomi 16:19

Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.

Diuteronomi 24:17

“Ghẹ gban emwi ne ọ khẹke ọmọ ne ẹ i mwẹ erha ra orhunmwuyẹn hin iran obọ rre, ghẹ vbe miẹn ẹgbẹe ukpọn wẹ ne u da ẹe yi ye emwi ne u rhie nẹ ẹn mọmọ.

Diuteronomi 27:25

“ ‘Ihẹn Osanobua rre uhunmwu ọmwa ne ọ miẹn igho ya gbe ọmwa ne ọ ma rukhọ ua.’ “Emwa ni hia ghi kha wẹẹ, ‘Isẹ!’

Diuteronomi 7:21

Ghẹ gie ohan emwa na mu ẹẹn. E Nọyaẹnmwa Osanobua rua rrọọ ya ba uwa. Osanobua nọkhua ne ọ kere ne a gha mu ohan rẹn nọ.

Kọlose 3:25

Ọmwa ne ọ zẹ iba, ọmwa ne ọ khọn rẹn wẹ ne ọ gha khin, a gha vbe ha ẹre osa iba ne ọ zẹe, rhunmwuda obọ ọkpa ọre Osanobua ya mu emwa hia.

I Timoti 6:15

Osanobua gha ruẹe ne ọ ye egbe ladian, vbe ẹghẹ ne ọ kei yi, rẹn ne ọ re Nọkhaemwisẹ ọkpa kẹkan, ne a fiangbe. Ọba iran ne ọba kevbe Nọyan iran ne ni yan ẹvbo.

Jọsua 22:22

“Ọmwa ne ọ yan Ẹtin nii ọrọre Osanobua! Rẹn ọrọre e Nọyaẹnmwa! Rẹn rẹn emwi ne ọ ya ima ru emwi na, ọ vbe kei ne uwa vbe rẹn. A deghẹ te ima sọtẹ ighẹ ma ma ghi rhie ekhọe ye ẹmwẹ Nọyaẹnmwa, wa ghẹ sẹ ima rae ye agbọn ọvbehe!

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

Arhie Maan 19:16

A keghi gbẹnnẹ avbe ẹmwẹ na ye ẹwu ne ọ yọe kevbe owẹ ọre wẹẹ, “Ọba avbe iran ne ọba kevbe Nọyan iran ni yaẹn emwa.”