Diuteronomi 10:12 - Edo Bible (E Baibol Ẹdo) Version 1996

¹² “Banbanna nian, wa ne ivbi Izrẹl wa danmwẹ ehọ emwi ne Osanobua nọ rẹn vbe obọ uwa. Wa gha ye ekhọe uwa kevbe orhiọn uwa hia ho ẹmwẹ ọnrẹn, ne uwa vbe ya ẹe ga ẹe.

Diuteronomi 10:12 ပူးပေါင်းရင်းမြစ်များ

I Ọba 3:3

E Solomọn keghi ho ẹmwẹ e Nọyaẹnmwa ọ keghi vbe gha ru vbene Devid ne erha ẹe tama rẹn, sokpan ọ yevbe gbele aranmwẹ, ọ kevbe ye iran zọ ese vbe Ogiukpo ughughan.

II Ọba 10:31

Sokpan, e Jehu ma ye ekhọe lele uhi ne Nọyaẹnmwa ne Osanobua yi ne ẹẹn, sokpan, ọ keghi lele igiemwi e Jeroboam ne ọ si ivbi Izrẹl la orukhọ.

II Ọba 18:3

Ọ keghi ru emwi ne ọ yẹ e Nọyaẹnmwa zẹ vbene e Devid ne erha ẹe odede ru.

II Ọba 18:6

Rẹn keghi wa rhie ekhọe ye ẹmwẹ e Nọyaẹnmwa, ọ ma vbe rra uhi ẹre, sokpan, ọ keghi hẹko rhie uhi ẹre hia mwẹ, avbe uhi hia ne Nọyaẹnmwa rhie ne Mosis.

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

II Krọnikol 15:12

Iran keghi yan ile wẹ iran miẹnkue yọ ne iran gha ga e Nọyaẹnmwa ne Osanobua avbe erha iran odede, vbe ekhọe iran hia kevbe orhiọn iran hia.

Job 36:11

Iran gha họn urhu Osanobua, iran na gha ga ẹe, iran ghi gha rrọ vbe ọfumwegbe, agbọn ghi vbe maa iran.

Psalm 119:2

Afiangbe ọrọre ọghe iran ni lele iyi ẹre ni họn ẹmwẹ ne ẹẹn kekhọekekhọe.

Psalm 128:1

Afiangbe ọrọre ọghe iran ni ye ọghọ ne Nọyaẹnmwa, iran ni lele iyi ẹre ru emwi.

Psalm 145:20

Ọ degue ọmwaikọmwa ne ọ ho ẹmwẹ irẹn, sokpan, ọ gha fuẹn emwa dan an.

Psalm 18:1

A miẹn vbene I ho ẹmwẹ ruẹn hẹ Nọyaẹnmwa, wẹ ọrọre ọmwa ne ọ gbinna mẹ.

Psalm 34:9

Wa gha ya ọghọ ne Nọyaẹnmwa, wa ne emwa rẹn hia, iran ni mu ẹtin yan rẹn, i ra vbabọ emwikemwi.

Psalm 81:13

Vbọrrọ akpawẹ emwa mwẹ gha danmwehọ mwẹ; vbọrrọ akpawẹ iran gha họn ẹmwẹ mẹ!

Psalm 81:14

I gha zẹgiẹgiẹ deyan eghian iran, I ghi vbe khọn eghian iran hia muotọ.

Ẹksọdọs 23:25

Wa gha ga imẹ e Nọyaẹnmwa Osanobua uwa, I gha vbe ye amẹ kevbe evbare sẹ uwa ọkẹn, I ghi vbe viọ avbe emianmwẹ hia hin ehe ne uwa ye rre.

Asan-Ibo 12:13

Vbe iyeke avbe enena hia, ẹmwẹ okpa kẹkan ọ re ọ ghi kẹe ne a gha ta wẹ. Gha yọghọ ne Osanobua, ne u vbe gha ya uhi ẹre ru emwi, rhunmwuda emwi ne a yi ọmwa ba ọ re ọnii khin.

Ezikiẹl 11:20

Ẹghẹ nii, iran gha rhie uhi mwẹ mwẹ, iran ghi vbe ya iyi mwẹ hia ru emwi vbe ẹko ata. Iran ghi gha re emwa mwẹ, mẹ ghi vbe gha re Osanobua iran.

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Zẹfanaia 3:9

“Ẹghẹ nii, I gha fi avbe emwa ni rre uhunmwu ẹvbo werriẹ, iran ghi do gha na erhunmwu ghe imẹ ọkpa, vbene iran i ghi na na ghe ẹbọ ọvbehe. Iran hia gha vbe gha họn ẹmwẹ mẹ.

Matiu 22:37

Jesu wanniẹn wẹẹ, “ ‘Ye ekhọe ruẹ hia, orhiọn ruẹn hia, otọe ẹko ruẹ hia, kevbe ẹtin ruẹn hia ho ẹmwẹ Nọyan ruẹn Osanobua ruẹ.’

Iyẹn ne ọ Maan Ọghe Luk 10:27

Okpia ni wanniẹn wẹẹ, “Iwinna ruẹ nọ ne u ye orhiọn ruẹn hia, ekhọe ruẹ hia, ẹtin ruẹn hia kevbe ẹko ruẹ hia ho ẹmwẹ Osanobua Nọyan ruẹn kevbe ne u vbe ho ẹmwẹ ogieva ruẹ zẹ vbe egbe ruẹ.”

Iyẹn ne ọ Maan Ọghe Luk 11:42

“Ọ suaa, wa ne Farisi! Wa ghae avbe emwi uwọnmwẹ negiẹrẹ hia vbe ihe igbe, rhie obọkpa ne Osanobua, avbe itehie kevbe akpọkọ kevbe avbe ebe ni dekẹe hia, wa keghi yangbe ẹmwata ne a ta, kevbe ne a gha ho ẹmwẹ Osanobua. Ọ te kei ne uwa ru ena vbe ne a i na yangbe ni dekẹe.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Ebe ne Pọl gbẹẹn gie emwa Rom 1:9

Osanobua ne imẹ ya ekhọe mwẹ hia ga vbe uwu ne I na ya ekhọe mwẹ hia kpe orhu Iyẹn Ne ọ maa rẹnrẹn ighẹ ẹghẹ ne I ya na erhunmwu hia ọre I ya ye uwa rre.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

Diuteronomi 10:11

Ọ na ghi tama mwẹ ne I gha re ọkaolotu uwa ne uwa sẹtin ya mu otọe nii ne irẹn ve wẹ rẹn gha mu ne avbe erha uwa odede.

Diuteronomi 10:13

wa ghi vbe gha ye uhi ẹre hia ru emwi. Rhunmwuda ọma ne egbe uwa ọ re I na viọ iran ne uwa ẹrẹna.

Diuteronomi 11:1

“Wa ho ẹmwẹ Nọyaẹnmwa Osanobua rua, ne uwa vbe gha ya uhi ẹre hia ru emwi.

Diuteronomi 11:13

“Rhunmwuda onii nian, wa ghi gha ya uhi ne I gbe ne uwa ẹrẹna gha ru emwi, onii nọ wẹ ne uwa gha ya ekhọe uwa hia ho ẹmwẹ Nọyaẹnmwa Osanobua rua kevbe ne uwa vbe ga ẹe vbe orhiọn ruan hia kevbe ẹko rua hia.

Diuteronomi 26:16

“Vbe ẹdẹ n ẹrẹna, e Nọyaẹnmwa Osanobua ruẹ tama ruẹn ne u gha ya uhi irẹn hia ru emwi, rhunmwuda ọnii, u ghi wa ya ẹko ata ru ehia vbe ekhọe ruẹ hia kevbe orhiọn ruẹn hia.

Diuteronomi 27:10

rhunmwuda ọnii, wa gha họn ẹmwẹ ne ẹẹn, ne uwa vbe gha rhie avbe uhi hia ne I viọ ne uwa ẹrẹna mwẹ.”

Diuteronomi 30:16

Adeghẹ wa ya uhi e Nọyaẹnmwa Osanobua uwa ne imẹ rhie ne uwa ẹrẹna gha ru emwi, adeghẹ wa họn ẹmwẹ ne ẹẹn, wa na viọ uhi ẹre hia ya gha ru emwi, ẹghẹ nii agbọn gha ma uwa, wa ghi vbe khian okpẹvbo nọkhua ne emwa ni bun ye. E Nọyaẹnmwa Osanobua uwa ghi fiangbe uwa vbe otọe ne uwa ra ya yin na.

Diuteronomi 30:20

Wa ho ẹmwẹ e Nọyaẹnmwa Osanobua rua, wa gha họn ẹmwẹ ne ẹẹn ne uwa gha ye ẹko ata gu ẹe yin, ne uwa vbe avbe ivbi uwa sẹtin tọ vbe otọe ne irẹn ve wẹ rẹn gha mu ne avbe erha uwa odede, Ebraham, Aizik kevbe Jekọb.”

Diuteronomi 4:29

Evba wa gha na gualọ Nọyaẹnmwa Osanobua uwa. A deghẹ wa ye ekhọe uwa hia kevbe iho uwa hia gualọ ẹe, wa gha miẹn ọẹn.

Diuteronomi 5:29

Vbọ rrọọ nian akpawẹ erriọ ekhọe iran ra gha ye ẹdẹ, vbọrrọ akpawẹ iran gha lohan mwẹ ne iran vbe gha rhie uhi mwẹ mwẹ! Ne agbọn miẹn ehe na ma iran kevbe uniẹn ivbi iran ẹdẹdẹmwẹdẹ.

Diuteronomi 5:33

Gha ye ehia ru emwi, ne agbọn miẹn ehe na ma uwa, wa ghi miẹn ehe na gha rre otọ ne uwa ra ya yin khian rhinrin.

Diuteronomi 6:13

E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Diuteronomi 6:2

Wa ghi gha mu ohan e Nọyaẹnmwa Osanobua uwa, ne uwa vbe gha rhie uhi ẹre ne I ma uwa re lẹre, vbe ẹdẹ agbọn uwa hia, wa kevbe avbe ivbi uwa, ne uwa miẹn ehe na tọ vbe evba.

Diuteronomi 6:24

Ẹre Nọyaẹnmwa ne Osanobua ima, na tama ima ne ima gha ye avbe uhi na hia ru emwi kevbe ne avbe gha mu ohan irẹn. Adeghẹ ma ru vberriọ, ọ gha gbe aro ghe ẹvbo mwa, ọ ghi ye ẹfe kpọ vbọ.

Diuteronomi 6:5

Ye ekhọe ruẹ hia ho ẹmwẹ Nọyaẹnmwa Osanobua ruẹ, kevbe orhiọn ruẹn hia kevbe ẹtin ruẹn hia.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

Hibru 12:28

Rhunmwuda ọnii nian, wa gie ima kpọnmwẹ ye ọna wẹ, arriọba ne a i sẹtin mu rueghe ọre ọ sẹ ima obọ. Wa gie ima kpọnmwẹ Osanobua ne a vbe gae vbe ọghọ kevbe ute, zẹ vbe ne ọ gha yẹ ọre.

Jọsua 22:5

Wa gia miẹn wẹ wa ru zẹ vbe uhi kevbe iyi ne Mosis ne ọguọmwadia e Nọyaẹnmwa viọ ne uwa, wa gha ho ẹmwẹ e Nọyaẹnmwa Osanobua rua, wa gha ru iho ẹre, wa gha ya uhi ẹre ru emwi, wa giee gba ẹko uwa, wa ye ekhọe uwa hia kevbe orhiọn uwa hia ga ẹe.”

Jọsua 24:14

“Banbanna nian khekherriọ,” wa ya uhunmwu rhanmwẹ otọ ne Nọyaẹnmwa, “ne uwa ye ẹkoata gae vbe ẹmwata. Wa mianmian avbe ẹbọ ne avbe erha uwa odede te gha ghoo vbe Mẹsopotamia kevbe Igipt ne uwa gha ga e Nọyaẹnmwa, ọkpa kẹkan.

I Jọn 2:15

Wa ghẹ ho ẹmwẹ agbọn na, ra emwikemwi ne ọ ghi re ọghe agbọn na nẹ. A deghẹ wẹ ho ẹmwẹ agbọn na, aho ọghe Erha, ẹ i rre uwu uwẹ.

I Jọn 5:5

De ọmwa ne ọ gha sẹtin khọn agbọn miotọ yi? Rẹn ni nọ ighẹ ọmwa ne ọ yayi wẹ Ovbi Osanobua ọre Jesu Kristi khin.

I Samuẹl 12:20

E Samuẹl ke wanniẹn wẹẹ, “Wa ghẹ fian afianma, a gha rhe miẹn wẹẹ wa ru emwi dan vberriọ, wa ghẹ fi iyeke gbe Nọyaẹnmwa, sokpan, wa gha ga ẹe kekhọe kekhọe uwa hia.