Diuteronomi 1:7 - Edo Bible (E Baibol Ẹdo) Version 1996

⁷ Wa kuọ agọ uwa sẹ otọ, ne uwa si okhian sikẹ odaro. Wa gha rrie ẹvbo ni rre uhunmwu oke ọghe Amọri kevbe avbe ehe ne avbe ẹdogbo iran hia ye vbe odẹ iya Jọdan, odẹ ẹvbo uhunmwu oke kevbe ẹvbo ni rre ugboghodo, ghe odẹ ẹvbo ni rre odẹ ekẹn kevbe eghute Meditẹrrenian. Wa gha rrie otọe Kenan kevbe gberra Oke Lebanọn, rhinrin yasẹ Ẹzẹ nọkhua ighẹ Yufretes.

Diuteronomi 1:7 ပူးပေါင်းရင်းမြစ်များ

Gẹnẹsis 12:9

Ebram keghi laghe odẹ ekẹn, ọ keghi khian ke agọ ọkpa dinna ọvbehe vbe odẹ ne ọ laghe otọe Kenan.

II Samuẹl 8:3

Iyeke ọnii, obọ ẹre kevbe gba ọba ọghe Zeba ighẹ Hadadezẹ ne ovbi e Rehọb, vbe Hadadezẹ rrie odẹ Ẹzẹ Yufretes ehe ne ọ ra na ya dọlegbe kha ighẹ rẹn ọ yan otọe nii.

I Krọnikol 18:3

Vbe iyeke ọnii, e Devid keghi mu okuo gie Hadadezẹ ne ọba otọ e Siria ni rre Zọba vbe ọkpẹn otọ e Hama rhunmwuda, e Hadadezẹ keghi te gha ho ne ọ la odẹ uhunmwu e Yufretes la otọe ni do gha kha yan rẹn.

I Krọnikol 5:9

Iran kegha mwẹ oghẹn ohuan ni bun vbe otọe Giliad, rhunmwuda ọnii, iran keghi wa mu otọe nii vbe odẹ ahọ vbọ sẹ ato ne ọ wa ya vbẹ sẹ Ẹzẹ Yufretes.

Ẹksọdọs 23:31

I gha mwa otọ uwa ne ọ ke okun Akaba ya sẹ Okun Meditẹrrenian kevbe ke ato ya sẹ Ẹzẹ Yufretes. I gha rhie uwa obọ yan emwa ẹvbo nii uhunmwu, wa ghi vbe khulo iran hin odaro uwa rre vbe uwa a gha nana sikẹ odaro.

Emọs 2:9

“Vberriọ, rhunmwuda uwa, wa ne emwa mwẹ, ọ re I na fuẹn iran an fẹẹrẹ ighẹ ivbi Amọri, emwa ni zogọ zẹ vbe erhan isida, iran keghi vbe wegbe zẹ vbe okan.

Nọmbas 10:12

Ọre ivbi Izrẹl na deyan okhian iran, ne iran ya kpao vbe Oke Sainai rre. Okuku ni keghi do yakọ vbe ẹgbo ọghe Paran.

Diuteronomi 1:19

“Ma keghi ru zẹ vbene Nọyaẹnmwa gie. Ma si kẹ oke Sainai kpao, ma na la ato nọkhua ne ọ mu ohan ne ọ rre odẹ ne a la ye ẹvbo oke emwa Amọri. Ma ghi sẹ Kedẹs Bania,

Diuteronomi 11:11

Sokpan otọ ne uwa ra lao na, otọ oke vbe ugboghodo nọ, otọ ne amẹ wa rhọ guagua ẹsẹse.

Diuteronomi 11:24

Otọe ne uwa a rhirhi ya owẹ khian la ghi khian ọghe uwa. Otọe uwa ghi ke ato ne ọ rre odẹ ekẹn ya sẹ Oke Lebanọn vbe odẹ okuọ kevbe ke Ẹzẹ Yufretes vbe odẹ ahọ ya sẹ Okun Meditẹrrenian vbe odẹ orrie.

Jọsua 1:4

Ehe ne otọe uwa lae ghi ke ato odẹ ekẹn ọghe Oke Lebanọn, kevbe Ẹzẹ Yufretes nọkhua vbe odẹ ahọ, kevbe ẹvbo Hiti hia ya sẹ Okun Meditẹrrenian vbe odẹ orrie.

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”

Jọsua 9:1

Avbe ọba hia ni rre orrie Jọdan keghi họn ẹmwẹ na, iran ni rre oke, iran ni rre otọ ne ọ rriẹe kevbe iran hia ni yin lele ọkpẹn Okun Meditẹrrenian, rhinrin ya sẹ Lebanọn, iran na keghi re avbe ọba ivbi e Hiti, Amọri, e Kenan, e Pẹriz, e Hivi kevbe Jebus.

Arhie Maan 9:14

Urhu nii keghi tama odibosa ne ogiehan ne ọ rhie okpe ni mwẹ obọ wẹẹ, “Rhan iran ighẹ avbe odibosa enẹ ne a munọ gba vbe Yufretes ne okpẹzẹ.”