Diuteronomi 1:6 - Edo Bible (E Baibol Ẹdo) Version 1996

⁶ Ọ keghi kha wẹẹ, “Ẹghẹ ne ima na gha rre Oke Sainai, e Nọyaẹnmwa Osanobua ima keghi tama ima wẹẹ, ‘Wa kpẹe sẹ nẹ vbe uhunmwu oke na.

Diuteronomi 1:6 ပူးပေါင်းရင်းမြစ်များ

Ẹksọdọs 17:6

I gha mudia ye odaro ruẹ vbe uhunmwu okuta vbe oke Sainai. Ya ọkpọ nii kpe okuta, amẹ gha vẹ ke uwu ẹre ladian ne emwa nii wọn.” E Mosis keghi sirra avbe ekaolotu Izrẹl nii ru vberriọ.

Ẹksọdọs 3:1

Ẹdẹ ikẹtin e Mosis kegha su ohuan Jẹtro ne erha amwẹ ọnrẹn ne ọ vbe re ohẹn Midian. Ọ keghi viọ ohuan nii fian ato gberra, ọ na do sẹ Sainai oke ne ọ huanrẹn.

Nọmbas 9:22

Ọre ikpẹdẹ eva nọ, ra uki ọkpa ra ukpo hoho, okuku nii gha ye mudia yan agọ nii, iran i si kpao, ọ gha kpao, iran ghi si okhian.

Diuteronomi 1:5

Emwa nii ghi rre odẹ ahọ Jọdan vbe otọe Moab, e Mosis keghi suẹn gha rhan otọ uhi kevbe iruẹmwi ọghe Nọyaẹnmwa.

Diuteronomi 18:16

Ẹdẹ ne uwa si koko ye ọkpẹn Oke Sainai, te uwa rinmwian ẹẹn wẹ wa i ghi ho ne uwa họn urhu e Nọyaẹnmwa, ra ne uwa ye bẹghe ehe ne ọ ye ne ọ yevbe erhẹn nii, rhunmwuda wẹ, ọ gha ye rriọ, wa gha wulo.

Diuteronomi 5:2

E Nọyaẹnmwa Osanobua mwa keghi gu ima ta ile vbe Oke Sainai.

Diuteronomi 9:8

Ke ẹdẹ ne uwa kpao vbe Oke Sainai, te uwa ye ohu mu e Nọyaẹnmwa sẹrriọ wẹ ọ sẹe ne ọ gha na te fuẹn uwa a.