Diuteronomi 1:32 - Edo Bible (E Baibol Ẹdo) Version 1996

³² Sokpan egbe ne I ya talọ ẹmwẹ na hia, wa ma ye mu ẹtin yan Nọyaẹnmwa.

Diuteronomi 1:32 ပူးပေါင်းရင်းမြစ်များ

II Krọnikol 20:20

Owiẹ vbirrivbirri vbe ẹdẹ ne ọ lelẹe, emwa nii hia kegha rrie uwu ẹgbo ne ọ rre ọkpẹn Tẹkoa. Iran ghi ra wa ladian gha khian, e Jehosiafat keghi tama iran wẹẹ, “Ivbi e Juda kevbe Jerusalẹm, wa mu ẹtin yan e Nọyaẹnmwa ne Osanobua uwa, wa ghi vbe mudia gbain. Wa ya avbe ẹmwẹ ne akhasẹ ẹre tama uwa yi, ọ gha vbe dinnodẹ ne uwa.”

Psalm 106:24

Ẹghẹ nii, iran keghi he otọ esi ni, rhunmwuda iran ma ya eyan Osanobua yi.

Psalm 78:22

Rhunmwuda, iran ma mu ẹtin yan rẹn iran ma vbe yayi ighẹ ọ gha miẹn iran fan.

Aizaia 7:9

Izrẹl ma wegbe sẹ e Sameria, e Sameria ma vbe wegbe sẹ e Pẹka ne Ọba. “Adeghẹ iyayi ruẹ ma wegbe, egbe ruẹ i ra rrọ ẹre.”

Nọmbas 14:11

E Nọyaẹnmwa keghi tama e Mosis wẹẹ, “Vbe avbe emwa na gha he mwẹ kpẹe sẹ hẹ? Vbe iran gha he ne iran mu ẹtin yan mwẹ kpẹe sẹ hẹ, egbe ne I ya winna iwinna ọyunnuan ni bun vberriọ ye iran aro.

Hibru 3:12

Etẹn mwẹ, wa mwẹ ẹwaẹn, ne a ghẹ ya miẹn arhiọnkpa vbe uwu uwa ne ọ mwẹ ekhọe dan, kevbe ne ẹ i yayi, sẹrriọ, ne ọ gha na fi iyeke gbe Osanobua ne ọ rrọọ.

Hibru 4:2

Rhunmwuda, ma họn nene Iyẹn Ne ọ maa nẹ zẹ vbene iran vbe họn ẹn. Iran họn nene iyẹn ne ọ maa, sokpan ọ ma mwẹ emwi esi ọkpa ne ọ ru ne iran, rhunmwuda, ẹghẹ ne iran na họn ẹn iran ma ya iyayi miẹn rẹn.

Ebe ne Jud gbẹẹn 1:5

A gha rhe miẹn wẹ wa ka rẹn emwi na nẹ, I ho ne I ye ye uwa ẹre rre, vbene a miẹn wẹ Nọyaẹnmwa miẹn ivbi Izrẹl fan hin otọ Igipt rre hẹ, sokpan vbe okiekie, ọ keghi gbele iran ni ma yayi ni rrọọ ua.