Diuteronomi 1:10 - Edo Bible (E Baibol Ẹdo) Version 1996

¹⁰ E Nọyaẹnmwa ne Osanobua uwa keghi gie uwa gha muan yọ zẹ vbe orhọnmwẹ ne aro iso.

Diuteronomi 1:10 ပူးပေါင်းရင်းမြစ်များ

Gẹnẹsis 15:5

Nọyaẹnmwa keghi rhie ẹre ladian ore, ọ wẹẹ, “Tọn aro mu ghe iso ne u ka inu orhọnmwẹ ni rrọọ; a deghẹ u gha sẹtin, uniẹn ruẹn gha bun vberriọ zẹẹ.”

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Gẹnẹsis 28:14

uniẹn ruẹn gha bun zẹ vbe ikpekhae ne otọe. Iran gha vbẹẹ otọ iran aro ghe ehe hia, iyaẹvbo agbọn na hia ghi gha re ne I fiangbe, rhunmwuda ruẹ kevbe uniẹn ruẹn.

I Krọnikol 27:23

E Devid ne ọba ma ka emwa ni ma he sẹ ukpo ugie rhunmwuda ne Nọyaẹnmwa kha na nẹ wẹ rẹn gha ya ivbi Izrẹl muan yọ ne iran gha ye vbe avbe orhọnmwẹ ni rre iso.

Nehimaia 9:23

U viọ emọ nibun ne iran zẹvbe orhọnmwẹ ni rre iso iran khọn avbe ẹvbo nii, iran na vbẹ yin ẹnrẹn ne u yanrẹn i ghẹ u gha mu ne erha iran odede.

Psalm 107:38

Ọ fiangbe emwa rẹn iran keghi biẹlẹ emọ nibun ọ kevbe ruẹe ne emwirri iran ghẹ dibu.

Ẹksọdọs 12:37

Ivbi Izrẹl keghi kpao vbe Ramesis rre, iran na mu aro da Sukọt. Ikpia nii ya owẹ khian kegha re arriaisẹn uri eha (600,000), vbe ne a i na ke ikhuo kevbe ibiẹka.

Ẹksọdọs 32:13

Ye avbe eguọmwadia ruẹ; rre, avbe Ebraham, Aizik kevbe Jekọb kevbe vbene u yan ma iran vbe eni ruẹn, ne u na khama iran wẹẹ, ‘I gha viọ emọ uniẹn ivbi uẹ ni yevbe orhọnmwẹ nii rre iso nuẹn. Otọe ne I ve na, I gha vbe muẹn ne avbe ivbi uẹ, ọ ghi gha re ọghe iran ẹdẹdẹmwẹdẹ.’ ”

Aizaia 51:2

Wa roro ẹmwẹ erha uwa odede ighẹ Ebraham kevbe e Sera ne uwa re ivbi ivbi ẹre. Ẹghẹ ne I na tie Ebraham, ẹ i mwẹ ọmọ sokpan, I fiangbe ẹe, I ke viọ emọ ne ẹẹn I keghi ya ivbi uniẹn ọnrẹn khian ọrhẹnrhẹn.

Ezikiẹl 16:7

I keghi guẹ wan ghe ukhunmwu zẹvbe ovbi erhan ne egbe rranrẹn. U keghi wan do gha re ọmwa ne ọ wegbe ke ne ọ zogọ, u na do gha re uvbi. U wa vbe ho ewẹn ẹse, eto ruẹ keghi tan sokpan u keghi rre irhunmwuirhun.

Nọmbas 10:36

Ọ ghẹ ghi vbe demudia, rẹn ghi kha wẹẹ, “E Nọyaẹnmwa, dọlegbe bu ẹgbẹe arriaisẹn inu ne ọ khin ọghe Izrẹl gha dee.”

Diuteronomi 1:11

Te Nọyaẹnmwa ne Osanobua avbe erha uwa gha gie uwa gha muan yọ ukhukhu arriaisẹn, zẹ vbene irẹn yan rẹn, ne ọ vbe gie agbọn ma uwa!

Diuteronomi 10:22

Ẹghẹ ne avbe erha uwa odede na gha rrie Igipt, iran ekigbesiyenẹ kẹkan nọ. Sokpan, banbanna nian, e Nọyaẹnmwa ne Osanobua uwa ya uwa khian ni ghi bun zẹ vbe orhọnmwẹ ni rre aro iso.

Diuteronomi 26:5

Iyeke onii wa ghi kha vbenian vbe odaro e Nọyaẹnmwa: ‘Ovbi Aremia, ne ọkpolugho ne ẹ i mwẹ owa ọ re erha mwẹ odede gha khin vbe ọ viọ emwa ẹgbẹ ọ re gha rrie Igipt ne ọ ya yin evba, ibozẹghẹ ọ re iran khin vbe iran khian, sokpan iran keghi do khian okpẹvbo ne ọ digba kevbe ne ọ mwẹ ẹtin.

Diuteronomi 28:62

Wa gha rhe do gha bun zẹ vbe orhọnmwẹ ni rre iso, ibozẹghẹ ọ ra miẹn uhunmwu vbọ, rhunmwuda, wa ma họn ẹmwẹ e Nọyaẹnmwa Osanobua rua.

Diuteronomi 7:7

“Ẹ i re rhunmwuda ighẹ wa bun sẹ emwa ọvbehe hia ọ re Nọyaẹnmwa na ho ẹmwẹ uwa ọ na vbe hannọ uwa zẹ. Wa ọ re ọ gha re uhunmwu ẹvbo ne ọ ghi kanmwa sẹẹ vbe agbọn.