Daniẹl 9:9 - Edo Bible (E Baibol Ẹdo) Version 1996

⁹ Wẹ mwẹ itohan, u keghi vbe yabọ, a gha rhe miẹn wẹ ma sọtẹ ghe ruẹ.

Daniẹl 9:9 ပူးပေါင်းရင်းမြစ်များ

II Samuẹl 24:14

E Devid keghi wanniẹn, “Te I la ẹmwẹ na! Sokpan, I i ho ne emwa nagbọn rriọmwẹ oya. Gie Nọyaẹnmwa tobọ ẹre rri ima oya, rhunmwuda, ọ mwẹ itohan.”

I Ọba 8:30

Rhie ehọ ye erhunmwu mwẹ kevbe erhunmwu emwa ruẹn vbe iran a do na erhunmwu vbe emwa na. U ghi họn urhu mwa vbe owa ruẹ vbe ẹrinmwi ne u yabọ mwa.

Nehimaia 9:31

Sokpan, rhunmwuda ighẹ itohan ruẹn kpọlọ, u ma fi iyeke gbe ra ne u fuẹn iran an Osanobua ne ọ vuọn ne ẹsọhẹ ne ọ mwẹ itohan, ọre uwẹ khin.

Psalm 130:4

Sokpan, te uwẹ ya bọ mwa, ne ima gha ya imuegberriotọ họn ẹmwẹ ne uẹn.

Psalm 130:7

Izrẹl, wa mu ẹtin yan e Nọyaẹnmwa, rhunmwuda, aho ẹre i fiwerriẹ, ọ vbe mu egbe ne ọ ya miẹn ọmwa fan vbe ẹghẹ hia.

Psalm 62:12

Kevbe wẹ aho irẹn i beghe. Nọyaẹnmwa, wẹ ọ re ọ tobọruẹ hae ne dọmwadẹ ọghọe vbene iwinna rẹn khare.

Psalm 86:15

Sokpan Osanobua ne ọ mwẹ itohan, kevbe ne ọ ho ẹmwẹ ọmwa, ọ re uwẹ khin Nọyaẹnmwa, ne ọ ziengbe vbe ẹghẹ hia ne ọ mwẹ itohan kevbe ne ọ guobọmwa.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Aizaia 63:7

I gha na iyẹn ahoẹmwọmwa e Nọyaẹnmwa ne ẹ i fira. I rho ẹre ye iwinnaa ne ọ winna ne ima Ọ fiangbe ivbi Izrẹl ẹsẹse. Rhunmwuda itohan kevbe ahoẹmwọmwa ne ẹ i beghe.

Jerimaia 14:7

Avbe emwa mwẹ viẹ bu mwẹ gha dee wẹẹ, ‘A gha rhe miẹn ighẹ orukhọ mwa gu ima gui, yi ima obọ vbene u yanrẹn Nọyaẹnmwa. Ẹghẹ nibun ọ re ima ya fi yeke gbe uwẹ, ma ru orukhọ ghe uẹ.

Ezikiẹl 20:13

Uhin wẹ vbe uwu ato, iran ke wa gha yagha mwẹ. Iran rra uhi mwẹ, iran keghi vbe fi iyeke gbe iyi mwẹ ne ọ rhie arrọọ ne ọmwaikọmwa ne ọ ya ẹe ru emwi. Iran ke wa mu Ẹdẹ Ikẹtin rhiaa fẹẹrẹ, I te wa mu egbe ne I gie iran họn obọ ohu mwẹ vbe egbe vbe uwu ato nii, ne I wa fuẹn iran an.

Daniẹl 9:5

Ma ru orukhọ, emwa dan ma wa vbe gha khin, ma ba emwi kuu ru. Ma rhie obọ gberra emwi ne uwẹ ne ima ru, ma keghi vbe fi iyeke gbe emwi ne uwẹ khare ighe ọ gbae.

Daniẹl 9:6

Ma ma zẹ ye avbe eguọmwadia ruẹ re, kevbe avbe akhasẹ ruẹ, ni ya eni ruẹn gu avbe ọba mwa, kevbe iran ni khaemwisẹ yan ima guan, kevbe erha mwa odede, kevbe ẹvbo mwa hia fẹẹrẹ.

Daniẹl 9:7

Nọyaẹnmwa, emwi ne ọ gbae ọ re uwẹ ru vbe ẹghẹ hia, sokpan, ẹghẹ hia ọ re ima ya fa egbe ima an. Erriọ ọ re ọ wa ye ne iran ni rre Judia kevbe Jerusalẹm, kevbe avbe ivbi Izrẹl hia ne uwẹ zagha lele avbe ẹvbo ni khian rrei kevbe ni sikẹ owa rhunmwuda, iran ma mudia ke uẹ ẹse.

Daniẹl 9:8

Avbe ọba mwa, iran ni khaemwisẹ yan ima, kevbe avbe erha mwa odede ru emwiekhue, iran keghi vbe rukhọ ghe uwẹ ne Nọyaẹnmwa.

Jona 4:2

Rẹn keghi rhunmwuda ọnii na erhunmwu wẹẹ, “E Nọyaẹnmwa, I ma ta ẹmwẹ na vbe I te kpao vbe owa wẹ erriọ u ra ru emwi na. Ọnii ọ si ẹe ne I na hia vbe odẹikodẹ ne I lẹ gha rrie Spen. I rẹnrẹn ighe Osanobua ne ọ mwẹ aho ẹmwẹ ọmwa kevbe itohan ọre uwẹ khin, u vbe zin egbe, u vbe mwẹ ẹnina, u vbe mu egbe vbe ẹghẹ hia ne u ya fi ekhọe werriẹ ne u ghẹ rri ọmwa oya.