Daniẹl 9:8 - Edo Bible (E Baibol Ẹdo) Version 1996

⁸ Avbe ọba mwa, iran ni khaemwisẹ yan ima, kevbe avbe erha mwa odede ru emwiekhue, iran keghi vbe rukhọ ghe uwẹ ne Nọyaẹnmwa.

Daniẹl 9:8 ပူးပေါင်းရင်းမြစ်များ

II Ọba 21:15

I gha ru avbe emwa mwẹ emwi na rhunmwuda iran sẹ ẹmwẹ mwẹ, iran kegha ya ohu mu mwẹ ke ẹghẹ ne avbe erha iran odede ya ladian vbe Igipt gha dee, do sẹ ẹdẹnẹrẹ na.”

II Krọnikol 6:37

Họn erhunmwu emwa ruẹn. a dẹghe iran roiro fiekhọewerriẹ iran na na erhunmwu ghe ruẹ iran na miẹn orukhọ iran kue wẹ ẹwobi ne emwa orukhọ ọ re iran khin, u ghi họn erhunmwu iran Nọyaẹnmwa.

Nehimaia 1:6

Ghe mwẹ Nọyaẹnmwa ne u họn erhunmwu mwẹ ne I na ne ivbi Izrẹl asọn kevbe avan. I miẹnkue wẹ ma ne ivbi Izrẹl ru orukhọ. Mẹ kevbe avbe erha mwẹ odede ru orukhọ.

Aizaia 64:4

A ma he miẹn egbe ọ re a ma he vbe họn ẹmwẹ Osanobua ne ọ yevbe ruẹ ne ọ winna egbe iwinna vberriọ ne iran ni ye egbe kọe.

Jerimaia 14:20

Ma ru orukhọ ghe ruẹ nẹ, Nọyaẹnmwa ma miẹn orukhọ mwa kue, kevbe orukhọ avbe erha mwa odede.

Jerimaia 32:32

Rhunmwuda emwi dan ne ivbi e Juda kevbe ivbi e Jerusalẹm he ru, iran kevbe avbe ọba kevbe avbe olotu iran, avbe ohẹn kevbe avbe akhasẹ iran.

Jerimaia 7:19

Sokpan mẹ ọ re iran gele ye ohu mu ra. Ẹn o, egbe iran ọ re iran ru khọ, iran na vbe gha fa egbe iran an.

Eve Orriara 1:18

“Sokpan, emwi ne ọ khẹke ọ re Nọyaẹnmwa ru, rhunmwuda mẹ ọ re ọ yan ẹẹn zẹ. Wa danmwehọ mwẹ, emwa ni rre ehe hia wa ghe mwẹ vbe uwu obalọ ne I ye. A viọ avbe igbama kevbe avbe uvbi mwẹ oghunmwu gha rrie.

Eve Orriara 3:42

“Ma ru orukhọ nẹ, a keghi vbe sọtẹ wẹ ne Nọyaẹnmwa ma vbe yabọ mwa.

Eve Orriara 5:16

Avbe emwi ne ima te ya ghan hia okpa ma ghi kẹe vbọ. Ma ru orukhọ nẹ, banbanna, ọghe ima fo.

Ezikiẹl 16:63

I gha ya emwi ne u baku ru hia bọọ. Sokpan wẹ gha ye iran rre, ekhue i ra gie uwẹ vbe rhan unu ruẹn.” E Nọyaẹnmwa ne Udazi tae nẹ.

Ezikiẹl 5:6

Sokpan, e Jerusalẹm keghi sọtẹ ghe uhi mwẹ, ọ keghi rhie ma wẹ rẹn ọ re ọ ru ọmwa dan sẹẹ avbe ẹvbo nekpa, rẹn ọ re ọ vbe zẹ utun vbe ehọ sẹẹ avbe ẹvbo nekpa ni lẹga ẹre. E Jerusalẹm he iyi mwẹ yotọ, ọ keghi vbe he ne ọ mu uhi mwẹ sẹ.

Daniẹl 9:9

Wẹ mwẹ itohan, u keghi vbe yabọ, a gha rhe miẹn wẹ ma sọtẹ ghe ruẹ.