Daniẹl 9:5 - Edo Bible (E Baibol Ẹdo) Version 1996

⁵ Ma ru orukhọ, emwa dan ma wa vbe gha khin, ma ba emwi kuu ru. Ma rhie obọ gberra emwi ne uwẹ ne ima ru, ma keghi vbe fi iyeke gbe emwi ne uwẹ khare ighe ọ gbae.

Daniẹl 9:5 ပူးပေါင်းရင်းမြစ်များ

II Ọba 18:12

E Sameria keghi de guọghọ rhunmwuda ivbi Izrẹl ma họn ẹmwẹ e Nọyaẹnmwa ne Osanobua iran, sokpan, iran rra ile ne ọ gu iran ta, iran kevbe rra uhi hia ne ọ yi ne Mosis ne ọguọmwadia e Nọyaẹnmwa. Iran ma danmwehọ, iran ma vbe ya ẹe ru emwi.

II Ọba 21:15

I gha ru avbe emwa mwẹ emwi na rhunmwuda iran sẹ ẹmwẹ mwẹ, iran kegha ya ohu mu mwẹ ke ẹghẹ ne avbe erha iran odede ya ladian vbe Igipt gha dee, do sẹ ẹdẹnẹrẹ na.”

Ẹzra 9:6

I keghi kha wẹẹ, “Osanobua ekhue i gunmwẹ tọn uhunmwu mu ghe ehe ne u ye. Orukhọ ima ma ite ne ọ yo gberra ima uhunmwu, iran yo sẹ iso.

Psalm 106:6

Ma rukhọ, zẹ vbene avbe erha mwa odede vbe ru, ma ru emwi dan, ma vbe mwẹ ekhọe dan.

Psalm 119:102

I ma fi iyeke gbe igiodẹ ruẹ, rhunmwuda, wẹ tobọ ruẹ ọ re ọ ma mwẹ emwi.

Psalm 119:176

I gha bibi yo bibi rre, zẹ vbe ohuan ne ọ wiri, rhunmwuda ọnii, do gualọ mwẹ, mẹ ne ọguọmwadia ruẹ rhunmwuda, I ma fi iyeke gbe uhi ruẹ.

Psalm 18:21

Mẹ mu uhi e Nọyaẹnmwa sẹ nẹ, I ma fi iyeke gbe Osanobua mwẹ.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Aizaia 59:13

Ma sẹmwẹ ru ẹ, ma he uwẹ yotọ, ma ma ghi lele uwẹ, ma wọ avbe ẹrrẹe uhunmwu ma keghi fi iyeke gbe uwẹ. Ohoghe iro ne ima zẹ khin, ẹmwẹ ne ima ta i re ẹmwata.

Aizaia 64:4

A ma he miẹn egbe ọ re a ma he vbe họn ẹmwẹ Osanobua ne ọ yevbe ruẹ ne ọ winna egbe iwinna vberriọ ne iran ni ye egbe kọe.

Jerimaia 14:20

Ma ru orukhọ ghe ruẹ nẹ, Nọyaẹnmwa ma miẹn orukhọ mwa kue, kevbe orukhọ avbe erha mwa odede.

Jerimaia 14:7

Avbe emwa mwẹ viẹ bu mwẹ gha dee wẹẹ, ‘A gha rhe miẹn ighẹ orukhọ mwa gu ima gui, yi ima obọ vbene u yanrẹn Nọyaẹnmwa. Ẹghẹ nibun ọ re ima ya fi yeke gbe uwẹ, ma ru orukhọ ghe uẹ.

Jerimaia 3:25

“Te ọ kere ne ima lovbiẹ ye otọ ne emwiekhue, ne efaa gue mwa. Ẹghẹikẹghẹ ọ re ima vbe avbe erha mwa odede wa ya gha rukhọ ghe Nọyaẹnmwa Osanobua mwa. Ma ma he vbe họn ẹmwẹ ne ẹẹn ẹdẹ.”

Jerimaia 30:14

Avbe enida uwa hia he uwa yotọ, iran i ghi zẹdẹ zẹ ye uwa ẹre. Mẹ gu uwa gbinna zẹ vbe eghian mwẹ oya ne ọ wegbe ọ re a rrii uwa re rhunmwuda orukhọ uwa bun, uyinmwẹ dan uwa vbe kpọlọ.

Jerimaia 44:3

Rhunmwuda, emwa iran ru emwi dan ne iran na ya ohu mu mwẹ. Iran zọ ese ghe avbe ẹbọ ọvbehe; iran kevbe gha ghoo avbe ẹbọ ne iran tobọ iran, ra uwa, ra avbe erha uwa odede ma gho ẹdẹ.

Eve Orriara 1:18

“Sokpan, emwi ne ọ khẹke ọ re Nọyaẹnmwa ru, rhunmwuda mẹ ọ re ọ yan ẹẹn zẹ. Wa danmwehọ mwẹ, emwa ni rre ehe hia wa ghe mwẹ vbe uwu obalọ ne I ye. A viọ avbe igbama kevbe avbe uvbi mwẹ oghunmwu gha rrie.

Eve Orriara 1:20

“E Nọyaẹnmwa, ghe obalọ ne I ye, ghe obalọ ekhọe mwẹ, ẹkoko udu mwẹ vua ba akhiẹ, ne I khiẹ ye orukhọ. Iran wa do izigha vbe adesẹ ore ẹvbo, a gha sẹ uwu owa, uwu vbe rre evba.

Eve Orriara 3:42

“Ma ru orukhọ nẹ, a keghi vbe sọtẹ wẹ ne Nọyaẹnmwa ma vbe yabọ mwa.

Ezikiẹl 5:6

Sokpan, e Jerusalẹm keghi sọtẹ ghe uhi mwẹ, ọ keghi rhie ma wẹ rẹn ọ re ọ ru ọmwa dan sẹẹ avbe ẹvbo nekpa, rẹn ọ re ọ vbe zẹ utun vbe ehọ sẹẹ avbe ẹvbo nekpa ni lẹga ẹre. E Jerusalẹm he iyi mwẹ yotọ, ọ keghi vbe he ne ọ mu uhi mwẹ sẹ.

Ezikiẹl 6:9

ehe ne iran gha na gha rre iwe. Evba nii ọre iran gha na ye mwẹ rre, iran ghi vbe rẹn we mẹ ọ re ọ rrii iran oya, I na vbe fa iran an, rhunmwuda ekhọe iran nẹi guobọ ọmwa he mwẹ yotọ, iran keghi rhie egbe lele ẹbọ ne ọ yẹ iran sẹẹ imẹ. Ẹmwẹ egbe iran gha sọnnọ iran rhunmwuda emwi dan kevbe emwi ifaegbua ne iran ru.

Daniẹl 9:11

Izrẹl hia rraa uhi ruẹ, iran ma vbe danmwehọ ẹmwẹ ne uwẹ tae. Ma rukhọ ghe ruẹ, wẹ keghi gie ihen ne a tie ye Uhi e Mosis ne ọguọmwadia ruẹ sẹ ima egbe.

Daniẹl 9:15

“E Nọyaẹnmwa Osanobua mwa, wẹ rhie ẹtin ruẹn ma vbekpa ne u na viọ emwa ruẹn ke otọ Igipt ladian, deba ẹre te a ye ye ẹtin ruẹn rre. Ma ru orukhọ nẹ, ma ba emwi ku ru nẹ.

Daniẹl 9:9

Wẹ mwẹ itohan, u keghi vbe yabọ, a gha rhe miẹn wẹ ma sọtẹ ghe ruẹ.

Hozia 1:2

Ẹghẹ ne Nọyaẹnmwa na gie Hozia uhunmwu gie ivbi Izrẹl vbe okaro, ọ tama Hozia wẹẹ, “Ya rhie okhuo; amwọn gha wa gha ghẹẹ, te emọ ne u ra biẹlẹ ra wa vbe yevbe irẹn. Erriọ wa vbe nọ, emwa mwẹ sẹ mwẹ rae, iran ma ghi guobọ mwẹ.”

Malakai 3:7

Zẹ vbene avbe erha uwa odede ru, ọre uwa vbe ru, ne uwa na fi iyeke gbe uhi mwẹ, wa ma vbe ya iran ru emwi.

Hibru 3:12

Etẹn mwẹ, wa mwẹ ẹwaẹn, ne a ghẹ ya miẹn arhiọnkpa vbe uwu uwa ne ọ mwẹ ekhọe dan, kevbe ne ẹ i yayi, sẹrriọ, ne ọ gha na fi iyeke gbe Osanobua ne ọ rrọọ.