Daniẹl 9:22 - Edo Bible (E Baibol Ẹdo) Version 1996

²² Ọ keghi rhan otọ ẹre, ọ wẹẹ, “E Daniẹl, te I rre do ru iyobọ ne uẹn ne u sẹtin rẹn otọ ẹmwẹ akhasẹ nii.

Daniẹl 9:22 ပူးပေါင်းရင်းမြစ်များ

Daniẹl 10:11

Odibosa keghi tama mwẹ wẹẹ, “E Daniẹl, Osanobua ho ẹmwẹ ruẹn, kpaegbe, gbe ehọ kotọ danmwehọ ẹmwẹ ne I ra tama ruẹn, te a gie mwẹ bu ruẹ gha dee.” Ọ ghi ta ẹmwẹ na nẹ, I keghi kpaegbe mudia, sokpan, I keghi ye gha guọ kpẹkpẹkpẹ.

Daniẹl 10:12

Ẹre irẹn na tama mwẹ wẹẹ, “E Daniẹl, ghẹ gie ohan muẹn Osanobua họọn erhunmwu ruẹn nẹ ke ikpẹdẹ ne u tae ighe u gha mu egbe ruẹ rriotọ ne u miẹn ehe na gha mwẹ irẹnmwi. Erhunmwu ne u na ọ re ọ ya mwẹ gha die emwa.

Daniẹl 10:14

Te I rre do rhie ma ruẹn emwi ne ọ gha sunu vbe egbe emwa ruẹn ẹdẹnakhuẹ. Umian ọghe ẹdẹnakhuẹ ọ re ọna khin.”

Daniẹl 7:16

I keghi zẹẹ owẹ bu ọkpa vbe uwu iran ni mudia vbe evba, I na nọ rẹn wẹ ne ọ rhan otọ umian na ma mwẹ, rhunmwuda ọnii, ọ keghi ta emwi ne a ya ẹe kha ma mwẹ.

Daniẹl 8:16

I keghi vbe họn urhu kevbe obọ nọkpa Ẹzẹ Ulai rre wẹẹ, “Gebriẹl, rhan otọ emwi ne a ya emwi ne ọ miẹn ma rẹn.”

Emọs 3:7

E Nọyaẹnmwa ne Udazi i da ru emwi vbe ne ọ ma na ka ta ẹe ma avbe akhasẹ ne eguọmwadia ẹre nẹ.

Zẹkaraia 1:14

Odibosa keghi tama mwẹ wẹ ne I ya mu ẹmwẹ ne Nọyaẹnmwa ne Oghodua ta ẹe ni go wẹẹ, “I mwẹ aho kevbe ẹnina nọkhua ghe Jerusalẹm ne ẹvbo mwẹ nọhuanrẹn.

Zẹkaraia 1:9

I keghi nọ rẹn wẹẹ, “Dọmọ o, de emwi ne a ya avbe ẹsin na kha yi?” Rẹn keghi wanniẹn wẹẹ, “I gha ta emwi ne a ya iran kha ma ruẹn.

Arhie Maan 4:1

Ẹghẹ na ọre I na vbe miẹn umian ọvbehe, I na bẹghe urho ne a kie ye otọ ọkpa vbe ẹrinmwi. Urhu ne ọ ye vbe ne a si orhu, ne ọ ka gha gun mwẹ guan usin keghi kha wẹ, “Hin odukhunmwu gha die edinran, I gha rhie emwi ne ọ gha sunu vbe iyeke ọnọna ma ruẹn.”