Daniẹl 9:19 - Edo Bible (E Baibol Ẹdo) Version 1996

¹⁹ Nọyaẹnmwa, họn ọghomwa, Nọyaẹnmwa, yabọ mwa. Nọyaẹnmwa, họn ọghomwa, ne u guan yọ. Ne emwa hia miẹn ehe na rẹn ighe Osanobua wẹ khin, ghe si ẹe kpee vbe otọ Nọyaẹnmwa. Ẹvbo na kevbe emwa na, ọwuẹ ehia khin.”

Daniẹl 9:19 ပူးပေါင်းရင်းမြစ်များ

II Krọnikol 6:21

Họn erhunmwu mwẹ kevbe erhunmwu ivbi Izrẹl ne emwa ruẹn vbe iran a mu aro da emwa na na erhunmwu. U ghi họn ọghomwa vbe owa ruẹ vbe ẹrinmwi, ne u yabọ mwa.

II Krọnikol 6:39

U ghi họn erhunmwu iran. U ghi họn urhu iran vbe owa ruẹ vbe ẹrinmwi ne u tohan iran, ne u ya orukhọ hia ọghe emwa ruẹn bọ iran.

Aizaia 43:7

Emwa mwẹ ọ re iran khin. Te I yii iran ne iran gha re ọghomwẹ.”

Jerimaia 14:7

Avbe emwa mwẹ viẹ bu mwẹ gha dee wẹẹ, ‘A gha rhe miẹn ighẹ orukhọ mwa gu ima gui, yi ima obọ vbene u yanrẹn Nọyaẹnmwa. Ẹghẹ nibun ọ re ima ya fi yeke gbe uwẹ, ma ru orukhọ ghe uẹ.

Jerimaia 14:9

Vbọzẹ ne u na ye vbe ọmwa ne emwi yan ẹre unu uan, zẹ vbe ovbiyokuo ne ẹ i mwẹ ẹtin ne ọ gha ya ru iyobọ? Vbe ẹmwata, wẹ rrọọ yaba mwa, Nọyaẹnmwa emwa ruẹn ma khin, ghẹ he mwa yotọ.

Jerimaia 25:29

Ẹvbo mwẹ ọ re I ra na suẹn iwinna ọ dunmwu an nii. Te iran ro wẹ iran gha lẹ ọre fe vbe ne a i na rri iran oya ra? Hiehiere, te a ra rri iran oya rhunmwuda, te I ra gie okuo gie emwa hia ni rre agbọn. Mẹ ne Nọyaẹnmwa ne Oghodua tae nẹ.

Ezikiẹl 20:14

Sokpan, I ma ru vberriọ, rhunmwuda, ọnii gha mu ozan gie eni mwẹ vbe ehe ne avbe uhunmwu ẹvbo nii ye, iran ne aro ẹre se ọe vbe I viọ ivbi Izrẹl ke Igipt ladian.

Ezikiẹl 20:22

Sokpan, I ma ru vberriọ, rhunmwuda, te ọnii gha mu ozan gie eni mwẹ vbe ẹbu uhunmwu ẹvbo ni miẹn mwẹ vbe I viọ ivbi Izrẹl ke Igipt ladian.

Ezikiẹl 20:9

Sokpan, I ma ru vberriọ rhunmwuda, ọnii gha mu ozan gie eni mwẹ, rhunmwuda, sirra avbe emwa ne iran gba yin kugbe ọre I na tae ma Izrẹl wẹ, I gha viọ iran ke Igipt ladian.

Ezikiẹl 36:22

“Rhunmwuda ọnii, ta uhunmwu ne imẹ ne Nọyaẹnmwa ne Udazi gie gie ivbi Izrẹl ma iran. Ẹ i re rhunmwuda uwa ne ivbi Izrẹl ọ re I ra na ru emwi ne I ra ru, sokpan rhunmwuda eni mwẹ nọhuanrẹn nọ, eni ne uwa fara vbe ẹvbo ikẹvbo ne uwa yo.

Ezikiẹl 39:25

E Nọyaẹnmwa ne Udazi khare wẹẹ, “Sokpan, banbanna nian, I gha tohan ivbi uniẹn e Jekọb ighe ivbi Izrẹl, I ghi gie agbọn dọlegbe maa iran, I gha da uyi eni mwẹ nọhuanrẹn yi.

Daniẹl 9:18

Họn ọghomwa Osanobua, tọn aro mu ghe mwa, ne u miẹn usẹ ne ọ sẹ mwa, kevbe oya ne a re vbe ẹvbo ne a tie ginna eni ruẹn. Ma na erhunmwu ghe ruẹ rhunmwuda ọmwa itohan ọ re uwẹ khin ighe ẹ i re rhunmwuda ighe ma yin ẹse.

Emọs 7:2

Vbe uwu umian nii, I keghi bẹghe vbe avbe irhiso wa rri irunmwu ni ghi bi nunuunu hia vbe otọe nii, ọre imẹ na kha wẹẹ, “E Nọyaẹnmwa ne Udazi, yabọ emwa ruẹn, vbe iran ra ya miẹn uhunmwu hẹ vbe ọna? Iran wa kanmwa, iran ma vbe wegbe!”

Nọmbas 14:19

Lahọ, la ekpa ahoẹmwọmwa ruẹn nọkhua kevbe ne ẹ i fiwerriẹ ya orukhọ emwa na bọ iran, zẹ vbene u ya gha bọ iran ya ke ne iran kpao vbe Igipt gha dee.”

Nọmbas 6:27

E Nọyaẹnmwa keghi kha wẹẹ, “Iran gha so enii mwẹ ya na erhunmwu na vbe iran gha na erhunmwu ne ivbi Izrẹl, I gha fiangbe iran.”

Iyẹn ne ọ Maan Ọghe Luk 11:8

Vbe a ghi ra wẹ ọ khin? Ne I tama ruẹn, a deghẹ ọ ma la ekpa ọghe ọse wa khin kpaegbe do viọ ebrẹd nii nuẹn, te ọ gha kpaegbe viọ emwi hia ne u ho nuẹn rhunmwuda ighe ekhue ma mu uwẹ, u na rhiegba yọ nọ rẹn.

Iwinna 15:17

Erriọ emwa ọvbehe hia gha gualọ Nọyaẹnmwa, emwa ne ẹ i re Ju hia ne I tie ya khian ọghomwẹ.

Ẹfisọs 1:12

Rhunmwuda ọnii, wa gie ima, ni re emwa ni ka gha mwẹ idaehọ vbe uwu Kristi, rhie urhomwẹ ne uyi Osanobua.

Ẹfisọs 1:6

Wa gie ima rho Osanobua ye ẹsọhẹ nọ mwẹ uyi ọghọe, kevbe emwi ọhẹ ne ọ ya ru ima ẹse, vbe uwu ovbi ẹre ne ọ ghan!

Ẹfisọs 3:10

Ne a miẹn ehe na miẹn wẹ, ọ gha ghi sẹ ẹghẹ na, avbe ọdakha, odibosa, kevbe avbe ẹtin ni rre ẹrinmwi, ghi la ekpa esọsi do rẹn ẹwaẹn Osanobua vbe dọmwadẹ ihe ne ọ wa egbe yi.