Daniẹl 9:18 - Edo Bible (E Baibol Ẹdo) Version 1996

¹⁸ Họn ọghomwa Osanobua, tọn aro mu ghe mwa, ne u miẹn usẹ ne ọ sẹ mwa, kevbe oya ne a re vbe ẹvbo ne a tie ginna eni ruẹn. Ma na erhunmwu ghe ruẹ rhunmwuda ọmwa itohan ọ re uwẹ khin ighe ẹ i re rhunmwuda ighe ma yin ẹse.

Daniẹl 9:18 ပူးပေါင်းရင်းမြစ်များ

I Ọba 8:29

Gie aro ruẹ gha ghe Ọgua Osa na asọn kevbe avan, emwana ne u wẹ zẹe wẹ ne a gha ga a vbọ. Họn ọghomwẹ, vbene I na erhunmwu vbe uwu Ọgua Osa na.

II Ọba 19:16

Wanwanna nian, e Nọyaẹnmwa ghe emwi ne ọ sunu vbe egbe ima. Gha họn ẹmwẹ ne Senakẹrib ta ya kpa unu ghe uwẹ ne Osanobua ne Udazi.

Psalm 116:1

Mẹ ho ẹmwẹ Nọyaẹnmwa, rhunmwuda, ọ họn urhu mwẹ; ọ rhie ehọ ye erhunmwu mwẹ.

Psalm 25:6

E Nọyaẹnmwa, ye rre, itohan kevbe aho ẹmwẹ ọmwa ruẹn ne ẹi beghe, ne uwẹ rhie maa ke ẹkpo nii gha dee.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Aizaia 37:17

Banbanna nian, e Nọyaẹnmwa, danmwehọ mwa ne u vbe ghe emwi ne ima miẹn. Danmwehọ avbe ẹmwẹ ne Senakẹrib ta ne ọ ya kpa unu ghe ruẹ, wẹ ne Osanobua ne ọ rrọọ.

Aizaia 43:7

Emwa mwẹ ọ re iran khin. Te I yii iran ne iran gha re ọghomwẹ.”

Aizaia 64:12

E Nọyaẹnmwa, ena hia ma zẹdẹ kan uwẹ ra? Wẹ i ra zẹdẹ zẹ yọ ra, te uwẹ we ne ima gha rri oya khian gberra vbene egbe mwa gha sẹtin rrọ ra?

Aizaia 64:6

Te ima hia wa vuọn ne orukhọ, uhin ighẹ uyinmwẹ ne ọ ghi maa sẹẹ, iku kevbe ẹkẹkhẹrhẹ nọ. Rhunmwuda orukhọ mwa, te ima ghi yevbe ebe ne ọ kakae ne ẹhoho hohoo kua.

Jerimaia 14:7

Avbe emwa mwẹ viẹ bu mwẹ gha dee wẹẹ, ‘A gha rhe miẹn ighẹ orukhọ mwa gu ima gui, yi ima obọ vbene u yanrẹn Nọyaẹnmwa. Ẹghẹ nibun ọ re ima ya fi yeke gbe uwẹ, ma ru orukhọ ghe uẹ.

Jerimaia 14:9

Vbọzẹ ne u na ye vbe ọmwa ne emwi yan ẹre unu uan, zẹ vbe ovbiyokuo ne ẹ i mwẹ ẹtin ne ọ gha ya ru iyobọ? Vbe ẹmwata, wẹ rrọọ yaba mwa, Nọyaẹnmwa emwa ruẹn ma khin, ghẹ he mwa yotọ.

Jerimaia 15:16

Wẹ gunmwẹ guan, I keghi rhie ehọ ye ẹmwẹ hia. Ọwuẹ ọ re imẹ khin Nọyaẹnmwa, Osanobua ne Oghodua, rhunmwuda ọnii ẹmwẹ ruẹn keghi ya oghọghọ kevbe ọyẹnmwẹ vuọn ekhọe mwẹ.

Jerimaia 25:29

Ẹvbo mwẹ ọ re I ra na suẹn iwinna ọ dunmwu an nii. Te iran ro wẹ iran gha lẹ ọre fe vbe ne a i na rri iran oya ra? Hiehiere, te a ra rri iran oya rhunmwuda, te I ra gie okuo gie emwa hia ni rre agbọn. Mẹ ne Nọyaẹnmwa ne Oghodua tae nẹ.

Jerimaia 36:7

Ughaghe, iran gha na erhunmwu ghe Nọyaẹnmwa, ne iran vbe fiwerriẹ hin odẹ dan iran rre, rhunmwuda, e Nọyaẹnmwa niẹn obọ ye emwa rẹn aro nẹ vbe uwu ohu kevbe okuosu ẹre ne ọ mu ohan.”

Jerimaia 37:20

Banbanna nian, lahọ danmwehọ mwẹ Umogun, ne u vbe ru vbene I ra tama ruẹn. Lahọ ghẹ ghi rhie mwẹ werriegbe gha rrie eghan ne ọ rre owa e Jonatan. U gha rhie mwẹ gha khian, I gha wu ye evba.”

Ezikiẹl 36:22

“Rhunmwuda ọnii, ta uhunmwu ne imẹ ne Nọyaẹnmwa ne Udazi gie gie ivbi Izrẹl ma iran. Ẹ i re rhunmwuda uwa ne ivbi Izrẹl ọ re I ra na ru emwi ne I ra ru, sokpan rhunmwuda eni mwẹ nọhuanrẹn nọ, eni ne uwa fara vbe ẹvbo ikẹvbo ne uwa yo.

Ezikiẹl 36:32

“Izrẹl, I ho ne uwa rẹn wẹ ẹ i re rhunmwuda uwa ọ re I na ru avbe emwi na. I ho ne uwa rẹn ekhue kevbe efaa ne ọ rre emwi ne uwa ru na nian, Mẹ ne Nọyaẹnmwa ne Udazi ọ re ọ tae.”

Daniẹl 9:7

Nọyaẹnmwa, emwi ne ọ gbae ọ re uwẹ ru vbe ẹghẹ hia, sokpan, ẹghẹ hia ọ re ima ya fa egbe ima an. Erriọ ọ re ọ wa ye ne iran ni rre Judia kevbe Jerusalẹm, kevbe avbe ivbi Izrẹl hia ne uwẹ zagha lele avbe ẹvbo ni khian rrei kevbe ni sikẹ owa rhunmwuda, iran ma mudia ke uẹ ẹse.

Nọmbas 6:27

E Nọyaẹnmwa keghi kha wẹẹ, “Iran gha so enii mwẹ ya na erhunmwu na vbe iran gha na erhunmwu ne ivbi Izrẹl, I gha fiangbe iran.”

I Kọrinti 1:2

gie esọsi Osanobua ne ọ rre Kọrinti, gie emwa ne a tie re ne iran do gha re emwa ni huanrẹn Osanobua, emwa ni khian ọghọe rhunmwuda ighẹ iran ya egbe ba Kristi Jesu, deba emwa hia ni ghi na erhunmwu ghe Nọyaẹnmwa Jesu Kristi nẹ, zẹ vbe Nọyan iran kevbe ima.