Daniẹl 9:17 - Edo Bible (E Baibol Ẹdo) Version 1996

¹⁷ Osanobua họn erhunmwu kevbe erinmwian mwẹ. Dọlegbe rhie Ọgua Osa ruẹ ne iran dunmwu uan ye ihe, dọlegbe rhie ẹre ye ihe ne emwa hia miẹn ehe na rẹn ighe wẹ ọrọre Osanobua.

Daniẹl 9:17 ပူးပေါင်းရင်းမြစ်များ

I Ọba 8:28

Sevba họn erhunmwu mwẹ kevbe erinmwian mwẹ, e Nọyaẹnmwa Osanobua mwẹ, họn eve mwẹ kevbe erhunmwu ne I na ghe ruẹ.

Nehimaia 1:6

Ghe mwẹ Nọyaẹnmwa ne u họn erhunmwu mwẹ ne I na ne ivbi Izrẹl asọn kevbe avan. I miẹnkue wẹ ma ne ivbi Izrẹl ru orukhọ. Mẹ kevbe avbe erha mwẹ odede ru orukhọ.

Psalm 119:135

Ya a gu ọmwa rrọọ ọwuẹ fiangbe mwẹ, ne u ma mwẹ avbe uhi ruẹ.

Psalm 4:6

Emwa nibun ọ re ọ na erhunmwu wẹẹ, “Rhie afiangbe ba afiangbe ne ima Nọyaẹnmwa Ye aro itohan ghe mwa!”

Psalm 67:1

Osanobua, tohan mwa, ne u vbe fiangbe ima ye aro itohan ghe mwa.

Psalm 67:2

Ne agbọn hia miẹn ehe na rẹn iho ruẹ ne agbọn na hia miẹn ehe na rẹn imiẹnfan ruẹn.

Psalm 74:3

Khian la emwi ni rẹnkhuan na gberra avbe eghian mwa rẹnkhẹn emwi ni rre Ọgua Osa fo.

Psalm 80:1

Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Psalm 80:19

Nọyaẹnmwa Osanobua Ne Oghodua viọ ima werriegbe rre rhie itohan ruẹn ma mwa a gha vbe miẹn mwa fan.

Psalm 80:3

Viọ ima werriegbe gha dee, Osanobua, rhie itohan ruẹn ma mwa a gha vbe miẹn ima fan.

Psalm 80:4

Vbe ọ gha ye kpee sẹ hẹ yi, Nọyaẹnmwa Osanobua Ne Oghodua? U gha mu ohu erhunmwu avbe emwa ruẹn ra?

Psalm 80:7

Viọ ima werriegbe gha dee Osanobua Ne Oghodua rhie itohan ruẹn ma mwa a gha miẹn ima fan.

Aizaia 48:11

Emwi ne I ru, rhunmwuda ekpẹn ne egbe mwẹ ọre I na ruẹe. Mẹ i ho ne a ya iruẹn ye eni mwẹ ra ne ọmwa ọvbehe rhokpa ghae vbe uyi nii ne ọ kere ne ọ gha re ọghomwẹ, ọ ghi mẹ ọkpa.”

Eve Orriara 3:56

I ghi vbe rinmwian wẹ ne u zẹ yọ mwẹ re, u keghi họọn.

Eve Orriara 5:18

Rhunmwuda Oke Zaiọn khian ne a lẹẹ sẹrae ọ keghi vbe divbiẹ, avbe ekuaghagha oha gha hẹyo hẹrre vbe avbe itowa ni rrọọ.

Daniẹl 9:19

Nọyaẹnmwa, họn ọghomwa, Nọyaẹnmwa, yabọ mwa. Nọyaẹnmwa, họn ọghomwa, ne u guan yọ. Ne emwa hia miẹn ehe na rẹn ighe Osanobua wẹ khin, ghe si ẹe kpee vbe otọ Nọyaẹnmwa. Ẹvbo na kevbe emwa na, ọwuẹ ehia khin.”

Iyẹn ne ọ Maan Ọghe Jọn 16:24

He do sẹ banbanna, wa ma he ya eni mwẹ nọ emwikemwi, wa nọ ighẹ ọ gha sẹ uwa obọ. Ne ọyẹnmwẹ uwa miẹn ehe na gha re ne ọ sẹ otọ ẹko.

II Kọrinti 1:20

Rhunmwuda rẹn ọrọre “Erriọ nọ” ye emwi hia ne Osanobua yan eyan rẹn. Ọnii ọre ọ zẹẹ ne ima na la ekpa Jesu Kristi gbe “Isẹ” ne uyi ọghe Osanobua.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.