Daniẹl 9:15 - Edo Bible (E Baibol Ẹdo) Version 1996

¹⁵ “E Nọyaẹnmwa Osanobua mwa, wẹ rhie ẹtin ruẹn ma vbekpa ne u na viọ emwa ruẹn ke otọ Igipt ladian, deba ẹre te a ye ye ẹtin ruẹn rre. Ma ru orukhọ nẹ, ma ba emwi ku ru nẹ.

Daniẹl 9:15 ပူးပေါင်းရင်းမြစ်များ

I Ọba 8:51

Emwa ruẹn iran khin, emwa ne u viọ ke Igipt ladian, vbe uwu ogidi erhẹn nii.

II Ọba 21:15

I gha ru avbe emwa mwẹ emwi na rhunmwuda iran sẹ ẹmwẹ mwẹ, iran kegha ya ohu mu mwẹ ke ẹghẹ ne avbe erha iran odede ya ladian vbe Igipt gha dee, do sẹ ẹdẹnẹrẹ na.”

II Krọnikol 6:37

Họn erhunmwu emwa ruẹn. a dẹghe iran roiro fiekhọewerriẹ iran na na erhunmwu ghe ruẹ iran na miẹn orukhọ iran kue wẹ ẹwobi ne emwa orukhọ ọ re iran khin, u ghi họn erhunmwu iran Nọyaẹnmwa.

Nehimaia 1:10

“E Nọyaẹnmwa, eguọmwadia ruẹ ena khin, emwa ruẹn iran khin. Ẹtin kevbe iwegbe ruẹ nọkhua ọ re u ya miẹn iran fan.

Nehimaia 1:6

Ghe mwẹ Nọyaẹnmwa ne u họn erhunmwu mwẹ ne I na ne ivbi Izrẹl asọn kevbe avan. I miẹnkue wẹ ma ne ivbi Izrẹl ru orukhọ. Mẹ kevbe avbe erha mwẹ odede ru orukhọ.

Nehimaia 9:10

U winna ọyunnuan ne ọkpaodin yan ọba, iran ni rre asẹ kevbe emwa otọe ni. Rhunmwuda, u rẹn vbene iran zẹ emwa ruẹn kpokpo hẹ, u keghi gbe miẹn ọghọ; ne ọ ye lele uẹ khian ẹrẹna.

Psalm 106:8

Sokpan, ọ miẹn iran fan zẹ vbene ọ yan rẹn, ne ọ miẹn ehe na rhie ẹtin ẹnrẹn nọkhua, ne a miẹn.

Ẹksọdọs 13:14

Ọ gha ghi sẹ ẹghẹ nii, a deghẹ ivbi uẹ ghi nọọn wẹẹ, ‘Vbe a ya ena kha yi?’ U ghi wanniẹn tama rẹn wẹẹ, ‘Ẹtin nọkhua ọre Nọyaẹnmwa ya viọ ima ke otọe Igipt ne ima na gha re eviẹn ladian.

Ẹksọdọs 13:16

Iruẹmwi na ghi gha re ayere zẹ vbe ama vbe obọ ruẹ ra orhiema vbe uharo ruẹ rhunmwuda iwinna ẹtin nọkhua ọre Nọyaẹnmwa ya viọ ima ke otọ Igipt ladian.’ ”

Ẹksọdọs 13:3

E Mosis keghi khama emwa nii wẹẹ, “Wa ghi ya ẹdẹnẹrẹ na ne uwa kpao vbe otọ Igipt ẹro, ehe ne uwa na gha re eviẹn, rhunmwuda ẹrẹna ọrọre ẹdẹ ne Nọyaẹnmwa ya ẹtin nọkhua ẹre viọ uwa ladian. Wa gha rri ebrẹd ne ọ ma hue.

Ẹksọdọs 13:9

Iruemwi na ghi yevbe ama ne u vin ye obọ ra emwi ayere vbe uharo ruẹ ne ọ gha ye ruẹ rre ne u miẹn ehe na gha ta ẹmwẹ uhi e Nọyaẹnmwa rhunmwuda ẹtin nọkhua ọre Nọyaẹnmwa ya rhie ruẹ hin otọ Igipt rre.

Ẹksọdọs 14:18

I gha khọnmiotọ nẹ, ivbi Igipt gha na rẹn wẹẹ mẹ ọrọre Nọyaẹnmwa.”

Ẹksọdọs 32:11

Sokpan e Mosis keghi rinmwian e Nọyaẹnmwa ne Osanobua ẹre, ọ wẹẹ, “Vbọzẹ yi e Nọyaẹnmwa ne u na gie ohu emwa ruẹn muẹn sẹrriọ, emwa ne uwẹ fannọ hin ọviẹn rre vbe Igipt vbe ekpa ẹtin kevbe iwẹgbe?

Ẹksọdọs 6:1

Ẹre Nọyaẹnmwa na tama e Mosis wẹẹ, “U gha miẹn emwi ne I gha ru ọba re ban. I gha ya obọ ne ọ tọn muẹn ne ọ miẹn ehe na gie iran gha khian. Vbe ẹmwata I gha ru ẹe ne ọ ya obọ ẹre khulo uwa ladian hin ẹvbo ẹre rre.”

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Ẹksọdọs 9:16

Sokpan I ke sẹ uwa rae ye agbọn ne I miẹn ehe na rhie ẹtin mwẹ ma ruẹn, kevbe ne otiti mwẹ miẹn ehe na titi gba otọ agbọn hia.

Aizaia 55:13

Avbe uvbiakhẹ gha wan vbe ehe ne ogigban te ye na. Ewae gha wan rhie ihe igban. Ena ghi gha re ama ni gha rrọọ ẹdẹdẹmwẹdẹ iyagbaye ọghe iwinna ne imẹ ne Nọyaẹnmwa winnaẹn.”

Aizaia 64:4

A ma he miẹn egbe ọ re a ma he vbe họn ẹmwẹ Osanobua ne ọ yevbe ruẹ ne ọ winna egbe iwinna vberriọ ne iran ni ye egbe kọe.

Jerimaia 14:20

Ma ru orukhọ ghe ruẹ nẹ, Nọyaẹnmwa ma miẹn orukhọ mwa kue, kevbe orukhọ avbe erha mwa odede.

Jerimaia 32:10

Mẹ keghi rhie obọ ye nene ebe, a na ghi sikan ẹẹn gbua, emwa keghi sẹ osẹ yọ, I keghi ya omwa mwa nene igho.

Eve Orriara 3:42

“Ma ru orukhọ nẹ, a keghi vbe sọtẹ wẹ ne Nọyaẹnmwa ma vbe yabọ mwa.

Ezikiẹl 5:6

Sokpan, e Jerusalẹm keghi sọtẹ ghe uhi mwẹ, ọ keghi rhie ma wẹ rẹn ọ re ọ ru ọmwa dan sẹẹ avbe ẹvbo nekpa, rẹn ọ re ọ vbe zẹ utun vbe ehọ sẹẹ avbe ẹvbo nekpa ni lẹga ẹre. E Jerusalẹm he iyi mwẹ yotọ, ọ keghi vbe he ne ọ mu uhi mwẹ sẹ.

Daniẹl 9:5

Ma ru orukhọ, emwa dan ma wa vbe gha khin, ma ba emwi kuu ru. Ma rhie obọ gberra emwi ne uwẹ ne ima ru, ma keghi vbe fi iyeke gbe emwi ne uwẹ khare ighe ọ gbae.

Iyẹn ne ọ Maan Ọghe Luk 15:21

Ovbi ẹre keghi tama rẹn wẹẹ, ‘Evbavba, I rukhọ ghe Osanobua kevbe uwẹ nẹ, I ma kei ne a gha ye gha tie ẹre ovbi uẹ ọvbehe.’

Iyẹn ne ọ Maan Ọghe Luk 18:13

Ne ọ koko igho uhunmwu na ya mudia vbe urria, ohan ma gi ẹe tọn aro mu ghe odukhunmwu, sokpan ọ keghi gba obọ ginna ẹwẹe, ọ wẹẹ, ‘Osanobua tohan mwẹ, mẹ ne ọmwa orukhọ.’ ”

II Kọrinti 1:10

Rẹn keghi miẹn mwa fan, ma wa mu ẹtin yan rẹn ighẹ ọ gha ye vbe dọlegbe miẹn mwa fan.

Diuteronomi 5:15

Yerre we eviẹn wa te vbe gha khin vbe otọ Igipt, kevbe wẹ mẹ ne Nọyaẹnmwa Osanobua ruẹ ọ re ọ ye ẹtin kevbe iwegbe mwẹ nọkhua fan uwa vbe irri. Ọnii ọ zẹe ne I na wẹ ne uwa gha zẹ nene ẹdẹ kọ ya hẹwẹ.