Daniẹl 9:14 - Edo Bible (E Baibol Ẹdo) Version 1996

¹⁴ Wẹ ne Nọyaẹnmwa Osanobua mwa wa mu egbe ne u ya rri ima oya, u keghi ru ẹe vberriọ rhunmwuda, emwi ne ọ gbae ọ re uwẹ ru vbe ẹghẹ hia kevbe wẹ, ma ma danmwehọ ruẹ.

Daniẹl 9:14 ပူးပေါင်းရင်းမြစ်များ

II Krọnikol 12:6

Ọba kevbe avbe ekaolotu ni keghi miẹnkue wẹ iran ru orukhọ, iran keghi kha wẹẹ, “Emwi ne Nọyaẹnmwa ru na, ọ ru ẹe ẹse.”

Ẹzra 9:15

E Nọyaẹnmwa Osanobua Izrẹl, ọmwa ẹmwata ọ re uwẹ khin, u kevbe gie ima miẹn uhunmwu. Ma miẹn orukhọ mwa kue ma ruẹn, ma ma ghi vbe kei ne ọ gha rrie ehe ne uwẹ ye.”

Nehimaia 9:33

Emwiesi ọ re u ru, ne u na rri ima oya wẹ wa gha mwẹ ekhọe esi, egbe ne ima ya ru orukhọ.

Psalm 111:7

Ọmwata kevbe ne ọ ta uhunmwu ẹmwẹ rẹn khin vbe emwi ne ọ ru hia; ẹmwẹ ne ọ ta hia gia mu ẹtin yan;

Psalm 116:5

E Nọyaẹnmwa mwẹ itohan, ọ vbe maa, ọmwa ne ọ vuọn ne ẹnina, ọ re Osanobua mwa khin.

Psalm 119:137

Ọmwata ọ re uwẹ khin, Nọyaẹnmwa, ẹmwata ọ re uhi ruẹ hia vbe khin.

Psalm 51:14

Fi mwẹ yi Nọyaẹnmwa, ne u miẹn mwẹ fan, mẹ gha ya oghọghọ na iyẹn ẹmwata ruẹ.

Ẹksọdọs 9:27

Ọba keghi gie ne a tie Mosis kevbe Errọn, ọ. wẹẹ, “Banbanna nian, I ru orukhọ nẹ, e Nọyaẹnmwa rri ase, mẹ vbe emwa mwẹ rri abe.

Jerimaia 12:1

Nọyaẹnmwa, I gha wẹ ne ima gba gui ẹzọ mwẹ, wẹ ọ re ọ khian rri ase. Sokpan, I gha ye nọ ruẹn ọta ne ọ dekan ohiẹn ẹmwata. Vbọzẹ ne agbọn na maa emwa dan sẹrriọ yi?

Jerimaia 31:28

Zẹ vbene I wa mu aro yọ ne I vbọlọ kua, ne I siẹn gbotọ, ne I sua guọghua, ne I fuẹn ọnrẹn uan kevbe ne I rẹnkhẹn iran, erriọ ọ re I gha wa vbe mu aro yọ ne I kọ iran kevbe ne I bọlọ iran.

Jerimaia 4:17

iran ghi vbe lẹga e Jerusalẹm zẹvbe emwa ni khẹ ugbo; rhunmwuda, iran sọtẹ ghe Nọyaẹnmwa nẹ. E Nọyaẹnmwa tae nẹ.

Jerimaia 44:27

“I gha wa ru ẹe wẹ ne agbọn ghẹ dọlegbe ma uwa, we ne uwa hia fuan. Te uwa hia ra wulo. Ne okuo ma gbe, emianmwẹ ghi gbẹe, a te do miẹn wẹ okpa ma ghi kẹe vbe uwu uwa.

Eve Orriara 1:5

Obọ avbe eghian rẹn ke ukhunmwu iran mu ẹre izẹghede. E Nọyaẹnmwa ru ẹe ne ọ rrioya ye orukhọ ne ọ ru hia iran munọ avbe ivbi ẹre hia oghunmwu hẹ gha rrie.

Ezikiẹl 16:43

U mianmian obọ ne I ya mu ẹẹn vbe u ye kherhe nẹ, u ke do ye avbe emwi ne u gha ru mu mwẹ ohu. Ọnii ọ sii ẹe ne I na ru ẹe ne u rrioya ye ehia. Vbọzẹ ne u na vbe rhie ọghe ba uyinmwẹ ẹwia hia ne u yin?” E Nọyaẹnmwa ne Udazi guan nẹ.

Daniẹl 4:34

Ọba keghi kha wẹẹ, “Ugbẹn vbe ukpo ihinrọn nii ghi ghaa nẹ, I keghi tọn aro mu ghe iso, ẹrherhe mwẹ keghi gba vbe uhunmwu. I keghi rho Osanobua ne ọ Sẹehia, I keghi rhie ọghọ kevbe uyi ne irẹn nii ne ọ rrọ ẹdẹdẹmwẹdẹ. “ ‘Rẹn gha rriọba ẹdẹdẹmwẹdẹ otọe arriọba ẹre gha rrọ etẹbitẹghori.

Daniẹl 9:7

Nọyaẹnmwa, emwi ne ọ gbae ọ re uwẹ ru vbe ẹghẹ hia, sokpan, ẹghẹ hia ọ re ima ya fa egbe ima an. Erriọ ọ re ọ wa ye ne iran ni rre Judia kevbe Jerusalẹm, kevbe avbe ivbi Izrẹl hia ne uwẹ zagha lele avbe ẹvbo ni khian rrei kevbe ni sikẹ owa rhunmwuda, iran ma mudia ke uẹ ẹse.