Daniẹl 9:11 - Edo Bible (E Baibol Ẹdo) Version 1996

¹¹ Izrẹl hia rraa uhi ruẹ, iran ma vbe danmwehọ ẹmwẹ ne uwẹ tae. Ma rukhọ ghe ruẹ, wẹ keghi gie ihen ne a tie ye Uhi e Mosis ne ọguọmwadia ruẹ sẹ ima egbe.

Daniẹl 9:11 ပူးပေါင်းရင်းမြစ်များ

II Ọba 18:12

E Sameria keghi de guọghọ rhunmwuda ivbi Izrẹl ma họn ẹmwẹ e Nọyaẹnmwa ne Osanobua iran, sokpan, iran rra ile ne ọ gu iran ta, iran kevbe rra uhi hia ne ọ yi ne Mosis ne ọguọmwadia e Nọyaẹnmwa. Iran ma danmwehọ, iran ma vbe ya ẹe ru emwi.

II Ọba 22:16

Ne iran tama rẹn wẹ uhunmwu ne Nọyaẹnmwa gie ọ re ọna khin wẹẹ, “I gha rria e Jerusalẹm kevbe emwa hia ni rrọọ ikhi zẹ vbene a gbẹn ye ebe nii ne ọba tiere.

Aizaia 1:3

Avbe ẹmila rẹn emwa ni yan iran, avbe ekẹtẹkẹtẹ vbe rẹn ehe ne nọyan iran na rhie evbare ne iran. Sokpan, Izrẹl ne emwa mwẹ ma rẹn sẹ vberriọ. Iran ma zẹdẹ rẹn otọe ẹre hiehiere.”

Aizaia 43:28

avbe nikhaemwisẹ uwa ru owa mwẹ awua. Rhunmwuda ọnii, I keghi sii ọfuan ye Izrẹl egbe I keghi kue ne a yagha emwa wẹ.”

Jerimaia 16:11

Ẹghẹ nii u ghi tama iran wẹẹ, ‘E Nọyaẹnmwa khare wẹ, avbe erha uwa odede fi iyeke gbe mwẹ, iran ke ya gha ghoo, iran keghi ya gha gaa avbe ẹbọ ọvbehe. Iran hee mwẹ yotọ, iran ma rhie emwi ne ima iran re.

Jerimaia 2:29

De ẹzọ ne uwa mobọ gui yi? Vbọzẹ ne uwa na sẹmwẹ mwẹ yi?

Jerimaia 30:14

Avbe enida uwa hia he uwa yotọ, iran i ghi zẹdẹ zẹ ye uwa ẹre. Mẹ gu uwa gbinna zẹ vbe eghian mwẹ oya ne ọ wegbe ọ re a rrii uwa re rhunmwuda orukhọ uwa bun, uyinmwẹ dan uwa vbe kpọlọ.

Jerimaia 32:23

Sokpan, ugbẹn vbe iran ghi sẹ otọe na, vbe iran ghi yan ẹnrẹn nẹ, iran ma ya uhi ruẹ ru emwi ra ne iran gha yin zẹ vbene u ma iran ẹre. Iran ma ru avbe emwi ne u wẹ ne iran ru rhọkpa. Ọre u na gie ọkhọ na hia rruan iran.

Jerimaia 40:3

banbanna nian, ọ ru nẹ vbene ọ khare ighe rẹn gha ru. Avbe emwi na hia sunu rhunmwuda ighe emwa ruẹn ru orukhọ ghe Nọyaẹnmwa iran ma vbe họn ẹmwẹ ne ẹẹn.

Jerimaia 44:22

Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Jerimaia 44:23

Ọkhọ rruan uwa nian rhunmwuda ne uwa na gha zọ ese ghe avbe ẹbọ ọvbehe, wa na vbe ru orukhọ ghe Nọyaẹnmwa vbekpa ne uwa ma na gha ru zẹ vbene ọ khare.”

Jerimaia 6:19

Otọ agbọn, danmwehọ! Zẹ vbe emwi ne I ra ya rria iran ikhi ye uma ne iran si, I ra gie ọkhọ rruan iran na, rhunmwuda, iran he iruemwi mwẹ yotọ, iran ma vbe ya ẹmwẹ mwẹ ru emwi.

Daniẹl 9:13

U na rrii ima oya hia ne u gbẹnnẹ ye uhi e Mosis. Uhin ye do sẹ wanwanna nian Nọyaẹnmwa, Osanobua mwa, ma ma he ye hia ne a ru emwi ne ọ yẹ ruẹ.

Daniẹl 9:5

Ma ru orukhọ, emwa dan ma wa vbe gha khin, ma ba emwi kuu ru. Ma rhie obọ gberra emwi ne uwẹ ne ima ru, ma keghi vbe fi iyeke gbe emwi ne uwẹ khare ighe ọ gbae.

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Zẹkaraia 7:12

iran keghi ye ekhọe iran wegbe zẹ vbe okuta nọkhua. Rhunmwuda ne iran ma na zẹye emwi ne I la obọ avbe akhasẹ ni rrọ vbe ẹghẹ ne ọ kpẹre ma iran re, ohu keghi mu mwẹ ẹsẹse.

Zẹkaraia 8:13

Ivbi e Juda kevbe Izrẹl; vbe ẹghẹ ne ọ gberra te avbe orhunmwuyẹn te ya ẹe tie ihẹn ne egbe wẹẹ, ‘Emwi ne ọ rruan e Juda kevbe Izrẹl ọ re ọ gha rruan ruẹn.’ Sokpan, mẹ gha miẹn uwa fan, avbe orhunmwuyẹn nii ghi vbe gha kha ma egbe wẹẹ, ‘Ọma ne ọ mian e Juda kevbe Izrẹl ọ re ọ gha rruan ruẹn.’ Rhunmwuda ọnii, wa gie orhiọn la uwa iwu, wa ghẹ fian afianma.”

Diuteronomi 8:20

Deghẹ wa ma họn ẹmwẹ ne Nọyaẹnmwa, te a ra vbe fuẹn uwa a, zẹ vbe avbe okpẹvbo ni ne a ra fuan zẹ vbene uwa ya nana ghe odaro na.