Daniẹl 9:10 - Edo Bible (E Baibol Ẹdo) Version 1996

¹⁰ Ma ma danmwehọ ruẹ, Nọyaẹnmwa Osanobua mwa vbe u tama mwa wẹ ne ima gha ye avbe uhi ne u rhie ne ima la obọ avbe eguọmwadia ruẹ kevbe avbe akhasẹ, rre, ru emwi.

Daniẹl 9:10 ပူးပေါင်းရင်းမြစ်များ

II Ọba 18:12

E Sameria keghi de guọghọ rhunmwuda ivbi Izrẹl ma họn ẹmwẹ e Nọyaẹnmwa ne Osanobua iran, sokpan, iran rra ile ne ọ gu iran ta, iran kevbe rra uhi hia ne ọ yi ne Mosis ne ọguọmwadia e Nọyaẹnmwa. Iran ma danmwehọ, iran ma vbe ya ẹe ru emwi.

Jerimaia 16:11

Ẹghẹ nii u ghi tama iran wẹẹ, ‘E Nọyaẹnmwa khare wẹ, avbe erha uwa odede fi iyeke gbe mwẹ, iran ke ya gha ghoo, iran keghi ya gha gaa avbe ẹbọ ọvbehe. Iran hee mwẹ yotọ, iran ma rhie emwi ne ima iran re.

Jerimaia 32:23

Sokpan, ugbẹn vbe iran ghi sẹ otọe na, vbe iran ghi yan ẹnrẹn nẹ, iran ma ya uhi ruẹ ru emwi ra ne iran gha yin zẹ vbene u ma iran ẹre. Iran ma ru avbe emwi ne u wẹ ne iran ru rhọkpa. Ọre u na gie ọkhọ na hia rruan iran.

Daniẹl 9:6

Ma ma zẹ ye avbe eguọmwadia ruẹ re, kevbe avbe akhasẹ ruẹ, ni ya eni ruẹn gu avbe ọba mwa, kevbe iran ni khaemwisẹ yan ima guan, kevbe erha mwa odede, kevbe ẹvbo mwa hia fẹẹrẹ.

Hibru 1:1

Vbe ẹghẹ ne ọ gberra, odẹ ughughan kevbe ẹghẹ ni bun ọre Osanobua ya gha gu avbe erha mwa odede guan, vbe ne ọ na gie avbe akhasẹ gie iran.