Daniẹl 8:9 - Edo Bible (E Baibol Ẹdo) Version 1996

⁹ Igho ọkpa kherhe keghi vbe zọ ladian vbe uwu ọkpa vbe uwu igho enẹ na, ẹtin ẹnrẹn keghi nien obọ sẹ odẹ ekẹn kevbe ahọ kevbe ghe Otọe Eyan nii.

Daniẹl 8:9 ပူးပေါင်းရင်းမြစ်များ

Psalm 105:24

E Nọyaẹnmwa keghi viọ emọ nibun ne emwa rẹn, ọ keghi gie iran wegbe vbe egbe sẹ eghian iran.

Psalm 48:2

E Zaiọn ne oke Osanobua oke ne ọ yo kevbe ne ọ mose nọ ẹvbo ọba nọkhua, ne ọ sẹ otọ agbọn hia ọyẹnmwẹ.

Jerimaia 3:19

E Nọyaẹnmwa khare wẹẹ, “Izrẹl, te I te wẹ ne I rhan obọ miẹn ruẹn ya ye ọmọ, ne I mu otọ ne ọ mose ne uẹn, otọe ne ọ mose sẹẹ vbe otọ agbọn hia. Te I te ho ne u tie mwẹ erha, ne u ghẹghi dọlegbe fi iyeke gbe mwẹ ẹdẹdẹmwẹdẹ.

Ezikiẹl 20:15

“Rhunmwuda ọnii, mẹ keghi yan vbe ato wẹ, mẹ i ghi viọ iran gha rrie otọe ne I mu ne iran, otọe ne ẹfe ye ke ne ọ maa emwiokọ, otọe ne ọ maa sẹ vbe uwu ehia.

Ezikiẹl 20:6

Ẹghẹ nii ọ re I na tama iran ighẹ I gha viọ iran hin Igipt rre, I ghi viọ iran gha rrie otọe ne I mu khẹ iran, otọe ne ẹfe ye ne ọ maa emwiokọ ẹsẹse, otọe ne ọ maa sẹ vbe uwu ehia.

Daniẹl 11:16

Ivbi e Siria ni mu okuo rre gha ru iran zẹ vbene ọ khọn iran, vbe ne a i na wẹ ẹre vbe ọ ya de. Ọ gha mudia vbe Otọe Eyan nii ehia ghi wa gha rre ọre atataobọ.

Daniẹl 11:21

Odibosa nii keghi ye gha rhan otọ ẹre khian, ọ wẹẹ, “Ọba ọvbehe ne ọ ghẹ ghi re lele ẹe vbe Siria gha re ọmwa dan ne ọba ma khẹ ke hiehiere, sokpan, ọ gha rre vbe udomwurri, ọ gha ye ero vbe iwegbe tota ye ẹkete.

Daniẹl 7:8

Ehe ne I na ghe avbe igho ẹre nii, I keghi miẹn igho ọkpa tunnẹ, ọ kegha zọ ladian vbe adesẹneva iran nekpa, ọ keghi kpannọ eha kua vbe avbe igho ni ka gha rre evba. Igho na kegha mwẹ aro ọmwa nagbọn kevbe unu ne ọ wa yan dunmwu ẹgun.

Zẹkaraia 7:14

I keghi kpolo iran gha rrie zẹ vbe ẹhoho ne iran ya gha rre ẹvbo ẹrrẹe. A keghi sẹ otọe esiesi na rae vbe ihoi vbe ne ọmwarhọkpa i na rrọ.”