Daniẹl 8:5 - Edo Bible (E Baibol Ẹdo) Version 1996

⁵ Ehe ne I na roro ẹe nii wẹ vbe a ya ọna kha, ẹwe ọkpa keghi mu ulẹ ke odẹ orrie rre, okhian kẹ ọre sẹrriọ wẹ owẹ ọ re i rhanmwẹ otọ. Igho ọkpa gbagbaagba keghi zọ ye ẹkpo aro ẹre.

Daniẹl 8:5 ပူးပေါင်းရင်းမြစ်များ

Daniẹl 11:3

Ẹghẹ nii ọba ne asukpekhae gha la ẹkete, ọ ghi gha khaemwisẹ yan arriọba ne ọ kpọlọ ẹsẹse, ọ ghi vbe gha da gbe da mu.

Daniẹl 2:32

Igoru ne ọ ghi mose sẹ ọ re a ya maa uhunmwu ẹnrẹn, a keghi ya esiliva maa ẹwẹe, kevbe avbe obọ ẹre, ẹkun kevbe ikebe ẹre, a keghi ya oze maa enii,

Daniẹl 2:39

Wẹ gha ghi vbe ru ọwuẹ gberra nẹ, arriọba ọvbehe gha vbe guakpao sokpan ẹ i ra kpọlọ vba ọwuẹ, vbe iyekọni, arriọba ogieha ne ọ gha vbe gha re ọghe oze, ọ gha vbe khaemwisẹ yan otọe agbọn hia.

Daniẹl 7:6

Vbene I wa ye ghe ẹre nii, aranmwẹ ọvbehe keghi vbe ladian ọ yevbe ubidọn, sokpan ifuẹn enẹ ni yevbe ọghe ahianmwẹ kegha rre ọre ẹkpiyeke, ọ keghi vbe mwẹ uhunmwu enẹ. Aro ẹre vbe uhunmwu keghi yevbe ọghe ọmwa ne ọ mobọ mwẹ asẹ ẹsẹse.

Daniẹl 8:21

Ẹwe ne ọ rrọ mudia ye ihe arriọba e Gris, igho ne bọzi ne ọ rre ẹkpo aro ẹre eveva keghi mudia ye ihe ọba ne okaro vbọ.

Daniẹl 8:6

Ọ keghi bu ogho ne I bẹghe vbe ọ mudia ye ọkpẹn ẹzẹ ni gha dee. Ọna wa ya ẹtin ẹnrẹn hia vin bu ẹre.

Daniẹl 8:8

Ẹwe nii keghi vbe do kakabọ gha hio yọ, sokpan ọ ghi wa sẹ ẹghẹ ne ẹtin ẹnrẹn na kpọlọ sẹẹ, a keghi kpan ẹre igho fua. I gho enẹ ọvbehe keghi zọ ladian ye ihe ẹre, ọkpọkpa keghi nien ukpẹ da ehe ọvbehe.