Daniẹl 8:4 - Edo Bible (E Baibol Ẹdo) Version 1996

⁴ I keghi bẹghe vbe ogho nii ya igho so emwi rrie odẹ ahọ, odẹ okuọ kevbe orrie. A ma miẹn aranmwẹ ọkpa ne ọ sẹtin rrọ ẹre ra ne ọ lẹ fe vbe obọ ẹtin ẹnrẹn. Vbene ọ khọnrẹn ọ re ọ wa gha ru, ọ na wa gha hio paipai.

Daniẹl 8:4 ပူးပေါင်းရင်းမြစ်များ

I Ọba 22:11

Ọkpa vbe uwu avbe akhasẹ nii, e Zedekaia ne ovbi e Kienaana keghi dunmwu igho ematọn, ọ tama Ehab wẹẹ, “Vbenian ọre Nọyaẹnmwa khare, ‘Ọ na ọre u ra ya khọn ivbi e Siria a te do wabọ iran an fẹẹrẹ.’ ”

Job 10:7

U rẹnrẹn wẹ I ma rria abe. Ọmwa ne ọ gha sẹtin wọlọ mwẹ hin obọ ruẹ rre, ẹ i rrọọ.

Psalm 44:5

Ẹtin ruẹn ọ re ima ya khọn eghian mwa muotọ.

Psalm 50:22

“Wa danmwehọ ẹmwẹ na wa ni ma zẹ ye ogho mwẹ ne I ghẹ fuẹn uwa a a i vbe miẹn ọmwa ne ọ gha miẹn uwa fan.

Psalm 7:2

Ne iran ghẹ ya mu mwẹ gha rriẹ, zẹ vbe oduma, vbe ne ọmiọnmwafan i na rrọọ. Iran ghi yanghan mwẹ ye otọ, ukhiọnmwẹ ukhiọnmwẹ.

Ezikiẹl 34:21

Wa sua iran ni khuọnmwi vbọ ghe okhiẹ, wa na ya igho so iran hin uwu oghẹn rre.

Daniẹl 11:16

Ivbi e Siria ni mu okuo rre gha ru iran zẹ vbene ọ khọn iran, vbe ne a i na wẹ ẹre vbe ọ ya de. Ọ gha mudia vbe Otọe Eyan nii ehia ghi wa gha rre ọre atataobọ.

Daniẹl 11:36

Ọba e Siria ghi gha da gbe da mu, ọ ghi gha rhuọ we rẹn kpọlọ sẹẹ avbe ẹbọ, kevbe wẹ rẹn sẹ Osanobua ne ọ kpọlọ Sẹehia. Ọ gha sẹtin gha ru avbe emwi na ọ te do sẹ ẹghẹ ne Osanobua gha ya rria ẹre ikhi. Osanobua gha ru zẹ vbene ọ mwamwaẹn zẹẹ.

Daniẹl 5:19

Ọ kpọlọ sẹ vberriọ wẹ emwa ẹvbo hia, emwa ughughan hia kevbe ẹvbo ne a zẹ hia, kegha muohan rẹn, iran kegha guọ ne ẹẹn. Ọ gha wẹ rẹn gha gbe ọmwa, ọ ghi gbe ẹe, ọ gha wẹ rẹn gha fan ọmwa, ọ ghi fan ẹẹn. Rẹn ọ re ọ mu ọghọ ye ọmwa egbe, rẹn ọ re ọ vbe fa ọmwa an vbene ọ khọn rẹn.

Daniẹl 5:30

Vbe asọn ọkpa nii, iran keghi gbe ẹe rua ighe Bẹlsiaza ne ọba e Babilọn.

Daniẹl 7:5

Aranmwẹ ne ogieva keghi yevbe akpakomiza ne ọ ye owẹ odieke ẹre mudia, ọ keghi ye akọn khuaa ifẹnmwaguẹ eha mwẹ vbe unu. Urhu ọkpa keghi tama rẹn wẹẹ, “De yan rẹn, rri emiowo vbene ẹtin ruẹn sẹ ọe sẹ.”

Daniẹl 8:7

I kegha ghe ẹre vbe ọ dekun ogho nii. Ohu mu ẹẹn sẹrriọ wẹ ọ na hẹrhu ẹe, ọ na kpannọ ẹre igho eveva. Orhiọn ma gha rre ogho ni re ne ọ gha ya khẹ ọre. A keghi mu ẹẹn gbotọ, ọ na ye owẹ rrilo ẹe mu otọ, a ma vbe miẹn ọmwa rhọkpa ne ọ sẹtin miẹn rẹn fan.

Maika 5:8

A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Diuteronomi 33:17

Ẹtin ekhuia ẹmila ọ re Josẹf ghaa mwẹ, ke igho ọghe ede. Avbe igho ẹre kegha re inu arriaisẹn ne ọ khin ọghe Manasẹ kevbe arriaisẹn igbe ọghe Ifreim, igho ni ọ re ọ ya solo avbe uhunmwu ẹvbo, ọ ghi sua iran gha rrie odẹ ufomwẹ agbọn.”