Daniẹl 8:22 - Edo Bible (E Baibol Ẹdo) Version 1996

²² Igho enẹ ne ọ ghi zọ vbe a kpan igho nokaro fuan nẹ, mudia ye ihe avbe arriọba enẹ ne otọe arriọba ni ra ghae egbe yi, ne ẹ i ghi ra wegbe vba arriọba ne okaro.

Daniẹl 8:22 ပူးပေါင်းရင်းမြစ်များ

Daniẹl 11:4

Sokpan vbe ẹghẹ ne ẹtin ẹnrẹn gha na wa kpọlọ sẹẹ, arriọba ẹre gha zagha a, a ghi vbe gha ẹre ye ihe enẹ. Avbe ọba ne ẹ i re ivbi ẹre, gha rriọba vbe ihe ẹre, sokpan, iran i ra mwẹ ẹtin zẹ vbene irẹn gha mwẹ.

Daniẹl 7:6

Vbene I wa ye ghe ẹre nii, aranmwẹ ọvbehe keghi vbe ladian ọ yevbe ubidọn, sokpan ifuẹn enẹ ni yevbe ọghe ahianmwẹ kegha rre ọre ẹkpiyeke, ọ keghi vbe mwẹ uhunmwu enẹ. Aro ẹre vbe uhunmwu keghi yevbe ọghe ọmwa ne ọ mobọ mwẹ asẹ ẹsẹse.

Daniẹl 7:7

Ehe ne I na ye ghe ẹre nii aranmwẹ ne ogienẹ keghi ladian ọ wa mwẹ ẹtin ne ọ mu ọmwa ohan, ọ gbe orrirri. Akọn ematọn ẹnrẹn ne lẹulẹu, ọ re ọ ya piẹn emwi ne ọ miẹn gbe, ọ ghi ya owẹ mama iran ginna otọ. Ọ keghi mwẹ igho igbe ne ọ ya lughaẹn ne avbe aranmwẹ nekpa.

Daniẹl 8:21

Ẹwe ne ọ rrọ mudia ye ihe arriọba e Gris, igho ne bọzi ne ọ rre ẹkpo aro ẹre eveva keghi mudia ye ihe ọba ne okaro vbọ.

Daniẹl 8:23

“Ọ ghẹ ghi gha bu ẹghẹ ufomwẹ avbe arriọba na, ighe te emwi dan ne a ru ghi gua iran obọ ro sẹ vberriọ wẹ ẹ i ghi mwẹ a ma rri iran oya, ọba ne ọ zevbudu ne ekhọe dan kevbe ọrẹrẹ ọmwa ghi do rriọba.

Daniẹl 8:3

I ghi ghe ya ghe ogho ọkpa ne ọ mwẹ igho eva hiain hiain vbe ọkpẹn ẹzẹ nii, ọkpa keghi tan sẹẹ, ọ vbe ru ọghọgbọn sẹ nọkpa.

Daniẹl 8:8

Ẹwe nii keghi vbe do kakabọ gha hio yọ, sokpan ọ ghi wa sẹ ẹghẹ ne ẹtin ẹnrẹn na kpọlọ sẹẹ, a keghi kpan ẹre igho fua. I gho enẹ ọvbehe keghi zọ ladian ye ihe ẹre, ọkpọkpa keghi nien ukpẹ da ehe ọvbehe.

Zẹkaraia 6:1

I keghi vbe miẹn umian ọvbehe. Vbe ọnọna, I keghi ya bẹghe ikẹkẹ okuo enẹ iran la ẹkpo oke oze eva dee.