Daniẹl 8:2 - Edo Bible (E Baibol Ẹdo) Version 1996

² Vbe umian nii, I ghi wa ghe vbe udomwurri, I wa rre ẹvbo ne a gbe ekẹn gaa ọghe Susa vbe iyaẹvbo Ẹlam. Ọkpẹn Ẹzẹ Ulai ọ re I mudia yi.

Daniẹl 8:2 ပူးပေါင်းရင်းမြစ်များ

Gẹnẹsis 10:22

Ivbi e Siẹm ighẹ Ẹlam, Asiọ, Apaksiad, e Lud kevbe Aram, ọre ọ vbe gha re erha odede avbe emwa na a he ẹre eni ginna iran vberriọ.

Gẹnẹsis 14:1

Avbe ọba enẹ, Amrafẹl ne ọba ọghe Babilonia, Ariọk ne ọba Elasa, Kiedolaoma ọba ọghe Ẹlam kevbe Tidal ne ọba ọghe Goim.

Nehimaia 1:1

Iyẹn ọghe emwi ne Nehimaia ne ovbi e Hakalaia sẹtin ru ọ re ena khin. Vbe uki e Kislev, vbe ọ rre ukpo ugie ne Atakzaziz kegha re ọgbaisi e Pẹsia, me ne Nehimaia kegha rre Susa ne igiogbẹ otọe nii.

Ẹsta 2:8

Ẹghẹ ne ọba na gie uhunmwu nii, a keghi gha viọ ibiẹka ikhuo nibun rrie Susa, Ẹsta kegha re ọkpa vbe uwu iran. A keghi vbe rhie irẹn ye ẹguae ne Hegai ne ọ gbearoghe ẹrriẹ vbe gha gbearoghe ẹre.

Ẹsta 3:15

Zẹ vbene ọba khare, ọ keghi ya ẹmwẹ na wewe vbe Susa ne igiogbẹ ẹvbo ni, iran ni rhulẹ keghi rhie iyẹn ni gha rrie dọmwadẹ iyaẹvbo. Ọba kevbe Haman keghi tota, iran na gha da ayọn, vbene adesẹ ore ẹvbo ni na khian ne a fian otighi fi.

Ẹsta 7:6

Ẹsta keghi wanniẹn wẹẹ, “Oghian ima ne ọ zẹ ima kpokpo ọrọre ọmwa dan na ighẹ Haman.” E Haman keghi ye ohan nọkhua bolo aro a gha ghe ọha kevbe Oloi.

Ẹsta 8:15

Emwi ne Modekai hẹ ye egbe ladian vbe ẹguae kegha re ẹwu ọba ne a ya eto ovbiohuẹ ododo se, ọ kevbe mu ẹde igoru ne mose mose rhuẹ. Ọre Susa hia na gha we ne ẹẹn bọọ.

Ẹsta 9:11

Vbe ẹdẹ ne ẹdẹrriọ zẹẹ, iran keghi ya na iyẹn uwu emwa ne a gbele vbe Susa ma ọba.

Ẹsta 9:15

Vbe ikpẹdẹ ne ogiwenẹ ọghe Ada avbe Ju ni rre Susa kevbe dọlegbe si egbe koko, iran na dọlegbe gbele arhin iyisẹn eha (300) ọvbehe ba ẹre vbe ore ẹvbo nii. Sokpan, iran ma vbe fu emwi viọ.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 21:2

I miẹn umian ọghe emwi dan ni sunu, umian ọghe a ya ọmwa ne a vbokho kevbe ọfuan. “Ivbiyokuo Ẹlam, wa dekun iran! Ivbiyokuo e Medis, wa gha ga avbe okpẹvbo nii. Osanobua gha dobọ oya ne Babilọn he si ye emwa egbe yi.”

Ezikiẹl 1:1

Vbe Ikpẹdẹ ne ogisẹn ọghe uki ne ogienẹ vbe ukpo ne ogiwera, mẹ ne Ezikiẹl, ne ohẹn, ne ovbi e Buz, keghi gu ivbi e Ju ni rre iwe rre ọkpẹn Ẹzẹ e Kiẹba vbe Babilọn. Iso keghi kie yotọ, I na miẹn umian ọghe Osanobua.

Ezikiẹl 32:24

“Ẹlam rre evba, ke ẹe kevbe idin avbe ivbiyokuo ẹre ni lẹga ẹre. Okuo ọ re a na gbele ehia, iran keghi ya ukpikolo gha rre ẹvbo avbe emwa ni wulo nẹ. Ẹghẹ ne iran na rre agbọn, iran kegha ya ohan mu emwa hia, sokpan, banbanna nian, iran wulo ye otọ, iran khian emwa ne a fara a.

Daniẹl 10:4

Vbe ikpẹdẹ eneyan ugie vbe uki ne okaro vbe ukpo, I keghi mudia ye ọkpen e Taigris ne Okpẹzẹ.

Daniẹl 7:15

Ohan umian ne I miẹn keghi wa mu mwẹ, ọ keghi vbe mu mwẹ orhiọn rueghe ẹsẹse.

Daniẹl 7:2

Emwi ne I miẹn vbe asọn nii ọna khin. Ẹhoho keghi hoho ke igienenẹ rre, ọ na ghi mu aro okun rueghe.

Daniẹl 8:1

Ọ ghi rre ukpo eha ne Bẹlsiaza rriọba, I keghi vbe miẹn umian ne ogieva.

Daniẹl 8:3

I ghi ghe ya ghe ogho ọkpa ne ọ mwẹ igho eva hiain hiain vbe ọkpẹn ẹzẹ nii, ọkpa keghi tan sẹẹ, ọ vbe ru ọghọgbọn sẹ nọkpa.

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.

Hibru 1:1

Vbe ẹghẹ ne ọ gberra, odẹ ughughan kevbe ẹghẹ ni bun ọre Osanobua ya gha gu avbe erha mwa odede guan, vbe ne ọ na gie avbe akhasẹ gie iran.

Arhie Maan 9:17

Vbe uwu umian na, I keghi bẹghe nene avbe ẹsin kevbe iran ni hin ẹnrẹn. Iran kegha mwẹ uhanhan ẹwẹe ne ọ baa, vbe erhẹn, ọ ye raghoragho vbe safaia, ọ keghi vbe gha baa rriẹrriẹ vbe ugbofi. Uhunmwu avbe nene ẹsin kegha ye vbe ọghe oduma.