Daniẹl 8:19 - Edo Bible (E Baibol Ẹdo) Version 1996

¹⁹ Ọ wẹẹ, “Te I rhie ma ruẹn na emwi ne ọ ra lae rre ighe ohu ne ọ mu Osanobua. Umian ẹghẹ ufomwẹ agbọn ọ re ọ de mu.

Daniẹl 8:19 ပူးပေါင်းရင်းမြစ်များ

Psalm 102:13

Wẹ gha kpaegbe, u ghi tohan Zaiọn, ẹghẹ sẹ nẹ ne a gha na tohan rẹn; ẹghẹ ne ọ ke yi ọre ọna khin.

Daniẹl 11:27

Vbe iyeke ọnii, avbe ọba eveva na gha gba tota rrie evbare vbe eteburu ọkpa sokpan, emwamwa dan ọre ọ rre iran ekhọe, iran ghi gha ta ohoghe ma egbe. Obọ iran i ra sẹ emwi ne iran ho, rhunmwuda, ẹghẹ emwi nii ma he sẹ.

Daniẹl 12:4

Ọ keghi tama mwẹ wẹẹ, “Banbanna, e Daniẹl, gue ebe nii ne u gbae rhie hin rre ọ te ya sẹ ufomwẹ agbọn. Vbe uwu ẹghẹ na nian, emwa nibun gha wa mu ẹghẹ iran rhia, iran ghi gha hia ne iran rẹn otọ emwi ni sunu khian.”

Daniẹl 8:23

“Ọ ghẹ ghi gha bu ẹghẹ ufomwẹ avbe arriọba na, ighe te emwi dan ne a ru ghi gua iran obọ ro sẹ vberriọ wẹ ẹ i ghi mwẹ a ma rri iran oya, ọba ne ọ zevbudu ne ekhọe dan kevbe ọrẹrẹ ọmwa ghi do rriọba.

Habakọk 2:3

Gbẹnnẹ ọẹn ye otọ rhunmwuda, ọ ma he sẹ ẹghẹ ne ọ gha ya sunu. Sokpan ẹghẹ nii dee ẹgiẹgiẹ, emwi ne I mu ma ruẹn na, te ọ gha sunu. Ọ sẹtin yevbe ne okhian i kẹ ọre vbene ọ ya dee hẹ, sokpan, ziengbe diakhẹ ọre, ẹ i mwẹ ọ ma sunu, ẹ i ra vbe kpẹe.

Iyẹn ne ọ Maan Ọghe Luk 21:23

U miẹn vbe ọ gha ba so ikhuo ni hanmwa kevbe ni mwẹ emọ obọ hẹ ẹdẹ ne ẹdẹrriọ. Akhiẹ ne ọ muohan gha la otọ na, izohu Osanobua gha fi iran ne emwa rẹn emwi.

Arhie Maan 1:1

Emwi ne a gbẹn ye ebe na ọrọre avbe emwi ne Jesu Kristi viọ ne a miẹn. Osanobua ọre ọ viọ avbe emwi na nẹẹn ne ọ viọ ma avbe eguọmwadia Osanobua, avbe emwi ne ọ ra do sunu vbe ọ ma he kpẹe. Jesu keghi gie odibosa ne ọ ya viọ avbe emwi na ma e Jọn ne ọguọmwadia ẹre.

Arhie Maan 10:7

Sokpan, ẹkpo ne odibosa ne ogihinrọn gha na fian okpe ọghọe re, Osanobua gha mu emwamwa ẹkhokho ẹre sẹ, zẹẹ vbene ọ tama avbe akhasẹ ne eguọmwadia ẹre.”

Arhie Maan 11:18

Okuosu keghi yi iran ne ni ma yayi, rhunmwuda ọsẹ ẹghẹ ne ohu ruẹ gha ya rre, ne a do bu ohiẹn iran ni wulo nẹ. Ẹghẹ sẹe ne a gha ya san, avbe akhasẹ ne eguọmwadia ruẹ ẹse, ke avbe emwa ruẹn, ni mu ohan ruẹn, ni kpọlọ kevbe ni kanmwa. Ẹghẹ sẹe ne a ya fuẹn iran an ighẹ iran ni fuẹn agbọn uan.”

Arhie Maan 15:1

Iyeke ọnii, I keghi do bẹghe ama ọvbehe nọkhua kevbe ne ọ mu ọmwa ohan vbe ẹrinmwi, avbe odibosa ihinrọn ne egboghogbogho ihinrọn guẹ, ena ọrọre egboghogbogho ne okiekie, rhunmwuda iran ọrọre enokiekie vbe avbe odẹ ne Osanobua ya rhie izohu ẹre maa.

Arhie Maan 17:17

Rhunmwuda Osanobua rhie ye iran ekhọe, ne iran gha ho ne iran ru vbene irẹn ho, ne iran gha ru emwi kugbe, ne iran vbe viọ ẹtin iran, ne aranmwẹ oha nii ya gha khaemwisẹ, rhinrin ẹmwẹ Osanobua te do sẹ.