Daniẹl 8:18 - Edo Bible (E Baibol Ẹdo) Version 1996

¹⁸ Ugbẹn vbe ọ ghi guan, I keghi de gbotọ vbe ne I ma na ghi rẹn emwi ne a ru vbe agbọn, sokpan, rẹn keghi mu mwẹ, ọ keghi mu mwẹ mudia.

Daniẹl 8:18 ပူးပေါင်းရင်းမြစ်များ

Gẹnẹsis 15:12

Ugbẹn vbe owẹn ghi ra defua, ovbe nọkhua keghi rhie Ebram, ohan nọkhua na gha muẹn.

Job 4:13

Ọ yevbe imina dan, ọ ma gunmwẹ ghi miẹn ovbe.

Ezikiẹl 2:2

Ugbẹn vbe urhu nii ghi gunmwẹ guan, orhiọn Osanobua keghi la uwu imẹ, ọ keghi mu mwẹ mudia, I keghi họn vbe urhu nii ye gha guan khian wẹẹ,

Daniẹl 10:16

Ẹre odibosa ne ọ yevbe ọmwa, na nien obọ ẹre, ọ keghi ya kan mwẹ akhuarhamwunu, mẹ keghi tama rẹn wẹẹ, “Umian na wa wọọ mwẹ egbe sẹrriọ wẹ I i ghi sẹtin dobọ uguọmwẹ yi.

Daniẹl 10:18

Ọ keghi vbe dọlegbe ya obọ kanmwẹ, orhiọn keghi la mwẹ iwu.

Daniẹl 8:17

E Gebriẹl keghi rre, ọ na mudia ke mwẹ. Ohan mu mwẹ sẹrriọ wẹ I na wa de gbotọ. Rẹn keghi tama mwẹ wẹẹ, “Ovbi ọmwa, rẹn emwi ne a yae kha. Umian na, ẹmwẹ ufomwẹ agbọn ọ re ọ de mu.”

Daniẹl 8:27

Egbe hia keghi guọghọ mwẹ yotọ, I na ya ikpẹdẹ ihinrọn khuọnmwi. Ẹre I na kpaegbe, I na gha rrie ehe ne iwinna ne ọba mu mẹ ye. Sokpan, umian nii sunsun yọmwẹ aro, I ma vbe rẹn emwi ne a yae kha.

Zẹkaraia 4:1

Odibosa nii ne ọ gha gunmwẹ guan usin keghi rre, ọ keghi huẹn mwẹ kpaegbe vbe ne a miẹn wẹ te I te vbiẹ.

Iyẹn ne ọ Maan Ọghe Luk 22:45

Ọ ghi kpaegbe vbe ehe ne ọ na na erhunmwu, ọ keghi bu avbe erhuanegbe ẹre, ọ ghi do vba iran vbiẹ, iro gba iran ẹko.

Iyẹn ne ọ Maan Ọghe Luk 9:32

Pita vbe ihuare keghi wa vbiẹ ua sokpan iran ghi ọrre, iran miẹn uyi Jesu kevbe ọghe ikpia eva ni mudia kẹe ni.

Iwinna 26:6

Wanwanna nian, emwi ne a ba mwẹ ifi ẹzọ ba ọrọre wẹ rhunmwuda mẹ rhie ekhọe ye emwi ne Osanobua ve avbe erha mwa odede re.

Arhie Maan 1:17

Ugbẹn vbe I ghi bẹghe ẹre, I keghi de gbe otọ vbe akharha ẹre, zẹ vbe orinmwi. Rẹn keghi rhie obọ erha ọmwa rẹn yan mwẹ, ọ wẹẹ, “Ghẹ gie ohan mu ẹn. Mẹ ọrọre okaro kevbe okiekie.