Daniẹl 8:15 - Edo Bible (E Baibol Ẹdo) Version 1996

¹⁵ Ehe ne I na hia ne I rẹn emwi ne a ya umian na kha, I ghi ghe ọmwa ọkpa wa mudia yọmwẹ odaro vbe udomwurri.

Daniẹl 8:15 ပူးပေါင်းရင်းမြစ်များ

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Daniẹl 10:16

Ẹre odibosa ne ọ yevbe ọmwa, na nien obọ ẹre, ọ keghi ya kan mwẹ akhuarhamwunu, mẹ keghi tama rẹn wẹẹ, “Umian na wa wọọ mwẹ egbe sẹrriọ wẹ I i ghi sẹtin dobọ uguọmwẹ yi.

Daniẹl 10:18

Ọ keghi vbe dọlegbe ya obọ kanmwẹ, orhiọn keghi la mwẹ iwu.

Daniẹl 10:5

I ghi tọn aro mu, I keghi ya bẹghe ọmwa ọkpa ne ọ yọ ukpọn eto ovbiohuẹ, ọ keghi mu ugbẹkun igoru ne mose gba.

Daniẹl 12:8

I họọn ẹmwẹ ne ọ tae sokpan I ma rẹn emwi ne a yae kha. Rhunmwuda ọnii, I keghi nọ rẹn wẹẹ, “Sokpan, vbe ena hia ra ya sẹ ufomwẹ hẹ, enọwanrẹn?”

Daniẹl 7:13

Vbe uwu u mian na vbe asọn nii, I keghi bẹghe emwi ọkpa ne ọ yevbe ọmwa. Ọ kegha bu mwẹ dee, okuku amẹ wa lẹga ẹre, ọ keghi bu ọmwa ne ọ wa rrọọ dee ẹdẹdẹmwẹdẹ nii, a na rhie ẹre ma rẹn.

Daniẹl 7:28

Ọna ọrọre ufomwẹ emwi ne I gbẹnnẹ yotọ. Ohan mu mwẹ sẹrriọ wẹ, I na wa luẹluẹ, I ma vbe tama ọmwarhọkpa.

Daniẹl 8:1

Ọ ghi rre ukpo eha ne Bẹlsiaza rriọba, I keghi vbe miẹn umian ne ogieva.

Daniẹl 8:19

Ọ wẹẹ, “Te I rhie ma ruẹn na emwi ne ọ ra lae rre ighe ohu ne ọ mu Osanobua. Umian ẹghẹ ufomwẹ agbọn ọ re ọ de mu.

Zẹkaraia 1:9

I keghi nọ rẹn wẹẹ, “Dọmọ o, de emwi ne a ya avbe ẹsin na kha yi?” Rẹn keghi wanniẹn wẹẹ, “I gha ta emwi ne a ya iran kha ma ruẹn.

Matiu 13:36

Jesu ghi kpao vbe evba rre, ọ keghi la uwu owa. Avbe erhuanegbe ẹre keghi bu ẹre gha dee, iran tama rẹn wẹẹ, “Rhan otọ itan ohunhun ni rre uwu ọka ma ima.”

Matiu 24:15

“Wa ghẹ ghi miẹn ighe Omurhia Ne ọ gbe orrirri ne Daniẹl ne akhasẹ ta ẹmwẹ ọnrẹn miẹn dia ye ehe ne ọ huanrẹn.” (Wẹ ne ọ tie ebe na, hia ne u rẹn evba yae kha.)

Matiu 24:30

Ẹkpo ni ọre ama urremwẹ Ovbi Ọmwa gha na rhiegbe ma, vbe aro iso. Ẹghẹ ni, unu ne a zẹ hia ni rre otọ agbọn na, ghi gbe eve ua vbe iran a bẹghe vbe Ovbi Ọmwa a ya egbe ladian vbe odukhunmwu okuku ne ọ rre aro iso, ke irẹn kevbe ẹtin kevbe Uyi nọkhua.

Iyẹn ne ọ Maan Ọghe Mak 13:14

“Wa ghi do miẹn ‘Omurhia Ne Ugborrirri’ vbe ọ gha miẹndia ye ehe ne ọ ma khẹ ke.” (Wẹ ne ọ tiebe na, hia ne u rẹn odun ẹmwẹ na.) “Ẹghẹ nii wa ni rre Judia, wa lẹ gha rrie uhunmwu oke.

Iyẹn ne ọ Maan Ọghe Mak 4:12

Na miẹn ehe na miẹn wẹẹ: “ ‘Vbe ne iran gha ghe sẹ, iran i bẹghe! Vbene iran gha danmwehọ sẹ, iran i rẹn otọ ẹre, ne iran ghẹ ya fi ekhọe werriẹ bu Osanobua, rẹn ghi vbe do ya bọ iran.’ ”

Jọsua 5:14

Okpia ni keghi wanniẹn wẹẹ, “Ẹ i mwẹ ne I khin vbọ. Te ima rre emwa na zẹ vbe ọkaokuo ivbiyokuo e Nọyaẹnmwa.” E Jọsua keghi ghughẹrre ya ọghọ ne ẹẹn, ọ keghi kha wẹẹ, “Te imẹ rre emwa ne u gha gie mwẹ uhunmwu enọwanrẹn, de emwi ne u ho ne I ru?”

Arhie Maan 1:13

Emwi ọkpa ne ọ ye vbe ọmwa keghi mudia ye adesẹneva iran, ọ keghi yọ agbada ẹwu ne ọ wa sẹ ọre otọ, ọ keghi vbe mwẹ egba igoru ne ọ wa lẹga re ẹwẹe.

Arhie Maan 13:18

Ogie ẹwaẹn ọna gualọ, ọmwa ne ọ wa mwẹ irẹnmwi ẹsẹse gha sẹtin rria emwi ne a ya olaba aranmwẹ oha nii kha rhunmwuda olaba na, eni okpia ọkpa ọre ọ mudia ye ihe ẹre. Nene olaba kegha re ehan yan iyeha yan uri eha (666.)