Daniẹl 8:14 - Edo Bible (E Baibol Ẹdo) Version 1996

¹⁴ I keghi họn vbe odibosa nọkpa wanniẹn wẹẹ, “Ukpo igbe yan ikiọkhọe yan arriaisẹn (1,150) nọ vbene ẹghẹ ne a i ra vbe zọ ese owiẹ kevbe ọghe ota. Vbe iyekọnii, a ghi do dọlọ rhie Ọgua Osa ye ihe ẹre.”

Daniẹl 8:14 ပူးပေါင်းရင်းမြစ်များ

Gẹnẹsis 1:5

Rẹn keghi tie uwanmwẹ “Avan” kevbe ebiebi “Asọn.” Ẹdẹ keghi mu ẹdẹ keghi gbe ọnii kegha re ikpẹdẹ nokaro.

Aizaia 1:27

Rhunmwuda ighe ọmwata ọ re Nọyaẹnmwa khin, ọ gha miẹn Jerusalẹm kevbe avbe emwa ni roiro fi uyinmwẹ werriẹ vbe evba fan.

Aizaia 45:25

Mẹ ne Nọyaẹnmwa, gha fannọ ivbi uniẹn e Jekọb werriegbe iran gha vbe rhie urhomwẹ mẹ.

Daniẹl 12:11

“Ke ẹghẹ ne a ya dobọ ese ẹdẹgbegbe yi, ọnii nọ wẹ ke ẹghẹ Ọkhọ Nọgborrirri gha dee, ikpẹdẹ ekigbesiyisẹn yan arria ehan (1,290) gha gberra.

Daniẹl 12:12

Afiangbe nọ ne iran ni gha mudia gbain ya sẹ ẹghẹ ne ikpẹdẹ, isẹnirrọvbe ikiọkhọe yan arria ehan (1,335) gha na gberra!

Daniẹl 12:7

Odibosa nii keghi viọ obọ da iso, ọ keghi ye eni Osanobua etẹbitẹ yan. I keghi họn vbe ọ khare wẹẹ, “Ukpo eha vbe ukhiọnmwẹ khian gha nọ. Emwi na hia gha sunu fo nẹ a ke dobọ emwa Osanobua ne a zẹ kpokpo yi.”

Daniẹl 7:25

Ọ gha ye ukpẹ sakan Osanobua ne ọ Sẹehia, ọ ghi gha khulo emwa Osanobua khian. Ọ gha ho ne ọ fi uhi ugamwẹ kevbe emwiukpo ne iran ru werriẹ. Emwa Osanobua ghi vbe gha rre ototọ ẹtin ẹnrẹn vbe ukpo eha vbe ukhiọnmwẹ.

Daniẹl 8:26

Avbe umian ne ọ dekan ẹmwẹ ese ota vbe owiẹ, ne a vbe rhaan otọ ẹre ma ruẹn nẹ, ọ gha sunu. Sokpan he gie ẹe gha rre ẹko ruẹ ọkpa rhunmwuda ọ gha kpee ẹsẹse ọ ke do sunu.”

Galatia 3:8

Ebe miẹn ọẹn ye otọ nẹ wẹ, iyayi ọre Osanobua ra ya dọlọ iran ne ẹ i re Ju kugbe ba egbe ẹre. Ọnii ọ si ẹe ne ebe na ka kpe orhu Iyẹn Ne ọ maa ni ma Ebraham ye otọ wẹ, “Ekpa ruẹ ọre Osanobua ra na fiangbe emwa hia ni rre agbọn.”

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 12:14

A ke viọ ifuẹn nekhua eva ọghe oghohọn nẹẹn ne ọ ya tin gha rrie ihe ẹre vbe uwu ato, ehe ne a ra na koko ẹe la ukpo eha vbe ukhiọnmwẹ, ehe ne obọ ẹyẹn nii i ra na vba ẹre ne ọ gu ẹe gbinna.

Arhie Maan 13:5

A keghi fan obọ ẹre ne aranmwẹ oha nii, ne ọ gha ya unu talọ ẹmwẹ dan hia, a keghi vbe rhie ẹghẹ nẹẹn ne ọ gha mwẹ asẹ la, uki eva yan iyeva.