Daniẹl 8:13 - Edo Bible (E Baibol Ẹdo) Version 1996

¹³ I keghi vbe dẹghe odibosa ọkpa vbe ọ nọ ọvbehe wẹẹ, “Vbe avbe emwi ne a miẹn vbe umian na ra kpee sẹhẹ vbe otọe yi? Inu ẹghẹ ọ re orukhọ ẹwia ra rhie ihe izọ ese ẹdẹgbegbe la vbotọ? Inu ẹghẹ ọ re a ra ya owẹ rrilo ivbiyokuo ẹrinmwi kevbe Ọgua Osa la vbotọ?”

Daniẹl 8:13 ပူးပေါင်းရင်းမြစ်များ

Psalm 74:10

Vbe avbe eghian mwa ra giẹ uwẹ kpee sẹ hẹ vbe otọ yi Nọyaẹnmwa? Iran gha kpa unu ghe eni ruẹn rhinrin ẹdẹ ra?

Psalm 74:9

Avbe emwi iruẹmwi ni huanrẹn hia, ne ima mwẹ fo, akhasẹ ma ghi vbe keẹ, orhiọnkpa ne ọ rẹnrẹn vbene ọna gha kpee sẹ hẹ vbe otọ i rrọ.

Psalm 79:5

Nọyaẹnmwa, u gha wa mu ohu ima rhinrin ẹdẹdẹmwẹdẹ ra? Ohu ruẹ gha wa gha giẹn khian zẹ vbe erhẹn ra?

Aizaia 28:18

A ghi so ẹe gọ ighe ọta ne uwa gu uwu ko, a gha vbe khiẹn ruan ighe ota ne uwa gu agbọn iran ni wulo nẹ ta mukọ ye efọnkpa. Ọ gha hihiẹ rre ighe ọfuan, ọ ghi kpolo uwa viọ gha rrie.

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Aizaia 63:18

Avbe eghian khulo ima ne emwa ruẹn nihuanrẹn kua vbe ovbi ẹghẹ kherhe. Iran kegha gbe ukpukpẹ vbe ehe nọhuanrẹn ruẹn.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 12:10

Avbe enikhaemwisẹ ni re orhunmwuyẹn, dunmwu ogba azara mwẹ uan nẹ; iran ye owẹ guọghọ ugbo mwẹ ginna otọ iran ye owẹ ye otọe esiesi mwẹ khian ato.

Daniẹl 11:31

Eso vbe ivbiyokuo ẹre gha ru awua vbe uwu Ọgua Osa, iran gha dobọ izọese ẹdẹgbegbe yi, iran ghi mu ‘Emwikhọ Ugborrirri’ gbọọ.

Daniẹl 12:11

“Ke ẹghẹ ne a ya dobọ ese ẹdẹgbegbe yi, ọnii nọ wẹ ke ẹghẹ Ọkhọ Nọgborrirri gha dee, ikpẹdẹ ekigbesiyisẹn yan arria ehan (1,290) gha gberra.

Daniẹl 12:8

I họọn ẹmwẹ ne ọ tae sokpan I ma rẹn emwi ne a yae kha. Rhunmwuda ọnii, I keghi nọ rẹn wẹẹ, “Sokpan, vbe ena hia ra ya sẹ ufomwẹ hẹ, enọwanrẹn?”

Daniẹl 4:10

“Ugbẹn vbe I ghi vbiẹ, I keghi miẹn umian okperhan ọkpa vbe adesẹneva agbọn.

Daniẹl 4:13

Ugbẹn vbe I ghi wa mu ẹmwẹ umian na roro, I ghi ya ghe odibosa ọkpa tuorre ke iso dee ke irẹn kevbe aro ẹre ne ọ wa gba emwi hia.

Daniẹl 4:23

Ẹghẹ ne u na gha ghe ẹre Umogun, odibosa ọkpa keghi ke ẹrinmwi tuorre rre, ọ na do kha wẹẹ, ‘Wa tọn erhan nii gbotọ ne a fuẹn ọnrẹn uan, sokpan wa sẹ ut ukhunmwu ẹnrẹn rae yotọ. Ya ọgiọrọ ematọn kevbe oze gbalọ ẹe, ne uwa sẹ ọe rae ye uwu irunmwu vbe oha vbe evba. Wa gie evbu gha tuo yan okpia na, ne ọ gu avbe aranmwẹ oha gha rre evba vbe ukpo ihinrọn gbalaka.’

Daniẹl 7:16

I keghi zẹẹ owẹ bu ọkpa vbe uwu iran ni mudia vbe evba, I na nọ rẹn wẹ ne ọ rhan otọ umian na ma mwẹ, rhunmwuda ọnii, ọ keghi ta emwi ne a ya ẹe kha ma mwẹ.

Daniẹl 7:23

Ewanniẹn ne ọ rhie mẹ ọ re ọna khin: “Aranmwẹ ne ogienẹ keghi re arriọba ogienẹ ne ọ ra rrie agbọn, ọ gha vbe lughaẹn ne avbe arriọba nekpa hia fẹẹrẹ. Ọ gha piẹn otọ agbọn na hia gbua, ọ ghi ya owẹ rrilo ẹe ginna otọ.

Daniẹl 9:27

Ọmwa ne ọ rre asẹ nii gha gu emwa nibun ke ọta ne ọ deziẹn la ukpo ihinrọn, a ghẹ ghi wa ẹghẹ ne a kha na ye ihe eva nẹ, ọ gha wẹ ne a dobọ ese ne a zọ kevbe izọhẹ yi. A gha ya mu Emwikhọ Ugborrirri. Ye ehe ne ọ mwẹ uyi sẹẹ vbe Ọgua Osa, ọ ghi vbe gha rre evba ọ te do sẹ ẹghẹ ne ọ gha ya rri ọghọe fo zẹ vbene Osanobua mwamwa khẹ ọre.”

Zẹkaraia 1:19

I keghi nọ odibosa ne ọ gunmwẹ guan usin wẹẹ, “De emwi ne a ya avbe igho na kha?” Rẹn keghi wanniẹn wẹẹ, “Iran mudia ye ihe ẹvbo ni mwẹ ẹtin ni zagha ivbi Juda, Izrẹl kevbe Jerusalẹm kua.”

Zẹkaraia 14:5

We ghi lẹ la iya na ne ọ fian oke ni rra ya sẹ obọ nọkpa ladian. Wa ghi lẹ zẹ vbene avbe erha uwa odede ka lẹ vbe ẹghẹ ne igbohiotọ na gha rrọ vbe ẹghẹ Ọba Uzaia ọghe Juda. E Nọyaẹnmwa Osanobua mwẹ gha viọ avbe odibosa hia mwẹ obọ gha dee.

Matiu 11:27

“Erhamwẹ viọ emwi hia mẹ nẹ. Gberra Evbavba, ọmwa ọvbehe ne ọ rẹn ọmọ ẹ i rrọọ, gberra ọmọ, ọmwa ọvbehe ne ọ vbe rẹn Evbavba, ẹ i rrọọ, vbe ẹ i re iran ne ọmọ ho ne ọ rhie ẹre maa.

Matiu 24:15

“Wa ghẹ ghi miẹn ighe Omurhia Ne ọ gbe orrirri ne Daniẹl ne akhasẹ ta ẹmwẹ ọnrẹn miẹn dia ye ehe ne ọ huanrẹn.” (Wẹ ne ọ tie ebe na, hia ne u rẹn evba yae kha.)

Iyẹn ne ọ Maan Ọghe Mak 13:14

“Wa ghi do miẹn ‘Omurhia Ne Ugborrirri’ vbe ọ gha miẹndia ye ehe ne ọ ma khẹ ke.” (Wẹ ne ọ tiebe na, hia ne u rẹn odun ẹmwẹ na.) “Ẹghẹ nii wa ni rre Judia, wa lẹ gha rrie uhunmwu oke.

Iyẹn ne ọ Maan Ọghe Luk 10:22

“Erha mwẹ viọ emwi hia mẹ nẹ. Ọmwa ne ọ rẹn ọmwa ne ọmọ khin i rrọọ, sokpan Evbavba, ọmwa ne ọ vbe rẹn ọmwa ne Evbavba khin ẹ i rrọọ, sokpan Ọmọ kevbe iran ne Ọmọ ho ne ọ rhie ẹre maa.”

Iyẹn ne ọ Maan Ọghe Luk 21:20

“Wa ghẹ ghi miẹn ighẹ ivbiyokuo lẹga Jerusalẹm, wa ghi rẹn ighẹ te a ghi ra dunmwu ẹn ruan.

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

Iyẹn ne ọ Maan Ọghe Jọn 1:18

Ọmwa ọkpa i rrọ ne ọ he bẹghe Osanobua aro ẹdẹ, rẹn ọkpa kẹkan ne ọ re emwi ne Osanobua vbe khin, kevbe ne ọ vbe diake Evbavba, ọre ọ rhie ẹre ma emwa.

Diuteronomi 33:2

E Nọyaẹnmwa ke Oke Sainai gha dee, ọ keghi yan rre vbe owẹn yan Idọm, ọ keghi ke uhunmwu Oke Paran yunmwu yan emwa ẹnrẹn, Odibo Osa arriaisẹn igbe keghi deba ẹre erhẹn ne ọ baa kegha rre obọ erha ọmwa ẹnrẹn.

I Tẹsalonaika 3:13

Vbenian ọre ọ ra na ye orhiọn uwa wo vbe egbe, wa ghi do gha re ne ọ gbae kevbe ne ọ huanrẹn vbe odaro Osanobua mwa kevbe Erha mwa, vbe ẹghẹ ne Jesu gha na rre, irẹn kevbe iran ni re ọghọe.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

I Pita 1:12

Osanobua keghi rhie maa avbe akhasẹ na wẹ iwinna iran i re ọghe ẹmwẹ ọmaa ne egbe iran, sokpan ọ maa ne egbe uwa, vbe ẹghẹ ne iran na guan kan ẹmwẹ ẹmwata na ne uwa họn nẹ nian. Avbe odibo Iyẹn Ne ọ maa nii, ya ẹtin Orhiọn Ne Ọ Huanrẹn ne a gie ke ẹrinmwi rre gha guan, iran ta ẹmwẹ ẹmwata na ma uwa. Avbe ẹmwata na keghi re egbe ne avbe odibo Osa tobọ iran gha ho ne iran rẹn emwi ne a ya ẹe kha.

Ebe ne Jud gbẹẹn 1:14

Inọk ne ọ re, ọmwa ne ogiehan ke egbe Adam wa gha dee zẹẹ, ọre ọ guan ẹmwẹ iran na ye otọ ẹghẹ nii wẹ: “Ghe, Nọyaẹnmwa gha rre ke irẹn kevbe arriaigbe vbe uwu avbe odibo ẹre ni huanrẹn.

Arhie Maan 11:2

Sokpan ghẹ ka iran ni rre iba ore yọ. Ghẹ mwa iran, rhunmwuda, a zẹ iran obọ ne iran ni ma yayi nẹ, iran ni gha do gbe ọgọlọbọ vbe uwu Ẹvbo Ne Ọ Huanrẹn la uki eva yan iyeva.

Arhie Maan 6:10

Iran keghi ye urhu ne ọ la datu wẹẹ: “Oghodua Nọyaẹnmwa, ne ọ huanrẹn kevbe ọmwa ẹmwata. Vbe ọ gha kpẹe sẹ hẹ yi u ke ya bu ohiẹn emwa ni rre agbọn, ne u vbe rri iran oya ye ne iran na gbele ima uan?”

Giọgis 13:18

Odibo nii nọ rẹn wẹẹ, “Vbọzẹ ne u na ho ne u rẹn eni mwẹ yi? Ẹhi ọyunnuan nọ.”