Daniẹl 8:12 - Edo Bible (E Baibol Ẹdo) Version 1996

¹² Orukhọ ọ re emwa ghi ya gha ru vbe evba ye ihe ne iran gha na te gha zọ ese ne a mwa yọ ẹdẹgbegbe, a keghi mu iyayi ẹmwata fua. Igho nii ke wa gha miẹn ọ dunnaẹn vbe emwi ne ọ ru hia.

Daniẹl 8:12 ပူးပေါင်းရင်းမြစ်များ

Job 12:6

Avbe oyi kevbe emwa ni ma rẹn Osanobua, ghi gha rrọọ vbe ọfumwegbe. A gha rhe miẹn wẹ, ẹtin obọ iran ọrọre Osanobua iran.

Psalm 119:142

Emwata ọ re uhi ruẹ khin ẹghẹ hia.

Psalm 119:43

Gun mwẹ sẹtin gha ta ẹmwata vbe ẹghẹ hia, rhunmwuda, ibuohiẹn ruẹn ọ re idaehọ mwẹ ye.

Psalm 28:5

Iran i vbe zẹdẹ bẹghe iwinna Nọyaẹnmwa, ra emwi ne irẹn yi rhunmwuda ọnii, ọ gha rri iran oya, ọ ghi vbe fuẹn iran an ẹdẹdẹmwẹdẹ.

Aizaia 59:14

A khu ohiẹn ẹmwata fua, emwi ne ọ kere i sẹtin sikẹ ọmwa. Ẹmwata rrua owẹ vbe ughe, uyinmwẹ ne ọ diae i vbe miẹn otọ tota yi vbe evba.

Jerimaia 12:1

Nọyaẹnmwa, I gha wẹ ne ima gba gui ẹzọ mwẹ, wẹ ọ re ọ khian rri ase. Sokpan, I gha ye nọ ruẹn ọta ne ọ dekan ohiẹn ẹmwata. Vbọzẹ ne agbọn na maa emwa dan sẹrriọ yi?

Daniẹl 11:28

Ọba e Siria gha viọ emwi ne ọ khọn viọ vbe okuo gha rrie owa, ọ ghi wa mu aro yọ wẹẹ ne irẹn kie ẹre ukpẹ ighe ẹmwẹ ugamwẹ ẹmwẹ Osanobua. Ọ gha da gbe da mu, ọ ghi vbe werriegbe gha rrie ẹvbo ẹre.

Daniẹl 7:21

Ẹghẹ ne I na gha ghe ẹre, igho ni keghi mu okuo gie emwa Osanobua, ọ keghi khọn miẹn iran otọ.

Daniẹl 8:4

I keghi bẹghe vbe ogho nii ya igho so emwi rrie odẹ ahọ, odẹ okuọ kevbe orrie. A ma miẹn aranmwẹ ọkpa ne ọ sẹtin rrọ ẹre ra ne ọ lẹ fe vbe obọ ẹtin ẹnrẹn. Vbene ọ khọnrẹn ọ re ọ wa gha ru, ọ na wa gha hio paipai.

Arhie Maan 13:7

A keghi vbe rhie ẹghẹ nẹẹn ne ọ ya gha gu emwa Osanobua gbinna kevbe ne obọ ẹre vbe gha ke ukhunmwu ne iran, a keghi rhie asẹ nẹẹn yan uhunmwu ẹwae hia kevbe emwa ẹvbo ne azẹ kevbe uhunmwu ẹvbo.

I Samuẹl 23:9

E Devid ghi họn wẹ e Sọl ra do gu irẹn gbinna, ọ keghi tama Abiata ne ohẹn wẹẹ, “Mu adaghọ nii gha di emwa.”