Daniẹl 8:11 - Edo Bible (E Baibol Ẹdo) Version 1996

¹¹ Uhin ighe ọ ye vbe fa ovbiọba ọghe ivbiyokuo ẹrinmwi uan, ọ na dobọ ese ne a zọ gie ẹe ẹdẹgbegbe yi, ọ na mu Ọgua Osa rhia.

Daniẹl 8:11 ပူးပေါင်းရင်းမြစ်များ

Aizaia 37:23

De ọmwa ne uwẹ ro ighẹ u kpa unu ghe, ne u vbe ya ukpe sakan yi? U ma ya ọghọ mẹ, mẹ ne Osanobua nọhuanrẹn ọghe Izrẹl.

Aizaia 37:29

A do na iyẹn ma mwẹ nẹ vbene u gha vannọ kevbe vbene u gha rhuọ hẹ, banbanna nian, I gha ha ẹghọ ye uẹ ihue, I ghi gba ukhu ye uẹ akọn, I ghi mu ẹẹn la odẹ ne u la rre gha rrie.”

Jerimaia 48:26

E Nọyaẹnmwa khare wẹẹ, “Wa ye ayọn ne Moab da ne ọ gha gbe ẹe, rhunmwuda ọ sọtẹ mwẹ nẹ. E Moab gha de wunnu vbe uwu ekpa ne ọ kpaa yotọ, emwa hia ghi gha giẹ ọe.

Jerimaia 48:42

A gha fuẹn Moab ua, ẹi ghi ra vbe gha re okpẹvbo ọvbehe rhunmwuda, ọ sọtẹ mwẹ nẹ.

Ezikiẹl 46:14

Debare, a ghi vbe gha ya uwan isẹn ọghe irhuanrhua ọka yo imuohan owiowiẹ, deba ukhiọnmwẹ egalọn ọghe ofigbọn oliv ne a gha ya gha gbe irhuarhua ọka na. Ẹmwẹ ọghe imuohan ne a yo gie Nọyaẹnmwa na, te ọ ra gha rre otọ rhinrin ẹdẹdẹmwẹdẹ,

Daniẹl 11:22

Ọmwaikọmwa ne ọ gbe odan ghe ẹre, ọ gha khọn rẹn ne ọ gha re Ogie Ohẹn Osanobua, a ghi wa ho ẹre bẹkun.

Daniẹl 11:31

Eso vbe ivbiyokuo ẹre gha ru awua vbe uwu Ọgua Osa, iran gha dobọ izọese ẹdẹgbegbe yi, iran ghi mu ‘Emwikhọ Ugborrirri’ gbọọ.

Daniẹl 12:11

“Ke ẹghẹ ne a ya dobọ ese ẹdẹgbegbe yi, ọnii nọ wẹ ke ẹghẹ Ọkhọ Nọgborrirri gha dee, ikpẹdẹ ekigbesiyisẹn yan arria ehan (1,290) gha gberra.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Daniẹl 7:25

Ọ gha ye ukpẹ sakan Osanobua ne ọ Sẹehia, ọ ghi gha khulo emwa Osanobua khian. Ọ gha ho ne ọ fi uhi ugamwẹ kevbe emwiukpo ne iran ru werriẹ. Emwa Osanobua ghi vbe gha rre ototọ ẹtin ẹnrẹn vbe ukpo eha vbe ukhiọnmwẹ.

Daniẹl 8:12

Orukhọ ọ re emwa ghi ya gha ru vbe evba ye ihe ne iran gha na te gha zọ ese ne a mwa yọ ẹdẹgbegbe, a keghi mu iyayi ẹmwata fua. Igho nii ke wa gha miẹn ọ dunnaẹn vbe emwi ne ọ ru hia.

Daniẹl 8:24

Rẹn gha wa wegbe sokpan, ẹ i re vbekpa ẹtin obọ ẹre. Ọ gha wa rhia emwi nibun ọghe ọhanabe, emwi hia ne ọ ru ghi wa vbe gha dinnodẹ ne ẹẹn. Ọ gha si ọfuan ye emwa ni mwẹ ẹtin nibun egbe, kevbe avbe emwa Osanobua.

Daniẹl 8:25

Rhunmwuda ighe ọmwa ero nọ, emwi ero ne ọ ru hia ghi wa gha dunna ne ẹẹn. Rẹn gha wa gha ye emwi ne irẹn khin hio, ọ ghi vbe fuẹn emwa nibun uan vbe a ma ro a ma kọ, uhin ighe te ọ ra yagha Ọba ne ọ kpọlọ Sẹehia fẹẹrẹ sokpan, a gha fuẹn ọnrẹn uan vbe ne a i na lo ẹtin ọmwa nagbọn hiehiere.

Daniẹl 9:25

Yi ọna ẹro ne u vbe rẹn emwi ne a ya ẹe kha. Ke ẹghẹ ne a ya tae wẹ ne abọ e Jerusalẹm kpao do sẹ ẹghẹ ne ọkaolotu ne Osanobua zẹe gha ya rre, ukpo ekigbesiyenẹ vbe ihe ihinrọẹn gha gberra. A gha dọlegbe bọ e Jerusalẹm ke ẹe kevbe idunmwu ni rrọọ kevbe avbe ọkhẹ ne ọ wegbe ọ gha vbe gha rrọọ vbe ukpo eva yan iyeha vbe ihe ihinrọn, sokpan ẹghẹ ọlọghọmwa ọ re ọ khian gha khin.

Nọmbas 28:3

Izẹọhẹ evbare ne a gha viọ gie Nọyaẹnmwa ọ re ena khin: vbe ọghe ese ne a giẹn uan ọghe ẹdẹgbegbe vbọ, ivbi ogho ne ọ he rre ukpo ọkpa ne ẹ i mwẹ okan.

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!

Hibru 2:10

Ma miẹn ọẹn vbe a ya ọghọ kevbe uyi rhu ẹre ẹde, rhunmwuda oya uwu ne ọ ree. Emwi ọkpa ne ọ gele wa ke ne ọ ru ighẹ Osanobua, ọmwa ne ọ ọre ne ọ yi kevbe ne ọ viọ emwi hia mwẹ, ọrọre ne ọ ye Jesu khian ne ọ gbae vbe uyi ẹre, rhunmwuda, Jesu ọrọre ọmwa ne ọ su iran gha rrie imiẹnfan.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”