Daniẹl 8:10 - Edo Bible (E Baibol Ẹdo) Version 1996

¹⁰ Ọ wegbe sẹrriọ wẹ ọ keghi sẹtin gha gu ivbiyokuo ẹrinmwi gbinna, avbe orhọnmwẹ tobọ iran, ọ keghi munọ eso gbotọ vbọ, ọ na ye owẹ rrilo iran ginna otọ.

Daniẹl 8:10 ပူးပေါင်းရင်းမြစ်များ

Aizaia 14:13

Te u te wa tae wẹ u ra hin gha rrie ẹrinmwi, ne u ya mu ẹkete ruẹ ye odukhunmwu avbe orhọnmwẹ ne ọ yo sẹẹ. U te gha ro wẹ te u ra tota yan uhunmwu oke zẹ vbe ọba, oke ne ọ rre odẹ okuọ nii, ehe ne avbe ẹbọ na do sikoko.

Jerimaia 48:26

E Nọyaẹnmwa khare wẹẹ, “Wa ye ayọn ne Moab da ne ọ gha gbe ẹe, rhunmwuda ọ sọtẹ mwẹ nẹ. E Moab gha de wunnu vbe uwu ekpa ne ọ kpaa yotọ, emwa hia ghi gha giẹ ọe.

Daniẹl 11:28

Ọba e Siria gha viọ emwi ne ọ khọn viọ vbe okuo gha rrie owa, ọ ghi wa mu aro yọ wẹẹ ne irẹn kie ẹre ukpẹ ighe ẹmwẹ ugamwẹ ẹmwẹ Osanobua. Ọ gha da gbe da mu, ọ ghi vbe werriegbe gha rrie ẹvbo ẹre.

Daniẹl 11:30

Emwa e Rom gha viọ okọ rre, ohan ghi mu ẹẹn. “Iyekọni, ohu ghi mu ẹẹn ọ ghi werriegbe, ọ ghi hia ne ọ fuọn ruan ighe ẹmwẹ ugamwẹ emwa Osanobua. Ọ ghi gha ye ude ne emwa ni mu ugamwẹ nii fua nẹ bu ẹre re ru emwi.

Daniẹl 7:7

Ehe ne I na ye ghe ẹre nii aranmwẹ ne ogienẹ keghi ladian ọ wa mwẹ ẹtin ne ọ mu ọmwa ohan, ọ gbe orrirri. Akọn ematọn ẹnrẹn ne lẹulẹu, ọ re ọ ya piẹn emwi ne ọ miẹn gbe, ọ ghi ya owẹ mama iran ginna otọ. Ọ keghi mwẹ igho igbe ne ọ ya lughaẹn ne avbe aranmwẹ nekpa.

Daniẹl 8:7

I kegha ghe ẹre vbe ọ dekun ogho nii. Ohu mu ẹẹn sẹrriọ wẹ ọ na hẹrhu ẹe, ọ na kpannọ ẹre igho eveva. Orhiọn ma gha rre ogho ni re ne ọ gha ya khẹ ọre. A keghi mu ẹẹn gbotọ, ọ na ye owẹ rrilo ẹe mu otọ, a ma vbe miẹn ọmwa rhọkpa ne ọ sẹtin miẹn rẹn fan.

Arhie Maan 12:4

Ọ keghi ya ẹrhunrhun kpolo obọ ọkpa vbe a gha wa avbe orhọnmwẹ ni rre iso ye eha, ọ na kpolo ẹe ku otọ agbọn. Ọ keghi mudia ye odaro okhuo ne ọ khian biẹ nii wẹ, ọ gha wa biẹ, ne irẹn gbe ẹre ọmọ re.