Daniẹl 8:1 - Edo Bible (E Baibol Ẹdo) Version 1996

¹ Ọ ghi rre ukpo eha ne Bẹlsiaza rriọba, I keghi vbe miẹn umian ne ogieva.

Daniẹl 8:1 ပူးပေါင်းရင်းမြစ်များ

Ezikiẹl 1:1

Vbe Ikpẹdẹ ne ogisẹn ọghe uki ne ogienẹ vbe ukpo ne ogiwera, mẹ ne Ezikiẹl, ne ohẹn, ne ovbi e Buz, keghi gu ivbi e Ju ni rre iwe rre ọkpẹn Ẹzẹ e Kiẹba vbe Babilọn. Iso keghi kie yotọ, I na miẹn umian ọghe Osanobua.

Daniẹl 1:17

Osanobua keghi rhie irẹnmwi kevbe ẹwaẹn ne avbe emọ na vbe ebe ne a tie kevbe irẹnmwi ni dinmwi ọghe odun agbọn na. Ye vbe ba ẹre ọ keghi vbe rhie ẹwaẹn ne a ya rhan otọ imina kevbe umian ne Daniẹl.

Daniẹl 10:2

Vbe ẹghẹ nii, I keghi ya izọla eha vbe aguẹ.

Daniẹl 10:7

Mẹ ọkpa Ọ re ọ miẹn umian na. Emwa na ni gunmwẹ rre evba ma bẹghe emwi rhọkpa, sokpan iran runraẹn, iran keghi lẹẹ, iran na ya lẹre.

Daniẹl 11:4

Sokpan vbe ẹghẹ ne ẹtin ẹnrẹn gha na wa kpọlọ sẹẹ, arriọba ẹre gha zagha a, a ghi vbe gha ẹre ye ihe enẹ. Avbe ọba ne ẹ i re ivbi ẹre, gha rriọba vbe ihe ẹre, sokpan, iran i ra mwẹ ẹtin zẹ vbene irẹn gha mwẹ.

Daniẹl 7:1

Vbe ukpo ne okaro ne Bẹlsiaza rriọba e Babilọn, I minaẹn, I keghi miẹn umian vbe asọn. I gbẹn imina nii yotọ, vbene I miẹn ọẹn.

Daniẹl 7:15

Ohan umian ne I miẹn keghi wa mu mwẹ, ọ keghi vbe mu mwẹ orhiọn rueghe ẹsẹse.

Daniẹl 7:28

Ọna ọrọre ufomwẹ emwi ne I gbẹnnẹ yotọ. Ohan mu mwẹ sẹrriọ wẹ, I na wa luẹluẹ, I ma vbe tama ọmwarhọkpa.

Daniẹl 8:15

Ehe ne I na hia ne I rẹn emwi ne a ya umian na kha, I ghi ghe ọmwa ọkpa wa mudia yọmwẹ odaro vbe udomwurri.

Daniẹl 8:2

Vbe umian nii, I ghi wa ghe vbe udomwurri, I wa rre ẹvbo ne a gbe ekẹn gaa ọghe Susa vbe iyaẹvbo Ẹlam. Ọkpẹn Ẹzẹ Ulai ọ re I mudia yi.

Daniẹl 9:2

Vbe ukpo ne okaro ne ọ rriọba, I kegha tie ebe nọhuanrẹn nii, I keghi vbe gha mu ẹmwẹ ukpo e kigbesiyenẹ ne Jerusalẹm ra wa ya gha re itowa ro, zẹ vbene Nọyaẹnmwa tama e Jerimaia ne akhasẹ.