Daniẹl 7:5 - Edo Bible (E Baibol Ẹdo) Version 1996

⁵ Aranmwẹ ne ogieva keghi yevbe akpakomiza ne ọ ye owẹ odieke ẹre mudia, ọ keghi ye akọn khuaa ifẹnmwaguẹ eha mwẹ vbe unu. Urhu ọkpa keghi tama rẹn wẹẹ, “De yan rẹn, rri emiowo vbene ẹtin ruẹn sẹ ọe sẹ.”

Daniẹl 7:5 ပူးပေါင်းရင်းမြစ်များ

II Ọba 2:24

Elaisia keghi fi egbe werriẹ, ọ ghe iran, ọ keghi ya eni e Nọyaẹnmwa rhovbiẹ iran. Ẹre akpakomiza amwẹ eva na ladian vbe uwu oha, iran na yanghan eva yan iyeva vbe uwu ibiẹka ikpia nii.

Itan 17:12

Ọmwa dekun akpakomiza ne a mu ẹre ọmọ, ọ re ọ maa sẹẹ ne ọ do vba avbe ọzuọ vbe iran a gha fuẹn iwinna akpa ginna otọ.

Aizaia 56:9

E Nọyaẹnmwa tama avbe uhunmwu ẹvbo ọvbehe nẹ wẹ ne iran gha dee zẹ vbe aranmwẹ akọn ne iran do gbele emwa irẹn re.

Daniẹl 11:2

Ẹmwẹ ne I ra tama ruẹn na, ẹmwata nọ.” Odibosa nii keghi kha wẹẹ, “Ọba eha gha khaemwisẹ lele egbe vbe Pẹsia, ne ogienẹ gha vbe lele iran, rẹn na gha wa fe sẹẹ iran nekpa hia. Ẹghẹ ne ẹtin ẹnrẹn gha na wa kpọlọ sẹẹ, kene ẹfe ẹre gha na vbe bu sẹẹ, ogha si arriọba e Gris evẹn.

Daniẹl 2:39

Wẹ gha ghi vbe ru ọwuẹ gberra nẹ, arriọba ọvbehe gha vbe guakpao sokpan ẹ i ra kpọlọ vba ọwuẹ, vbe iyekọni, arriọba ogieha ne ọ gha vbe gha re ọghe oze, ọ gha vbe khaemwisẹ yan otọe agbọn hia.

Daniẹl 5:28

A ghaa ẹre, a ghaa otọe arriọba ruẹ, a na viọ ne avbe Medis kevbe Pẹsia.”

Daniẹl 7:4

Nokaro vbọ keghi yevbe oduma sokpan, ọ keghi mwẹ ifuẹn zẹvbe oghohọn. Ẹghẹ ne I na wa gha ghe ẹre nii, iran keghi yannọ ẹre ifuẹn kua. A keghi tọn aranmwẹ ni mu, a na mu ẹẹn mudia zẹvbe ọmwa. A keghi vbe rhie ekhọe ọmwa nagbọn ne ẹẹn.

Daniẹl 7:6

Vbene I wa ye ghe ẹre nii, aranmwẹ ọvbehe keghi vbe ladian ọ yevbe ubidọn, sokpan ifuẹn enẹ ni yevbe ọghe ahianmwẹ kegha rre ọre ẹkpiyeke, ọ keghi vbe mwẹ uhunmwu enẹ. Aro ẹre vbe uhunmwu keghi yevbe ọghe ọmwa ne ọ mobọ mwẹ asẹ ẹsẹse.

Hozia 13:8

I gha gu uwa gbinna zẹ vbe akpakomiza ne ọ ma ghi miẹn ivbi ẹre, I ghi yanghan uwa hẹkua. I gha yanghan uwa re ye ihọkpa nii zẹ vbe oduma, I ghi vbe yanghan uwu ukhiọnmwu khiọnmwẹ zẹ vbe aranmwẹ akọn.

Arhie Maan 13:2

Aranmwẹ oha ne I bẹghe keghi ye vbe ubidọn. Owẹ ọre keghi ye vbe ọ ghe akpakomiza, unu ẹnrẹn keghi ye vbe ọghe oduma. Ugbogiorinmwi nii keghi rhie ẹtin ẹnrẹn ne aranmwẹ oha na, ke ẹkete ẹre kevbe asẹ ọrhẹnrhẹn ne ọ gu ẹe.