Daniẹl 7:4 - Edo Bible (E Baibol Ẹdo) Version 1996

⁴ Nokaro vbọ keghi yevbe oduma sokpan, ọ keghi mwẹ ifuẹn zẹvbe oghohọn. Ẹghẹ ne I na wa gha ghe ẹre nii, iran keghi yannọ ẹre ifuẹn kua. A keghi tọn aranmwẹ ni mu, a na mu ẹẹn mudia zẹvbe ọmwa. A keghi vbe rhie ekhọe ọmwa nagbọn ne ẹẹn.

Daniẹl 7:4 ပူးပေါင်းရင်းမြစ်များ

II Samuẹl 1:23

“E Sọl kevbe Jonatan, ọsughe kevbe eghẹnghẹn ọ re iran te khin, kevbe ẹfe kevbe uwu, te iran sikan mu egbe, okhian kẹ iran sẹ oghohọn, iran wegbe sẹ oduma.

Job 25:6

Inu-inu ghi nọ ne ọmwa nagbọn, ne ọkhọe, ne atete! De ive ne ọ rre ọmwa uhunmwu vbe odaro Osanobua?”

Psalm 9:20

Runran iran Nọyaẹnmwa, gie iran rẹn wẹẹ, emwa ne ọ sẹtin wu kẹkan ọ re iran khin.

Jerimaia 25:38

E Nọyaẹnmwa hee emwa rẹn yotọ nẹ zẹ vbe oduma ne ọ kpao vbe uvun okuta ẹre rre. Orrirri okuo kevbe ohu ọbanabe ọghe Nọyaẹnmwa ya ẹvbo nii, khian ato.”

Jerimaia 4:13

Ghe vbe eghian nii wa dee zẹ vbe ubimwẹ amẹ. Avbe ikẹkẹ okuo ẹre yevbe ẹhoho ẹziza, okhian kẹ avbe ẹsin okuo ẹre sẹ oghohọn. Ma wiri, ọghe ima fo.

Jerimaia 4:7

Zẹvbe oduma ne ọ ke ehe ne ọ lẹre yi dee. Onii ne ọ rẹnkhẹn ẹvbo ua la odẹ nẹ. Ọ dee do rẹnkhẹn e Juda. Te a ra ye avbe ẹvbo ni rre Juda khian itowa ọmwa ne ọ gha yin ẹnrẹn i ghi rrọọ.

Jerimaia 48:40

E Nọyaẹnmwa tae nẹ wẹ ẹvbo ọkpa gha do hẹ rhu e Moab zẹ vbe oghohọn ne ọ rhan ifuẹn uan.

Jerimaia 49:19

Zẹ vbe oduma ne ọ ke uwa ẹgbo Ẹzẹ Jọdan ladian la uwu oha ne aranmwẹ na rria ne ọ bii nunuunu, I gha rre ne ivbi Idọm ye ugbugbe lẹ hin ẹvbo iran rre. Ẹghẹ nii, ọkaolotu ne imẹ zẹe ghi ghi do gha khaemwisẹ yan avbe uhunmwu ẹvbo. De ọmwa ne a gha ya gie mwẹ yi? De ọmwa ne ohan gha gie ẹe si mwẹ evẹn? De ogie ne ohan gha gie ẹe gbe odan ghe mwẹ?

Eve Orriara 4:19

Iran vin zẹ mwa khu okhian kẹ iran sẹẹ oghohọn ne ọ ke iso rre. Iran zọọ owẹ mwa ya sẹ uhunmwu oke; obọ iran vba mwa vbe a ma ro a ma kọ vbe ato.

Ezikiẹl 17:3

Ne iran rẹn emwi ne imẹ ne Nọyaẹnmwa ne Udazi tama iran na. Oghohọn ne gẹdẹgbẹẹ okpa kegha rrọọ, igan rẹn hia wa kọnkọn, ehia keghi vbe mose, ọ ghi wa rhan ifuẹn ni uan gbadaa. Ọ keghi tin gha rrie uhunmwu oke Lebanọn, ọ na kpan ukpe sida ọkpa,

Ezikiẹl 28:2

“Ovbi ọmwa, tama ọba e Taia ẹmwẹ ne imẹ ne Nọyaẹnmwa ne Udazi tama rẹn wẹ; u gha ye uhiomwẹ tọn ifuẹn mu, u na gha kha wẹ ẹbọ ọ re uwẹ tobọ ruẹ khin. U khare wẹ te uwẹ tota ye ẹkete zẹ vbe ẹbọ vbene avbe okun na lẹga ruẹ. U sẹtin gha ye egbe ta avbe ẹbọ, sokpan ọmwa ne ọ sẹtin wu kẹkan ọ re u khin, u i vbe mwẹ akpa ẹbọ rhọkpa.

Ezikiẹl 28:9

U gha ghi mudia ye odaro avbe iran ni ra gbe uẹ ua nẹ, u ghi do gha re ọmwa ne ọ sẹtin wu, u i ghi re ẹbọ hiehiere.

Daniẹl 2:38

Ọ ya uwẹ ru ne ọ khaemwisẹ yan ehe ne agbọn sẹe ehe ne ọ rhanmwẹ nẹ, ne ọ khaemwisẹ yan avbe aranmwẹ kevbe ahianmwẹ. Wẹ ọrọre uhunmwu ne ọ re igoru ne ọ rrọọ.

Daniẹl 4:36

“Ẹrherhe mwẹ ghi gba nẹ vbe uhunmwu mwẹ, ẹtin ọba ne I mwẹ kevbe uyi ọghe arriọba mwẹ, a keghi dọlegbe viọ ehia mẹ. Avbe ekhaẹmwẹ mwẹ kevbe avbe enigie mwẹ keghi rhaan obọ miẹn mwẹ, a keghi dọlegbe mu ẹtin ọba mwẹ mẹ, ke ẹe kevbe uyi ne ọ kpọlọ sẹẹ ne ọ te ka rrọ yi.

Daniẹl 7:12

A keghi miẹn avbe aranmwẹ nekpa ẹtin ne iran te mwẹ sokpan, a keghi ye rhie omwa ẹghẹ ne iran, ne iran ya gha rre agbọn.

Daniẹl 7:5

Aranmwẹ ne ogieva keghi yevbe akpakomiza ne ọ ye owẹ odieke ẹre mudia, ọ keghi ye akọn khuaa ifẹnmwaguẹ eha mwẹ vbe unu. Urhu ọkpa keghi tama rẹn wẹẹ, “De yan rẹn, rri emiowo vbene ẹtin ruẹn sẹ ọe sẹ.”

Matiu 24:28

Ehe ne emwi nọwu ye, ọre avbe ugu si koko yi.

Diuteronomi 28:49

E Nọyaẹnmwa gha mu okpẹvbo ke ehe ne agbọn sẹe gha dee, emwa ne uwa i họn ẹvbo ne iran zẹ, ọ ghi mu ẹre aro da uwa. Iran ghi siẹn rhu uwa zẹ vbe oghohọn.

Arhie Maan 13:2

Aranmwẹ oha ne I bẹghe keghi ye vbe ubidọn. Owẹ ọre keghi ye vbe ọ ghe akpakomiza, unu ẹnrẹn keghi ye vbe ọghe oduma. Ugbogiorinmwi nii keghi rhie ẹtin ẹnrẹn ne aranmwẹ oha na, ke ẹkete ẹre kevbe asẹ ọrhẹnrhẹn ne ọ gu ẹe.