Daniẹl 7:28 - Edo Bible (E Baibol Ẹdo) Version 1996

²⁸ Ọna ọrọre ufomwẹ emwi ne I gbẹnnẹ yotọ. Ohan mu mwẹ sẹrriọ wẹ, I na wa luẹluẹ, I ma vbe tama ọmwarhọkpa.

Daniẹl 7:28 ပူးပေါင်းရင်းမြစ်များ

Gẹnẹsis 37:10

Ọ keghi vbe ta imina rẹn ma erha ẹe kevbe etiọnrẹn nikpia, erha ẹe na gha guẹe gui wẹ vbe ọ ni khun imina ne u minaẹn? Te uwẹ ro ighẹ iyuẹ kevbe imẹ kevbe etuẹn nikpia wẹ ma gha rre do gha ya uhunmwu rhanmwẹ otọ ne uwẹ?

Gẹnẹsis 37:11

Etẹn Josẹf nikpia kegha guẹe mu ohu sokpan erha ẹe kegha rria ẹmwẹ nii hia vbe ekhọe.

Daniẹl 10:16

Ẹre odibosa ne ọ yevbe ọmwa, na nien obọ ẹre, ọ keghi ya kan mwẹ akhuarhamwunu, mẹ keghi tama rẹn wẹẹ, “Umian na wa wọọ mwẹ egbe sẹrriọ wẹ I i ghi sẹtin dobọ uguọmwẹ yi.

Daniẹl 10:8

Mẹ ọkpa ọ re ọ ghi rre evba, I na gha ghe umian ọyunnuan na. Orhiọn ma ghi gha rrọ mwẹ re, aro mwẹ keghi fiwerriẹ sẹrriọ vbe uhunmwu wẹ, ọmwa ọkpa ne ọ gha ye rẹn mwẹ ighi rrọ.

Daniẹl 11:27

Vbe iyeke ọnii, avbe ọba eveva na gha gba tota rrie evbare vbe eteburu ọkpa sokpan, emwamwa dan ọre ọ rre iran ekhọe, iran ghi gha ta ohoghe ma egbe. Obọ iran i ra sẹ emwi ne iran ho, rhunmwuda, ẹghẹ emwi nii ma he sẹ.

Daniẹl 12:13

“Wẹ nẹ Daniẹl mu uhunmwu ke ọe ya sẹ ufomwẹ. Ẹghẹ nii, u gha wu, sokpan u gha rhiọrre ne a san ruẹn ẹse vbe ẹdẹ okiekie.”

Daniẹl 12:9

Rẹn keghi wanniẹn wẹẹ, “E Daniẹl te u gha do rrie, rhunmwuda, avbe ẹmwẹ na, a ma ho ne ọmwarhọkpa rẹn ẹmwẹ na, a ma ho ne ọmwarhọkpa rẹn ọnrẹn, te a vbe rhie ẹre lẹre ufomwẹ te do rre.

Daniẹl 4:16

Vbe ukpo ihinrọn gbalaka, orhiọn ọghe ọmwa nagbọn i ra gha gue ẹe, gberra ekhọe aranmwẹ oha.

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Daniẹl 5:6

Ọ keghi reghe aro ua vbe uhunmwu, ohan keghi muẹn sẹrriọ wẹ igbọn rẹn kegha de gbe egbe.

Daniẹl 7:15

Ohan umian ne I miẹn keghi wa mu mwẹ, ọ keghi vbe mu mwẹ orhiọn rueghe ẹsẹse.

Daniẹl 8:1

Ọ ghi rre ukpo eha ne Bẹlsiaza rriọba, I keghi vbe miẹn umian ne ogieva.

Daniẹl 8:17

E Gebriẹl keghi rre, ọ na mudia ke mwẹ. Ohan mu mwẹ sẹrriọ wẹ I na wa de gbotọ. Rẹn keghi tama mwẹ wẹẹ, “Ovbi ọmwa, rẹn emwi ne a yae kha. Umian na, ẹmwẹ ufomwẹ agbọn ọ re ọ de mu.”

Daniẹl 8:19

Ọ wẹẹ, “Te I rhie ma ruẹn na emwi ne ọ ra lae rre ighe ohu ne ọ mu Osanobua. Umian ẹghẹ ufomwẹ agbọn ọ re ọ de mu.

Daniẹl 8:27

Egbe hia keghi guọghọ mwẹ yotọ, I na ya ikpẹdẹ ihinrọn khuọnmwi. Ẹre I na kpaegbe, I na gha rrie ehe ne iwinna ne ọba mu mẹ ye. Sokpan, umian nii sunsun yọmwẹ aro, I ma vbe rẹn emwi ne a yae kha.

Iyẹn ne ọ Maan Ọghe Mak 9:15

Ugbẹn vbe iran ghi wa bẹghe Jesu, ọ yan iran unu uan, iran keghi rhulẹ bu ẹre ya tue ọe.

Iyẹn ne ọ Maan Ọghe Luk 2:19

Meri ma mianmian avbe emwi na, ọ keghi hẹko gha rria iran vbe ekhọe ẹre.

Iyẹn ne ọ Maan Ọghe Luk 2:51

Jesu keghi lele iran dọlegbe gha rrie Nazarẹt, ọ kegha họn ẹmwẹ ne iran. Iye ẹe keghi ye emwi na hia ẹro.

Iyẹn ne ọ Maan Ọghe Luk 9:44

Ehe ne emwa hia na yan unuan ye emwi ne Jesu ru na, ọ khama avbe erhuanegbe ẹre wẹẹ, “Wa ghẹ mianmian ẹmwẹ ne I ra tama uwa na. A ra gba Ovbi Ọmwa rhie fi emwa ne agbọn obọ!”