Daniẹl 7:24 - Edo Bible (E Baibol Ẹdo) Version 1996

²⁴ Avbe igho igbe nii keghi re avbe ọba igbe ni gha rriọba vbe otọe arriọba nii. Iyekọnii, ọba ọvbehe gha vbe ladian, ọ gha wa lughaẹn ne nekpa hia ni kagha rre, ọ gha munọ avbe ọba eha gbotọ.

Daniẹl 7:24 ပူးပေါင်းရင်းမြစ်များ

Daniẹl 11:36

Ọba e Siria ghi gha da gbe da mu, ọ ghi gha rhuọ we rẹn kpọlọ sẹẹ avbe ẹbọ, kevbe wẹ rẹn sẹ Osanobua ne ọ kpọlọ Sẹehia. Ọ gha sẹtin gha ru avbe emwi na ọ te do sẹ ẹghẹ ne Osanobua gha ya rria ẹre ikhi. Osanobua gha ru zẹ vbene ọ mwamwaẹn zẹẹ.

Daniẹl 2:41

U vbe miẹn wẹ owẹ ọre kevbe ikpinhianwẹ ẹre kegha re azẹguagua ekẹn kevbe ematọn. Ọnii rhie ma wẹ, arriọba ne ọ gha wannọ egbe nọ. Ọ gha vbe mwẹ ẹtin eso ne ọ gha ye vbe ọghe ematọn, rhunmwuda a ya ematọn gua obuẹ nii.

Daniẹl 7:20

I keghi vbe gha ho ne I rẹn vbekpa igho igbe ne ọ rre ọre uhunmwu, kevbe unu ọkpa, ọ keghi wa vbe rhuọ orhuọ uhiomwẹ. Rẹn ọ re ọ wa mu ohan sẹ iran nekpa hia.

Daniẹl 7:23

Ewanniẹn ne ọ rhie mẹ ọ re ọna khin: “Aranmwẹ ne ogienẹ keghi re arriọba ogienẹ ne ọ ra rrie agbọn, ọ gha vbe lughaẹn ne avbe arriọba nekpa hia fẹẹrẹ. Ọ gha piẹn otọ agbọn na hia gbua, ọ ghi ya owẹ rrilo ẹe ginna otọ.

Arhie Maan 12:3

Ama ọvbehe keghi vbe rhie egbe maa vbe iso. Ugbogiorinmwi ne gẹdẹgbẹ ọkpa ne ọ baa kegha rre evba, ọ keghi mwẹ uhunmwu ihinrọn, igho igbe, ẹde ọkpọkpa kegha rre dọmwadẹ uhunmwu ẹnrẹn.

Arhie Maan 13:1

Iyeke ọnii, I keghi ya bẹghe aranmwẹ oha ọkpa vbe ọ ke uwe okun ladian dee, ọ keghi mwẹ igho igbe kevbe uhunmwu ihinrọn. Ẹdẹ keghi rre ọkpọkpa vbe uwu avbe igho na, a keghi gbẹn eni uyinmwẹ dan ye ọre uhunmwu.

Arhie Maan 17:3

Orhiọn keghi hin yan mwẹ, odibosa ni keghi mu mwẹ gha rrie uwu ato. Evba ọre I na ya dẹghe okhuo ọkpa, ọ keghi tota yan aranmwẹ oha ne ọ baa ọkpa, ne a wa gbẹnnẹ eni dan gba ẹre aro gba ẹre iyeke, ọ keghi mwẹ uhunmwu ihinrọn kevbe igho igbe.