Daniẹl 7:21 - Edo Bible (E Baibol Ẹdo) Version 1996

²¹ Ẹghẹ ne I na gha ghe ẹre, igho ni keghi mu okuo gie emwa Osanobua, ọ keghi khọn miẹn iran otọ.

Daniẹl 7:21 ပူးပေါင်းရင်းမြစ်များ

Daniẹl 11:31

Eso vbe ivbiyokuo ẹre gha ru awua vbe uwu Ọgua Osa, iran gha dobọ izọese ẹdẹgbegbe yi, iran ghi mu ‘Emwikhọ Ugborrirri’ gbọọ.

Daniẹl 12:7

Odibosa nii keghi viọ obọ da iso, ọ keghi ye eni Osanobua etẹbitẹ yan. I keghi họn vbe ọ khare wẹẹ, “Ukpo eha vbe ukhiọnmwẹ khian gha nọ. Emwi na hia gha sunu fo nẹ a ke dobọ emwa Osanobua ne a zẹ kpokpo yi.”

Daniẹl 7:20

I keghi vbe gha ho ne I rẹn vbekpa igho igbe ne ọ rre ọre uhunmwu, kevbe unu ọkpa, ọ keghi wa vbe rhuọ orhuọ uhiomwẹ. Rẹn ọ re ọ wa mu ohan sẹ iran nekpa hia.

Daniẹl 8:12

Orukhọ ọ re emwa ghi ya gha ru vbe evba ye ihe ne iran gha na te gha zọ ese ne a mwa yọ ẹdẹgbegbe, a keghi mu iyayi ẹmwata fua. Igho nii ke wa gha miẹn ọ dunnaẹn vbe emwi ne ọ ru hia.

Daniẹl 8:24

Rẹn gha wa wegbe sokpan, ẹ i re vbekpa ẹtin obọ ẹre. Ọ gha wa rhia emwi nibun ọghe ọhanabe, emwi hia ne ọ ru ghi wa vbe gha dinnodẹ ne ẹẹn. Ọ gha si ọfuan ye emwa ni mwẹ ẹtin nibun egbe, kevbe avbe emwa Osanobua.

Daniẹl 8:9

Igho ọkpa kherhe keghi vbe zọ ladian vbe uwu ọkpa vbe uwu igho enẹ na, ẹtin ẹnrẹn keghi nien obọ sẹ odẹ ekẹn kevbe ahọ kevbe ghe Otọe Eyan nii.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

Arhie Maan 17:6

I keghi miẹn wẹ ayọn esagiẹn emwa Osanobua wa gbe okhuo na, kevbe esagiẹn avbe emwa ne a gbele ba ẹmwẹ iran mu uhunmwu kọ ẹmwẹ Jesu. Ugbẹn vbe i ghi bẹghe ẹre, ọ keghi yan mwẹ unu uan.

Arhie Maan 19:19

Mẹ keghi bẹghe aranmwẹ oha nii, kevbe avbe ọba agbọn kevbe ivbiyokuo iran, iran si egbe koko, ne iran gu ọmwa ne ọ hin ẹsin nii, ke ivbiyokuo ẹre gbinna.