Daniẹl 7:20 - Edo Bible (E Baibol Ẹdo) Version 1996

²⁰ I keghi vbe gha ho ne I rẹn vbekpa igho igbe ne ọ rre ọre uhunmwu, kevbe unu ọkpa, ọ keghi wa vbe rhuọ orhuọ uhiomwẹ. Rẹn ọ re ọ wa mu ohan sẹ iran nekpa hia.

Daniẹl 7:20 ပူးပေါင်းရင်းမြစ်များ

Daniẹl 7:11

Ehe ne I na ye ghe ẹre nii, I keghi ye gha họn urhu igho ne tunnẹ nii, ọ gha yanma, ọ gha rhuọ. Vbene I wa ghe ẹre nii, a keghi gbe aranmwẹ ne ogienẹ nii uan, a keghi mu ikun ẹnrẹn fi uwu erhẹn, ọ na gien uan.

Daniẹl 7:19

I keghi gha ho ne I ye rẹn sayọ vbe ekpa aranmwẹ ne ogienẹ ne ọ lughaẹn ne nekpa, aranmwẹ ne ọ mu ohan nii, ọ ya ihiẹn oze ẹre, kevbe akọn ematọn ẹnrẹn piẹn emwi ne obọ ẹre vbare, ọ ghi ya owẹ mama ẹẹn ginna otọ.

Daniẹl 7:21

Ẹghẹ ne I na gha ghe ẹre, igho ni keghi mu okuo gie emwa Osanobua, ọ keghi khọn miẹn iran otọ.

Daniẹl 7:23

Ewanniẹn ne ọ rhie mẹ ọ re ọna khin: “Aranmwẹ ne ogienẹ keghi re arriọba ogienẹ ne ọ ra rrie agbọn, ọ gha vbe lughaẹn ne avbe arriọba nekpa hia fẹẹrẹ. Ọ gha piẹn otọ agbọn na hia gbua, ọ ghi ya owẹ rrilo ẹe ginna otọ.

Daniẹl 7:7

Ehe ne I na ye ghe ẹre nii aranmwẹ ne ogienẹ keghi ladian ọ wa mwẹ ẹtin ne ọ mu ọmwa ohan, ọ gbe orrirri. Akọn ematọn ẹnrẹn ne lẹulẹu, ọ re ọ ya piẹn emwi ne ọ miẹn gbe, ọ ghi ya owẹ mama iran ginna otọ. Ọ keghi mwẹ igho igbe ne ọ ya lughaẹn ne avbe aranmwẹ nekpa.

Daniẹl 7:8

Ehe ne I na ghe avbe igho ẹre nii, I keghi miẹn igho ọkpa tunnẹ, ọ kegha zọ ladian vbe adesẹneva iran nekpa, ọ keghi kpannọ eha kua vbe avbe igho ni ka gha rre evba. Igho na kegha mwẹ aro ọmwa nagbọn kevbe unu ne ọ wa yan dunmwu ẹgun.

Arhie Maan 12:3

Ama ọvbehe keghi vbe rhie egbe maa vbe iso. Ugbogiorinmwi ne gẹdẹgbẹ ọkpa ne ọ baa kegha rre evba, ọ keghi mwẹ uhunmwu ihinrọn, igho igbe, ẹde ọkpọkpa kegha rre dọmwadẹ uhunmwu ẹnrẹn.