Daniẹl 7:18 - Edo Bible (E Baibol Ẹdo) Version 1996

¹⁸ Emwa Osanobua ne ọ Sẹehia gha mwẹ ẹtin ọba iran ghi vbe dae yi ẹdẹdẹmwẹdẹ.”

Daniẹl 7:18 ပူးပေါင်းရင်းမြစ်များ

Psalm 45:16

Wẹ ne ọba mwẹ u gha biẹlẹ emọ ikpia nibun ni gha rri ọba lele avbe erha a odede, wẹ ghi vbe ye iran ru enọkhaemwisẹ, yan uhunmwu otọ agbọn hia.

Psalm 49:14

A tae nẹ ighe te iran ra wulo zẹvbe ohuan, uwu, ọ re ọ ra gha re ọsuohuan iran. Obọ ọmwata gha ke ukhunmwu ne iran, vbe ikinnegbe iran a gha kẹkẹ ua ẹgiẹgiẹ, vbe ẹvbo avbe orinmwi, ehe ne ọ rrei ne owa iran ẹsẹse.

Aizaia 14:2

Uhunmwu ẹvbo nibun gha ru iyobọ ne Izrẹl ne iran ya dọlegbe gha die otọe ne Nọyaẹnmwa mu ne iran, evba nii, avbe uhunmwu ẹvbo nii hia ghi vbe gha ga Izrẹl zẹ vbe ọviẹn. Avbe iran ni te khọn miẹn Izrẹl otọ, Izrẹl ghi khọn miẹn iran otọ, ivbi Izrẹl ghi gha kha yan iran ni te ka gha wọ iran uhunmwu.

Daniẹl 7:14

A keghi rhie asẹ, uyi, kevbe ẹtin ọba nẹẹn, ne emwa uhunmwu ẹvbo hia, emwa, kevbe ẹvbo ne a zẹ, miẹn ehe na gha kpe gae. Asẹ ọre ghi gha rrọ rhinrin ẹdẹ, arriọba ẹre i vbe mwẹ ufomwẹ.

Daniẹl 7:17

Ọ wẹẹ, “Avbe aranmwẹ ne lẹulẹu enẹ na kegha re arriọba enẹ ni gha guakpaọ vbe agbọn.

Daniẹl 7:22

Ẹre rẹn ni ne ọ wa rrọ ẹdẹdẹmwẹdẹ na rre, ọ keghi bu ase ne emwa Osanobua ne ọ Sẹehia. Ẹghẹ sẹe nẹ ne emwa Osanobua gha na gha mwẹ ẹtin ọba.

Daniẹl 7:25

Ọ gha ye ukpẹ sakan Osanobua ne ọ Sẹehia, ọ ghi gha khulo emwa Osanobua khian. Ọ gha ho ne ọ fi uhi ugamwẹ kevbe emwiukpo ne iran ru werriẹ. Emwa Osanobua ghi vbe gha rre ototọ ẹtin ẹnrẹn vbe ukpo eha vbe ukhiọnmwẹ.

Daniẹl 7:27

A gha mu ẹtin kevbe ukpọlọmwẹ ọghe avbe otọe arriọba agbọn hia ne emwa Osanobua ne ọ Sẹehia. Ẹtin ọba ne iran mwẹ i vbe fo ẹdẹ. Avbe iran ni khaemwisẹ vbe otọ agbọn hia gha ga, iran ghi vbe gha họn ẹmwẹ iran.”

Obedaia 1:17

“Sokpan, eso gha lẹ fe vbe Oke Zaiọn ọ ghi gha re ehe nọhuanrẹn. Ivbi uniẹn e Jekọb gha dọlegbe yan otọe ne ọ re ọghe obọ iran.

Iyẹn ne ọ Maan Ọghe Luk 1:33

Rẹn gha rriọba yan ivbi e Jekọb ẹdẹdẹmwẹdẹ, arriọba ẹre ẹ i ra mwẹ ufomwẹ.”

I Kọrinti 6:2

Wa ma rẹn ighẹ emwa Osanobua ọre ọra bu ohiẹn, agbọn na? Ẹn hẹn, a deghẹ wa ọre ọra bu ohiẹn agbọn na, wa i sẹtin bu ena ighẹ iku ẹmwẹ ra?

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Ẹfisọs 6:12

Rhunmwuda ẹ i re emwa ne agbọn kẹkan ma gu vẹn, sokpan iran nọ ighẹ avbe ẹtin ni wo ni re avbe ẹrinmwi, avbe ọdakha, avbe enikhaemwisẹ, avbe eniwanrẹn asọn, ọ ghe orre ne ọ so ebiebi na.

Arhie Maan 20:4

Vbe iyeke ọnii, I keghi do bẹghe avbe ẹkete kevbe iran ni tota yọ, a keghi rhie ẹtin ne iran, ne iran ya gha bu ohiẹn, I keghi vbe bẹghe orhiọn avbe emwa ne a gbele ba ẹmwẹ wẹ, iran kpe orhu ẹmwata ne Jesu rhie rre kevbe ẹmwẹ Osanobua. Iran ma ya uhunmwu rhanmwẹ otọ ne aranmwẹ oha nii, ra amazẹ ọre, ra a ma wẹ ne a vin ama aranmwẹ oha nii ye iran uharo ra obọ. Iran keghi gu Kristi gha rrọọ, iran keghi vbe gu ẹe khaemwisẹ zẹ vbe ọba la ukpo arriaisẹn nii.

Arhie Maan 22:5

Asọn i ghi khian gha rrọọ ọvbehe, iran i ghi khian vbe gha gualọ ukpa ra ovẹn ne ọ yunmwu, rhunmwuda Nọyaẹnmwa ọre ọ khian gha re uwanmwẹ iran, iran gha khaemwisẹ zẹ vbe ọha ẹdẹ kevbe ẹdẹdẹmwẹdẹ.

Arhie Maan 3:21

Iran ni khọnmiotọ, I gha rhie asẹ ne iran, ne iran tota ke mwẹ vbe ẹkete mwẹ, zẹe vbene imẹ khọnmiotọ, ne I na vbe tota ke Erha mwẹ nian vbe ẹkete ẹre.

Arhie Maan 5:10

U ya uniẹn hia, ẹvbo ne a zẹ, emwa kevbe agbọn ẹvbo, ru arriọba avbe ohẹn, ne iran gha ga Osanobua mwa. Iran gha vbe khaemwisẹ vbe agbọn.”