Daniẹl 7:16 - Edo Bible (E Baibol Ẹdo) Version 1996

¹⁶ I keghi zẹẹ owẹ bu ọkpa vbe uwu iran ni mudia vbe evba, I na nọ rẹn wẹ ne ọ rhan otọ umian na ma mwẹ, rhunmwuda ọnii, ọ keghi ta emwi ne a ya ẹe kha ma mwẹ.

Daniẹl 7:16 ပူးပေါင်းရင်းမြစ်များ

Daniẹl 7:10

Aranmwẹ erhẹn keghi ba kọe ladian. Arhunmwu arriaisẹn nibun kegha rre evba ne iran gha gae, arhunmwu arriaisẹn arriaisẹn nibun keghi mudia ye odaro ẹre. Iko ibuohiẹn nii keghi suẹn iwinna, a na we avbe ebe.

Daniẹl 7:17

Ọ wẹẹ, “Avbe aranmwẹ ne lẹulẹu enẹ na kegha re arriọba enẹ ni gha guakpaọ vbe agbọn.

Daniẹl 8:17

E Gebriẹl keghi rre, ọ na mudia ke mwẹ. Ohan mu mwẹ sẹrriọ wẹ I na wa de gbotọ. Rẹn keghi tama mwẹ wẹẹ, “Ovbi ọmwa, rẹn emwi ne a yae kha. Umian na, ẹmwẹ ufomwẹ agbọn ọ re ọ de mu.”

Daniẹl 9:22

Ọ keghi rhan otọ ẹre, ọ wẹẹ, “E Daniẹl, te I rre do ru iyobọ ne uẹn ne u sẹtin rẹn otọ ẹmwẹ akhasẹ nii.

Zẹkaraia 1:19

I keghi nọ odibosa ne ọ gunmwẹ guan usin wẹẹ, “De emwi ne a ya avbe igho na kha?” Rẹn keghi wanniẹn wẹẹ, “Iran mudia ye ihe ẹvbo ni mwẹ ẹtin ni zagha ivbi Juda, Izrẹl kevbe Jerusalẹm kua.”

Zẹkaraia 2:3

Mẹ keghi bẹghe odibosa ne ọ gun mwẹ guan usin vbe ọ zẹ owẹ sikẹ odaro, odibosa ọvbehe keghi do vba ẹre.

Zẹkaraia 3:7

e Nọyaẹnmwa khare wẹẹ, “U gha ye uhi mwẹ ru emwi, u na vbe gha ru iwinna ne I wa ne uẹn, ẹghẹ nii, u ghi gha re ọmwa ne ọ gbearoghe Ọgua Osa mwẹ kevbe ehe ne ọ lẹga ẹre rhinrin, mẹ gha vbe họn erhunmwu ruẹn, zẹ vbene I họn erhunmwu avbe odibosa ni rre ehe ne imẹ ye.

Arhie Maan 5:5

Ẹghẹ nii ọre ọkpa vbe uwu avbe ediọn nii na khama mwẹ wẹ, “Ghẹ ghi viẹ! Ghe oduma ne ọ ke uniẹn Juda rre, ọmọ nọkhua ne ovbi uniẹn Devid, khọn miotọ nẹ, ọ gha rhan emwi ne a ya gha ẹe ihinrọn nii, ọ ghi vbe rhan ebe nii, ne a kiri.”