Daniẹl 6:7 - Edo Bible (E Baibol Ẹdo) Version 1996

⁷ Ma hia fẹẹrẹ ni rre asẹ vbe otọe ruẹ na, iran ni su ẹvbo, avbe gọvina, avbe edayi e gọvina kevbe emwa ni rre ukpo nekpa, gba tae kugbe nẹ wẹ ne uwẹ ne ọba yi iyi, ne u vbe miẹn wẹ a wa kakabọ mu ẹẹn sẹ, yi ẹre iyi wẹ vbe uwu ikpẹdẹ ọgban, ne ọmwaikọmwa, ghẹ nọ emwikemwi vbe obọ ẹbọikẹbọ vbe ẹ i re vbe obọ uwẹ ne Umogun. Ọmwaikọmwa ne ọ rra iyi na, a ghi ya fi ẹe fi uwu uvun ne ọ vuọn ne oduma.

Daniẹl 6:7 ပူးပေါင်းရင်းမြစ်များ

Psalm 10:9

Ọ ghi rhuẹ ye ehe ne ọ lẹre yi zẹ vbe oduma, Ọ ghi lẹre khẹ ovbiogue. Ọ gha ghi ya ifi ẹre munọ iran nẹ, ọ ghi silo iran gha rriẹ.

Psalm 2:2

Avbe ọba iran sọtẹ, ekhaẹmwẹ iran vbe si uma kugbe ghe Nọyaẹnmwa, kevbe ghe ọba ne irẹn zẹe.

Psalm 59:3

Ghe! Iran ghae ye odẹ ne iran gbe mwẹ uan. Avbe emwa dan gha si uma ga mwẹ, ẹ i re rhunmwuda orukhọ, ra abakuru ne I ru.

Psalm 59:5

Kpaegbe Nọyaẹnmwa ne Oghodua ne u yọmwẹ obọ to bọọ gie aro ruẹe sẹ ọe Osanobua Izrẹl. Rhiọrre, ne u rri iran ni ma yayi oya ghẹ tohan emwa dan ni ya ọmwa ne a vbokho.

Psalm 62:4

Te uwa ho ne uwa siẹe guọ, hin ehe uyi ẹre rre kẹkan; ohoghe ne a ta ghi wa gha yẹ uwa wa ghi gha na erhunmwu, vberriọ, wa ye otọ ẹko tie ihẹn ne ẹn.

Psalm 83:5

Iro ne iran zẹe gu egbe ro nẹ, iran ku obọ gbe mu aro da ruẹ.

Psalm 94:20

Wẹ kevbe ọmwa nọ bu ohiẹn, ne ọ guẹ emwi dan i sẹtin gba ru iran ni ye ohiẹn ohoghe khian ne ọ gbae.

Daniẹl 2:4

Iran keghi ya ẹvbo Aremia tama rẹn wẹẹ, “Ọba gha tọ, ọ kpẹre, ta imina ne u minaẹn ma ima, ma gha rhan otọ ẹre ma ruẹn.”

Daniẹl 3:11

kevbe wẹ ọmwaikọmwa ne ọ ma ghughẹrre ya uhunmwu rhanmwẹ otọ, te a ra fi ẹe fi uwu erhẹn.

Daniẹl 3:2

Ọba keghi gie ne a tie avbe ekhaẹmwẹ ọnrẹn hia avbe ivbiọba, avbe e gọvina, akhọwa e gọvina, akọnmisina, olaza, enibuohiẹn ni wegbe, enibuohiẹn kẹkan kevbe avbe emwa ọvbehe ni ghi khaemwisẹ vbe otọe nii, ọ na wẹ ne iran hia gha die ehe ne a ra na kpe ga amazẹ na ne Nebukiadneza ne ọba maẹn.

Daniẹl 3:27

Avbe iran ne ivbi ọba hia, avbe gọvina kevbe avbe akhọwa e gọvina, kevbe avbe ekhaẹmwẹ ọba nekpa hia, keghi vẹ rre gha ghe iran eheha na ne erhẹn nii ma giẹn. Eto iran ma vbe rara, ukpọn iran ma giẹn, ẹwia ighogho i vbe rre iran egbe.

Daniẹl 3:6

Ọmwa ikọmwa ne ọ ma ghughẹrre ya uhunmwu rhanmwẹ otọ, a gha fiẹe fi uwu erhẹn vbe ọwarọkpa nii.”

Daniẹl 6:16

Ẹre ọba ghi na wẹ ne a ya mu e Daniẹl fi uwu uvun ne a viọ avbe oduma vuọn ni. Ọ keghi tama e Daniẹl wẹẹ, “Te Osanobua ni ne u ye ekhọe ruẹ hia ga vberriọ gha miẹn ruẹn fan o.”

Daniẹl 6:22

Osanobua giee odibo ẹre rre do ya obọ guee avbe oduma unu ne iran ghẹ sẹtin ru mwẹ emwi rhọkpa. Ọ ru ẹe vberriọ rhunmwuda ọ rẹnrẹn wẹ, I ma rẹn ọkpa, I ma rẹn eva, kevbe wẹ, I ma fidọn ghe ruẹ Umogun.”

Maika 6:5

Wa ne emwa mwẹ, wa yerre emwi ne Balak ne Ọba e Moab te mwamwa ne ọ ru uwa re, kevbe ewanniẹn ne Balam ne ovbi e Beọ rhie ne ẹẹn. Wa yerre, avbe emwi ni sunu vbe odẹ ke agọ Akasia ya sẹ Gilgal. Wa ye avbe emwi na rre, wa gha vbe rẹn emwi ne I ru ne I ya miẹn uwa fan.”

Nahum 2:12

Oduma gbe emwi ne ọ ra re nẹ, ọ keghi yanghaan ẹre ukhiọnmwẹ ukhiọnmwẹ ne amwẹ kevbe ivbi ẹre ọ ye efun ne a yanghaẹn vuọn uvun ẹnrẹn.

Matiu 12:14

Avbe Farisi keghi ya si uma vbene iran gha ya gbe Jesu ua hẹẹ.

Matiu 26:4

Iran keghi mwamwa vbene iran gha ya do mu Jesu hẹ ne iran gbe ẹe rua.

Iyẹn ne ọ Maan Ọghe Mak 15:1

Vbe owiẹ vbirrivbirri avbe igie ohẹn kevbe avbe ediọn keghi ya gu iran ni ma emwa Uhi kevbe avbe eghaẹvbo do iko ẹgiẹgiẹ, ne iran mwamwa emwi ne iran gha ru. Iran keghi rro eghan ye Jesu obọ, iran na si ẹe bu Pailet.

Iyẹn ne ọ Maan Ọghe Jọn 12:10

Avbe igie ohẹn keghi vbe rhunmwuda ọnii si uma ne iran vbe gbe Lazarọs.