Daniẹl 6:3 - Edo Bible (E Baibol Ẹdo) Version 1996

³ Wanwanna, e Daniẹl rhie maa nẹ ighe rẹn guẹ iwinna sẹẹ iran ne eva ni dekẹe ra avbe gọvina nii. Rhunmwuda wẹ a i miẹn egbe irẹn, e Dariọs na zẹẹ ọe vbe iro wẹ rẹn wa mu otọe arriọba nii hia ne ẹẹn gha gbearoghe.

Daniẹl 6:3 ပူးပေါင်းရင်းမြစ်များ

Ẹzra 4:22

Wa ru emwi na ẹgiẹgiẹ ne iran ghẹ ghi fi obọ yọmwẹ unu.”

Nehimaia 7:2

I keghi viọ arhin eva yọ ne iran gha khaemwisẹ yan Jerusalẹm, iran na kegha re ọtẹn mwẹ ne okpia ighẹ Hanani kevbe Hananaia ne ọkaokuo ne ọ gbearoghe odin ikhẹgbe. E Hananaia kegha re ọmwa ne ọ gie a muẹtinyan kevbe ne ọ vbe mu ohan Osanobua ne a i vbe miẹn egbọre ọvbehe.

Ẹsta 10:3

E Modekai kegha re ne ọ zẹ diake ọba Kzakzis tobọ ẹre vbe otọe nii. Avbe Ju ne ihua ẹre kegha ya ọghọ ne ẹẹn, iran kevbe gha ho ẹmwẹ ọnrẹn. Ọ keghi kakabọ gha winna ne umamwẹ ọghe emwa ẹnrẹn kevbe ẹkun ne ọ sotọ ọghe ivbi uniẹn iran vbe ẹdẹ ne ọ dee.

Itan 17:27

Ọmọ ne ọ rẹn enegbe i talọ ẹghẹ hia; ọmwa ne ọ hẹko zin egbe, ọmwa ne ọ ghe umọdia emwi ọ re nọ.

Itan 22:29

Ma mwẹ ọmwa ne ọ winna iwinna rẹn ẹse, I gha vbe ma ruẹn ọmwa ne ọ maa sẹẹ emwa nibun kevbe ọmwa ne ọ sẹe ne ọ gha gu ọba tota.

Asan-Ibo 2:13

Ẹta a, I rẹnrẹn wẹẹ, “Ẹwaẹn ọ re ọ maa sẹẹ ukọnmwẹ, zẹ vbene uwanmwẹ maa sẹẹ ebiebi.

Daniẹl 5:12

Ẹtin ughaẹn ọ re ọ wa gue ẹe, ẹwaẹn gba ne ẹẹn, ẹmwẹ imina ne a rhan otọ ẹre ẹmwẹ ibo ne a san, kevbe ẹmwẹ emwi ọkpaodin ne a rhan otọ ẹre. Rhunmwuda ọnii nian, gie ne a tie okpia na ne erha a he ẹre Bẹtẹsiaza, o gha tama ruẹn emwi ne a ya ena hia kha.”

Daniẹl 5:14

I họẹn ighe orhiọn avbe ẹbọ nihuanrẹn guẹ kevbe wẹ u guẹ emwi ẹsẹse, u vbe mwẹ irẹnmwi kevbe ẹwaẹn.

Daniẹl 5:7

Ọ keghi datuu wẹ ne a bu avbe ebo edunna yo, avbe azẹn kevbe avbe iwe uki. Iran ghi rre nẹ, ọba tama iran wẹẹ, “Ọmwaikọmwa ne ọ sẹtin tie avbe emwi ne a gbẹnnẹ na, ọ na vbe tama mwẹ emwi ne a ya ẹe kha, a gha yọ ẹre ẹwu ododo ne ọba ya kie ugie, a gha mu igoru urhu ọghe uyi ye ọre urhu, ọ ghi gha re ọzukpogieha vbe otọe arriọba na.”

Daniẹl 9:23

Ugbẹn vbe u ghi gha rinmwian Osanobua, ọ keghi zẹ ẹmwẹ wanniọn. Ọ ho ẹmwẹ ruẹn, rhunmwuda ọnii, ọ re I na gha dee do rhie ewanniẹn ọnrẹn ne uẹn rhunmwuda ọnii nian, danmwehọ vbe ne I rhan otọ umian na hẹ.