Daniẹl 6:25 - Edo Bible (E Baibol Ẹdo) Version 1996

²⁵ Ẹre Dariọs ne ọba na gbẹnnẹ ebe gie emwa ni rre uhunmwu ẹvbo hia, emwa ughughan kevbe ẹvbo ne a zẹ ni rre otọ agbọn wẹẹ, “I giotuẹ uwa hia!

Daniẹl 6:25 ပူးပေါင်းရင်းမြစ်များ

Ẹzra 4:17

Ọgbaisi keghi rhie ewanniẹn na gie iran: “E Rehum ne ne ọ khaemwisẹ, e Simsiai ne ọgbenbe ẹvbo, e Sameria kevbe otọe nekpa vbe odẹ Orrie ọghe Yufretes, I giotuẹ uwa.

Ẹsta 3:12

Ọ ghi sẹ ikpẹdẹ ne ogiwera ọghe uki ne okaro, e Haman keghi tie avbe ọgbenbe ọba, ọ na gha guan ne iran wa gha gbẹn ọẹn vbene irẹn ya tae nii, ẹmwẹ ne ọba tae, ne a gha vbe zedu ẹre ye ẹvbo ne a zẹ ke odẹ ne a ya gbẹnnẹ emwi ni rre otọe arriọba nii hia ne a viọ gie avbe irriegie ni khaemwisẹ, kevbe ewọe ọba hia. Eni e Kzakzis ọ re a ya ta ẹmwẹ na, a na ya oroka ẹre yi ama asẹ yọ.

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Ẹsta 8:9

Ikpẹdẹ eha yan ugie vbe uki ne ogieha ne a tie ẹre Sivan, ọre emwi na na sunu. Modekai keghi tie avbe ọgbenbe ọba, ọ na talọ ẹmwẹ ne iran gha gbẹnnẹ ye ebe gie avbe Ju ma iran gha gbẹnnẹ ye otọ, kevbe gie avbe ni khaemwisẹ, avbe eghaẹvbo, kevbe iran ne ẹwae ọba ni rre iyaẹvbo ihinrọn yan iyehan ni ke India ya sẹ e Sudan.

Psalm 7:15

Sokpan, ifi ne iran te khuẹn khẹ ẹrrẹe, iran tobọ iran ọ re ọ ghi mu.

Psalm 9:16

E Nọyaẹnmwa ye egbe ne a miẹn, vbekpa ohiẹn ẹmwata ne ọ bu. Iwinna dan ọghe emwa dan, khuẹn ifi mu iran.

Itan 11:8

A degue emwa ẹmwata hin obọ ọlọghọmwa rre, ọmwa dan ọ re ọ ghi bu rre ye ihe ẹre.

Daniẹl 3:4

Avbiogbẹ keghi ya urhu ne ọ la datuu tama emwa wẹẹ, “Emwa ni ke dọmwadẹ otọe, ẹvbo ne a zẹ kevbe ẹwae rre.

Daniẹl 4:1

E Nebukiadneza ne Ọba keghi gie uhunmwu na gie uhunmwu ẹvbo hia kevbe emwa kevbe ẹvbo ne a zẹ ni rre otọe agbọn hia wẹẹ, “I giotuẹ uwa.

Diuteronomi 19:19

A ghi rri ọ re oya ne a gha te rri ọmwa ne a mu ẹmwẹ kuan ni re. Odẹ vbe nian, wa gha gbe ukhu iba vberriọ rua.

I Pita 1:2

Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.

II Pita 1:2

Ẹsọhẹ kevbe ọfumwegbe ne ọ vuọn sẹ omwa, ne ogha re ọ ghe uwa vbe ekpa urẹnmwẹ ne uwa rẹn Osanobua kevbe Jesu ne Nọyaẹnmwa.

Ebe ne Jud gbẹẹn 1:2

Itohan, ọfumwegbe kevbe aho ẹmwẹ ọmwa ne ọ gha re ọ ghe uwa vbe ne ọ vuọẹn sẹ omwa.